انتظر رد ؟ وين الناس

1. وانشالله ماتحتاجونهم وتروحون وترجعون بالسلامه

الله يحفظه لكم من كل شر اختي انا ماقد سافرت مع طفل بهالوقت من السنه لكني بقول لك اللي اعرفه
فيه شي مثل البلاستك تغطين به عربه الطفل وانتو تمشوون برا تحميه من الهوا البارد والمطر هذا الشي ممكن يفيدك
والله الله بالثياب الدافيه لبسيه طبقات فوق بعض اللي يجي كامل مغطي كل الجسم مع قبعه وفوقه بطانيه
وعشان تتأكدين من الحراره حطي لك ترمومتر داخل العربه وهي مغطيه بالبلاستك وشوفي كم درجه الحراره وعلى هالاساس خففي من الملابس او كثري منها بس انتبهي من الصوف انه ما يلامس بشره الطفل لانه ممكن يسبب تهيج او حساسيه والمسي وجه الطفل واطرافه عشان تتأكدين انه مو حران ولا برادن اهم شي الدفا وخلي له منفذ يتنسم منه الهوا مو تغطين كل العربه بالكامل بالبلاستك اوكي !!!!!!!!
اهم شي ان مايكون تيار هواء بارد مباشر وقوي في وجه الطفل
حاولي انك ماتحممينه كثير لما تروحون هناك واذا حممتيه احرصي على ان الجو يكون دافي ولا فيه اي تيار بارد بالمره
كريمات انا جربت كريم اسمه QV مع عيالي ممتاز واذا حصل له تهيج لا سمح الله ممكن تستخدمين كريم فيه نسبه .5. % من الكورتيزون يعالج بسرعه ويخفف التهيج والحكه
نجي للادويه خذي فكس الاطفال بس مدري اذا ممكن تستخدمين على بشره الطفل اللي عمره 3 شهور تأكدي وبعدين استخدميه الشي الثاني كالبول وهو خافض للحراره وخذي بروفين الاطفال احتياط في حاله ارتفاع درجات الحراره اللي ماتنخفض باستخدام دواء كالبول العادي وتحاميل البندول بعد زينه خذيها معاج
وللزكام دواء اكتفايد كولد اند كاف للسعال الجاف والزكام بس اختي تأكدي انه ممكن تعطين كل اللي قلت لك عليه لطفل في مثل عمر ولدك !!!!!!!!!!! بليز

وانشالله ماتحتاجونهم وتروحون وترجعون بالسلامه

نصيحه اذا قدرتي تخلينه وتسافرين بيكون احسن لكم وله هو مايفهم انك مسافره ولا راح يفقدك بهالعمرر كل اللي يبونه نوم واكل وراحه ومنها تجددون شهر العسل فتخلينه احسن من انك تودينه معاكم انتي بتتعبين وهو بيتعب بس اذا ماعندك احد تخلينه عنده مالك الا انك تودينه واقري ادعيه الحفظ كل يوم مرتين وانشالله مب صاير الا كل خير

لا ما اقدر اتركة .........لكن ما رأيك لو ادهن جسمه بالزيت السمسم او زيت الزيتون عشان يدفي جسمه ويبقيه دافي ........... انتظر المزيد من الردود

اختي ما يحتاج زيت و حوسة في السفر ، انتي خلي طلعاتك لاماكن مقفلة يعني مو للبرج او الشانز او الحدايق ، خلي الطلعات للاماكن المغلقة
و اللبس اهم شي دفي راسه و الايادي و الاقدام ، و كثري من البربتوزات الكاملة و الشراب الكامل و شراب ثاني صغير و بعدين الحذاء ، و لبسيه كفوف للايادي ، و كثري القطنيات من جوة ، و خلي الصوف من برة ، و خلي عليه لحاف ثقيل ، و اهم شي غطاء للعربية عشان تيار الهوا
و الله يحفظه ان شاء الله
بس نصيحة بعدي عن الفكس لانه صغير و غير كذا الفكس ما يناسب الا اذا كان في مشكلة صحية يعني فيه برد او شي لانه ما يدفي ، هو للعلاج ..
اهم شي غطي راسه مضبوط و خلي تغيير الحفاظ في مكان دافي و الافضل تخليه في الفندق لان ما فيه اماكن مهيأة و فيها تدفئة للاطفال .. و اذا بدأ يعطس اجلسي في الفندق لانه يكون اتاثر بالبرد و عطيه علاجات البرد او على الاقل فيفادول ..