وعليكم السلام والرحمة
اخوي انا سافرت السنه الي طافت نفس توقيت رحلتك تقريبا ، كانت رحلتي بوكيت 4 ليالي بتايا 4 ليالي بانكوك ليلة وحده
بوكيت الحلو فيها رحلاتها الى الجزر المحتلفه مثل رحلة البي بي ايلاند وجمس بوند
انصحك بفندق تارا من واقع تجربتي له
بالنسبة لبتايا منطقة العرب قريبه من الووكنغ ستريت لكن صراحة مانصحك تسكن بمنطقة العرب
انا سكنت بفندق يبعد تقريبا 15 دقيقه مشي من منطقة العرب وخمس دقايق مشي من الووكنغ ستريت وموقع حيل
حلو والفندق ممتاز صراحه اسمه Fraser resort
و بالنسبة للتذكرة من بانكوك الى بوكت الخيار يرجعلك تحجز من النت ((ارخص)) او من هناك انا عن نفسي حجزت من
هناك والحلو فيهم ان رحلات بانكوك الى بوكت متعدده واكثر من شركه افضلهم برايي الشخصي thai air
اتمنى اكون فدتك واي استفسار انا حاضر ومسافر عقب بكره

1. شف يالحبيب من الاخر

شف يالحبيب من الاخر

شنقماي مدينة غير ساحلية وساكنها هم اطيب ناس في تايلاند ورخيصه وهي مدينة هادية جدا وجملية وفيها كنوز من الطبيعة صراحه شلالات وانهار ومغامرة الرافتنق وزيارة مصانع خاصة العسل ومعابد واشياء كثيره هذا طبعا بالصباح تنسق رحلات مع مكتب سياحي من الصبح الى المغرب .. وبالليل مالك الا النايت بازار السوق الليلي واكثر السياح يتجمعون فيه للتسوق وفيه اكثر من كفي ومساج ومطاعم عالمية وعربية وغير ممل ابدا .. واللي تدور عليه يا طويل العمر ما انت محصله كثير في شنقماي وبتحصله في شارع قريب النايت بازار كله مراقص وفيه حلبة مصارعه ..
بوكيت مدينة ساحلية رائعة جدا وفيها رحلات الجزر تنسق مع مكتب سياحي من الصبح الى المغرب وفيها الفنتازيا وعرضها الليلي الخيالي وتقدر تستاجر دباب و تلف على بوكيت لوحدك لكن ما انسحك فيه لكثر المشاكل مع المستاجر وفيه حديقة حيوان بوكيت والقرية المائية وسباق سيارات واشياء كثير .. وبالليل يكون كل التجمع و الهبال في شارع البنقلا وهو مطل على الشاطئ وطوله كيلو وهالشارع في كل شي حرام وفيه الليدي بوي ههه والليدي ليدي وحتى السحره والمنجمين موجودين وكل شي .. هو مثل شارع جهنم في بتايا لكن شارع البنقلا افضل لانه اوسع وما فيه هنود ولا ايرانيين
لكن نصيحة اسكن في شاطئ الباتونق في فندق سكنت فيه انا اسمه poppa palace hotel احجزه عن طريق موقع بوكينق ارخص لك ونظيف جدا وكبير ومسابح فيه ورخيص ومرتب وقريب من الشاطئ 3 دقايق وشارع البنقلا اقل من دقيقتين على رجولك
ونصيحة لك اذا عندك فيزا او ماستر كارد احجز فندقك واحجز الطيران او ما توصل بانكوك الى شنقماي عن طريق في بيتك ونسق موعد وصولك الى بانكوك واحجز بعدها بثلاث ساعات ونسق الوقت زين وبرضو احجز من شنقماي الى بوكيت ومن بوكيت الى بتايا كله عن طريق النت وافضل خطوط هي أير اسيا لانها رخيصه ونظيفه .. لكن عى فكره ترا ما فيه طيران يودي من بوكيت الى بتايا الا طيران واحد وهو نوك أير لان بتايا فيها مطار حربي مو دولي ..
في بتايا انتبه تنسق مع تاكسي او دباب يلعبون عليك لان فيها الددسن أو البيك أب يدور على بتايا كلها وتركب بالصندوق وب 20 بات يوديك من شمال بتايا الى شارع جهنم ومو انت لحالك معك سياح وهو ارخص شي
بالنسبه للمعسل فيه في شارع جهنم جمب المرقص الروسي
الميزانيه اتوقع 6 الاف ريال سعودي بدون التذاكر وممكن اقل على حسب صرفيتك
واي خدمه أنا حاضر ولو تبي ايميلي عطيتك وبالتووفيق

كلام الاخوان جميل ومفيد
حبيت أضيف ان السنه التايلنديه وأحتفالات عيد الماء في منتصف أيام رحلتك
فهل عملت لها حساب ؟
هل انت من محبين البلل 24 ساعه ؟
هل ستأخذ الامر بالحسبان ؟ سيكون هناك عطله طويله للتايلنديين
يستعملونها بالسفر الداخلي ..
أحجز رحلاتك بكير , حتي لا تتعب كثير
شكرا

اخوي q8hunter
ماقصرت الله لا يهينك ،، دخلت موقع بوكينق فندق Fraser resortفي بتايا سعره حلو بس فندق تارا في بوكيت مبالغ فيه مرره ب 8000 بات الليله
اخوي فواز ،، شارع البنقلا يبيلهم يمثلون فيه فلم اكشن ههه كل هذا فيه
والله يا أني بحلل هالشارع بفره زنقة زنقه خ ،، فندق poppa palace hotel اعجبني ،، شكلي بخلي مسار الرحله بوكيت 4 -5 ايام / بتايا 5 ايام / بانكوك يومين ،،، ماقصرت وبيض الله وجهك
عندي سؤال : لو بحجز عن طريق بوكينق مايعلمني الغرفه اللي حجزتها فيها سرير مزدوج او فردي وش الحل ؟
اخذ معي دولارات واصرف هناك؟ كم سعر الصرف للدولار؟
# كيف اقدر اراسل أعضاء المنتدى ؟

هلا حبيب قلبي العصيمي ،،
انا ادري ان فيه عيد الماء بس مافكرت فيه ولا حرصت عليه على كلامهم كل واحد يرش على الثاني مويه خ
هل انت من محبين البلل 24س ؟ مافهمتك
اذا التايلنديين عندهم اجازه في نفس وقت رحلتي الله يعين لازم احجز على air asia بدري لا تصير رحلاتهم فل

بالنسبة لحجز الفنادق من بوكنغ لما تحجز في ((خانة ملاحظات)) اكتب فيها الي تبيه
وبالنسبة للصرف اخذ معاك شوية بات لكن الاكثر خله دولار واصرف هناك .
وملاحظة اخونا العصيمي حط بالك منها بهالفتره تمشي بالشارع ويرشونك بالماي ((مافيها زعل))

saaari92
الله يسلمك عزيزي
بس حبيت انك تحرص علي حجوزاتك
أتمني لك رحله سعيده مايعكرها أي شي
وترجع بالسلامه