انت حاتلف بانكوك تدور على فنادق
بص معاي
النوفيتيل تحتك الاسواق مباشرة يمين ويسار وعلى رجولك و 15 دقيقه المنطقة العربية التي تفتح في الليل وتشتغل 24 ساعه
الماجيستك عكس هذه المعلومات بالضبط وهو اقل نسبيا كافخامة لكنه ممتاز ومجرب ومعروف
دولي
بس اوضح المعلومة
و 10 الى 15 دقيقه الى المنطقة العربية بالتاكسي او القطار

حبيب قلبى اخيرا ظهرت معلش يا دولى انا تعبك معايا بس ده كان فندق ظهر ادامى وحبيبت اسأل وعارف ان انت الى حترد عليا مش بقولك حبيب قلبى
مقولتليش يا دولى لو حبيت منك تقولى مثلا جدول مصاريفى اليومية انا وزوجتى من اكل ورحلات و شراء مستلزمات للشاليه وكده يعنى ومرفق معها حدود الاسعار تقدر تعملى كده عشان دلوقتى ديه الحاجة الوحيدة الى قلقانى ؟!!

seco_troy
اكثر سئوال بينسئل
الاسعار زي مصر بالضبط او اغلى حبتيين
ماتنساش تجيب دولارات معاك
واضحه دلواتي
قلتلك اول اللي بيصرف عليك الرحلات فقط
دولي

ياعم براحة علينا ياعم ده انا حتى غلبان طيب انا نفسى بقى فى نصايحك كأخ فى السفرية تقول لاخوك ايه وهو مسافر وتنصحوه بأيه

seco_troy
نصايحي كثيرة
من اهما المكاسرة لما تشتري من المحلات اللي برا والمنتشرة
محلات التقليد تختلف من بعضها
وكمان خلي بالك من ديانتهم او ملكهم دول معظمين اوي عندهم ماتتكلمش فيهم ابدا
حاتوشنا والله
سلمي على على بوكيت واقولك على حاجة دي عشان خطرك بس
بص في فلل ميلسا عندهم طريقة مميزة في الفطور لما تكون عند الربيشن في الشيك ان اطلب فطور بكرا من على ورقة
يدوك اياه
واصحا بدري قبل المدام وقول انا عملت الفطور بيدي والحقيقه هم عملو الفطور جوا الفيلا وخرجو وانت ماتدرو
اقدع ناس
دولي

ههه حلوة اوى موضوع الفطار ده جامد جدا طيب انا خلاص عملت الحجز هنا بالفطار بس متحددش فيها الى انت بتقوله ده هل ده انا بحدده من هنا ولا من هناك صحيح اخبار البحر ايه لو احنا عايزين نقعد على البحر ايه النظام وانهى شط اقعد عليه واسعاره ايه وكده

هما بيدوك ورقة فيها انواع الفطار اختار منها اللي انت عاوز
شوف البحر خلي مدخل الفلة بظهرك وامشي لحد الشارع العام حرف t روح يسار ثم اول ملف يمين
حايجلك فندق كاتا بيتش على يسارك امشي على الرصيف بتاع الفندق حاتشوف البحر في وجهك
يعني تقريبا 600 متر
البحر الحلو في الباتنوج زي مااولتلك اول دا هو حلاوة بوكيت يعني انت ساكن في شاطئ اسمه كاتا بيتش
دولي

اه يا باشا انا عارف انى فى كاتا بيتش بس هو ايه الى بيميز باتونج بيتش عن كاتا مثلا يعنى انا الى اعرفه ان الباتونج بيتش كله زحمة لان الناس كلها هناك ولا ايه ؟