فصووولي
20-12-2022 - 10:12 pm
أنا بصراحه رح اسافر انا والمدام وطفل وبيني وبينكم والله تعبت المعلومات اللي شفتها شتت مخي والحين ما عرفت وين اسكن ولا وين اروح صح شفت اشياء واجد لكن مو قادر اركز
الرحله رح تكون كالتالي :-
بانكوك ابي فيها يومين
بعدين متحير اروح شنق ماي والا اروح فوكت أول شي ؟؟
على العموم مو مشكله بروح للي تقولون لي اذا كانت شانق ماي ابي اجلس فيها ثلاث ايام
واذا كانت فوكت ابي اربعة ايام برجع بعدها لبانكوك ابي اجلس فيها ثلاث ايام
يصير عدد ايام الرحله 12 يوم
1- المطلوب الفنادق المجربه حليوه ومعتدلة السعر
2- التنقل داخل وهل الافضل اخذهم بالايجار اليومي والا بالساعه
عندي لك اقتراح اتمنى يعجبك بالنسبه
عن يوم الوصول الى بانكوك بدل ما تجلس
يومين وبعدين تروح على بوكت افضل انك
في نفس اليوم تواصل رحلتك لو انها تعب
شوي لكن في النهايه ما تحاتي المطارات
روح وتعال ترى اخوك واصل قبل شهر وشوي
مع الزوجه والولد والحمد لله وفرت وقت وعنا
المطارات..ثاني شيء انت من توصل بوكت راح
تنسى التعب بأذن الله ......
وبالنسبه عن برامج بوكت تراها كثيرة وانا راح احط
لك جدول مقترح انك اول شيء تروح بوكت 6أيام وبانكوك
4أيام راح يصير المجموع 10 أيام + 2يومين سفر ضايعين..
وهذة بعض الاماكن اقترح عليك زيارتها في بوكت :
1- جزيرة جيمس بوند .
2- جزيرة phi phi .
3- بوكت فانتازيا . ( اهم شيء ) .
4- حديقه الحيوان (phoket zoo) .
5-الشلالات .
6- ركوب الفيله .
وبالنسبه عن الفندق عندي لك فندق مجرب
بس احجز famliy room لان راح تكون الغرفه
مجهزه بكل ما تحتاجه و جنب الفندق بتحصل مكتب
لترتيب الرحلات وتحميض الافلام وكل ما تحتاج
يعني أطلب تجد واسم صاحب المحل ( كوب جاي ) ..
وعندك هذا الرابط للفندق واسعارة من 140 ريال الى 225 ريال
http://www.sawadee.com/hotel/phuket/horizon/pictures.html