أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
كيفك شباب الله يعطيكم العافية حبيت اسال عن مدينة هاميلتون وعن الدراسة فيها من حيث المعاهد و طبيعة المدينة وعن السكان ؟
ارجو ان لا احد يبخل علينا
هلا أخوي أنا سبق مريت على هاملتون كنت راجع عالستي بس من روتروا الى أوكلاند وفي الطريق مرينا بهاملتون ووقف الباص هناك لمدة عشرين دقيقه تقريبا عموما هذي يمكن ماتكون مده كافيه ان الواحد ياخذ انطباع عن المدينه بس انا اللي شفته انوا هاملتون مدينه صغيره وطبيعة أرضها كلها هضاب ومرتفعات يعني شوارع المدينه اغلبها طلعات ونزلات مدينه باين عليها هادئه ومافيها زحمه واتوقع مافي عرب كثير هناك بس انا ما ادري احس لو بقعد بهالمدينه مده طويله رح امل اول شي مدينه موقعها في منتصف الجزيره يعني مافيها بحر واذكر لما كنت بمحطة الباصات هناك قابلت عجوز نيوزيلانديه كانت رح تطلع معانا بالباص من هاملتون قاعده طول الوقت تذم في المدينه وتقول انها ممله عموما اخوي هذا رأي انا حبيت اقوله لك اتمنى انك ما تبني عليه شي لان يمكن اكون غلطان يمكن انت وضع المدينه يناسبك ويمكن الاخوان اللي جلسوا مده اطول هناك يقدرون يفيدونك اكثر عن المدينه بس انا بالنسبه لي افضل اوكلاند او ويلنقتون او بعض المدن الساحليه الصغيره مثل نابير برضو في مدن صغيره ثانيه حلوه مثل مدينه اسمها تاوبو في جنوب الجزيره الشماليه قريبه من روتروا انا بصراحه هالمدينه جدا جدا عجبتني صغيره وحلوه ومناظرها جدا روعه انا جلست فيها ثلاث ايام بصراحه حبيتها كثير اتوقع ممكن تلاقي هناك معاهد لغه بس مو كثير معهد او اثنين انا سالت هناك وقالولي في معاهد بس مو كثير ارجع واقولك هذا انطباع شخصي وان شاء الله باقي الاخوان يفيدونك اكثر وتقدر تلاقي في المواضيع الموجوده في المنتدى اشياء كثيره رح تفيدك بس حاول تراجع مواضيع الاعضاء والله يوفقك .
بما انك زرت المدن الصغيرة والمدن الكبيرة
ماذا تفضل للدراسة هل الكبيرة مثل اوكلاند رغم كثرة العرب ولكن يقابلها كثرة المعاهد وكبر المدينة وكثرة وسائل الترفيه فيها
ام تفضل الصغيرة مثل نابيير ولكن لا يوجد سوى معهدين او ثلاثة وقلة وسائل الترفيه فيها ,, واكثر ما تميزت فيه الطبيعة والتي تعتبر الطبيعة منتشرة في الدولة كاملة اضافة ان المناظر الطبيعية سوف تمل منها خلال فترة بسيطة
ارجوا الرد ولك جزيل الشكر
هلا أخوي اعتقد انت تقصدني بسؤالك عشان كذا رح اجاوبك واقول هالمسألة تعتمد عالشخص نفسه والدافع الرئيسي من زيارته لنيوزيلاندا فيه ناس تروح هناك تبي تدرس بس ومايبون يختلطون أبد بالعرب وهذولي يمكن المدن الصغيره او القرى تكون انسب لهم بس صدقني انا احس مهما كان رح يمل الشخص خصوصا اذا كانت المده اللي بيقضيها هناك طويله انا عن نفسي رحت هناك مدة شهر واحد بس و المعهد اللي درست فيه باوكلاند بس معدل حضوري بالمعهد كان اقل من 60% حتى اخر اسبوع ماحضرت الا يوم الجمعة اللي هو وقت التخرج لاني طلعت بجوله على افضل المناطق بالجزيره الشماليه يعني انا هدفي الاول كان سياحه قبل اللغه وبالرغم من كذا بلغت المعهد عن الهدف الرئيسي من زيارتي وهم تقبلوا الفكره خصوصا انهم حطوني بالمستوى السابع بعد الاختبار يعني اعلى مستوى عندهم وهالمستوى يركزون فيه فقط عالمحادثه فانا ممكن امارس المحادثه حتى برا المعهد عموما انا اخذت الشهاده وزرت اكثر المناطق بنيوزيلاندا واستمتعت الحمدلله وكنت ناوي ازور الجزيره الجنوبيه بس ضروف الوقت ماسمحت لي بهالشيء باختصار اللي ابي اقوله لك انا اللي يناسبني غير اللي يناسبك او يناسب اي شخص اخر كل واحد عنده اهدافه واولوياته وهو يقدر يحدد بناء عليها اش يبي ان شاء الله يكون ردي كافي واذا في اي استفسار اخر انا حاضر تقبل تحياتي .
Mad_Lion143
الله يعطيك العافية اخوي على تجاوبك
انا باختصر لك وضعي وابي استفيد من تجربتك وزيارتك للبلد :
انا ابي اتعلم وعندي طموح وسريع الفهم والتجاوب وفي نفس الوقت انا رجال هباق يعني ما احب القعدة في البيت او الوحدة او العزلة , انا اجتماعي بشكل ما تتخيله , واحب التمشيات والطلعات , ولا ابي اجلس في مدينة صغيرة , لكن السؤال هل استطيع التأقلم في المدن الكبيرة لكن في جو خارج من العرب , ام لابد اعلشان احصل على الهدف الرئيسي وهو تعلم اللغة اعيش في مدينة صغيرة واتحمل الطفش والوحدة الى اخره
ارجوا منك انك فهمت سؤالي وان تستطيع اجابتي ولك جزيل الشكر
