:كنت في ذات يوم..في أول أسابيعي..ذهبت إلى السوبر ماركت لأشتري بعض الأغراض للعائله من باب مفتاح الصداقة أو من هذا القبيل..
عُدت إلى البيت مُحملاً بالأكياس الكثيرة..وإذا بي أول ماأقبلت على الدخول وإذا الأم تراني بعين الغضب..
ماهذا الذي معك؟
قلت:هذه أغراض من السوبر ماركت..
قالت بصوت غضب:هل ينقصك شئ في البيت؟؟:112:
قلت:لا..
قالت:هل نحن مُقصرين معك في شئ؟؟
قلت:لا..
قالت:إذاً لما كل هذا؟؟
قلت:نعم أليس اليوم عيد الأم..قالت: صحيح..قلت:وهذه هديتك..
أنقلبت الآيه سبحان الله..وتحضنني وتشكرني..وتتأسف على سوء الفهم..
ويأتي الأب متحرجاً كرشته..يقول:وأين هديتي..قلت:فكنا وأمسك علبة هالبيبسي(لكن بالإنجليزي..صحيح وش معنى فكنا بالإنجليزي:7

ههه حلوه التصريفه
ان شاءالله اذا رحت هنااك ماراح اسوي حاتم الطائي واجيب شي من السوبر ماركت

اخوي أحمد وش هالموضوع اللي باين إنه بيكشف المستور وبيفضحنا
بس مو مشكله عشان الشباب يأخذوا الحذر من اللي صار لنا ويتعلموا
بعدين على موقفك أنا لاحظت هالشيء يزعلوا إذا شريت شيء وجبته البيت إلا يوم تستأذن منهم
أما عن المواقف اللي صارت لي فهي كثيره جدا جدا منها المضحك ومنها المحزن ومنها اللي تورطت فيه
إن شاء الله لي عوده بس أرتب الأفكار وارجع لكم
أكرر شكري لك ولجميع الأعضاء اللي منورينا بتواجدهم معانا

هدية عيد الام؟!
نيتك خدمتك
يشرفني أسجل حضوري في اولى صفحات الموضوع
مع أول المواقف
بهذا لنا موعد مع الابتسامة تجدد بتجدد الزيارة
ان شاءالله
تحيتي وتقديري
لصاحب الفكرة ومنفذها
وكل من سيشارك
:
جود
:
متابعة

"بوح الصمت"
شاكرلك هالطلة..وصدقت مالها داعي الواحد يسوي حاتم الطائي..
"سميني بنفسك"
لا مستور ولا شئ بين هلك وربعك..وفعلاً زي ماقلت من شدة حرصهم عليك مايبون يكلفون عالواحد..
شاكرلك هالطلة يالغالي..وزودنا بما عندك..
أختي"ME&theOther"
أشكركِ التعليق الجميل..ونأمل بغيره..
تحياتي للجميع..وقد عُدل العنوان للأنسب ..

أهلا بالجميع ......
موقفي اللي بكتبه اللحين ...ممكن حدث ويحدث لكثير بس بأشكال متفرقه ....
المهم... اول يوم لي بالمعهد وانا راجع للبيت ...كالعاده اخذت الباص اللي متجه على Homestay,وانا بالطريق قلت ليه ماأتمشى لسه في وقت على موعد العشاء ...غير جو
والله وقررت إني انزل في المحطه اللي قبل محطتي اللي المفروض أنزل فيها... أنا فاكر إنها على دكاكيين وإشاره قلت يارجل تمشى وتفرج.....لا ومسوي فاهم من أول يوم بأحتك بأهل اللفه
المهم انا قلت إن العلامه هي إشاره وحولها دكاكيين...اول ماشفت إشاره ودكاكيين ضغطت الزر ونزلت وصرت امشي على مهلي ...اشوي وانا أصحى إني غلطان ونازل بعيد عن بيتي وصرت امشي أمشي
المشكله كل ماأجي عند محطه أبي أركب الباص إلا الباص يمشي قبلي واقول خلني امشي أقابل اللي بعده في المحطه الجايه
المهم الله لا يوريك طلعات ونزلات وهواء وبرد المهم صرت امشي لما يقارب 45 دقيقه..واوصل البيت وانا تعبان ولو تاخرت دقايق كان تاخرت عن موعد العشاء بس الحمدلله
فكل واحد يوم يروح يتاكد من هالنقطه لاني حصلت ناس مضيعه أرقام باصاتها ووين توقف
وهذا علمي وسلامتكم

...اهلا بالجميع ...
اقول احمد ربك انت 45 دقيقه وش اقول أنا اجل ... اخليكم مع الموقف....
كان بعد مرور شهر من الدراسه غيرت العائلة و كان موعدي معهم يوم الإثنين ..
وكنا حنا يوم الجمعة يوم جت الساعة 9 مساء قلت خلني أروح مع الباص اللي يودي للعائله الجديدة
و أشوف وين مكان البيت و اشوف الحي ..المهم ركبت مع الباص قلت اريد العنوان هذا قال اركب واذا جينا
قريب من الموقع ابعطيك خبر ..طبعا المسافه من المعهد للعائلة كانت 50 دقيقه ..المهم وصلنا قريب من الموقع قال انزل ورح تحت مع الطريق هذا يجيك البيت على يسارك .. من هنا بدت النكبة ..ضيعت الوصف وقعدت امشي اروح يمين ويسار اتوه في ذا الحي المهم اخر باص يرجع للستي كان 10:30 مساء
فاتني الباص ..ابلش كانت ليلة سبت يعني بدت انواع الهستره و انا ما ادري وين الله حاطني فعلا بديت اخاف الدنيا اظلمت والساعة كانت 11 مر علي باص وقفته قلت اريد ان اذهب للستي قال انا ما اروح هناك
لكن ابطلعك على الشارع الرئيسي تاخذ تكسي ... المهم وداني على الرئيسي ..و كل ما مر تكسي طنش ما يوقف المهم في نهاية الموضوع كلمت اخوياي فالستي وجو واخذوني الساعة 1 صباحا لكن ياكم
واحد جى واسنهبل علي من ها السكارى .... الله ستر علي والحمد لله ...

الله على المواضيع الابداعية يا هوه
انا راح اذكر موقف اليم صار لي
في احد الايام قررت اني اسوي skydiving في تابو
المهم المدينة اللي كنت ادرس فيها مو بعيده مره عن تابوا (كنت ادرس في نايبير)
حجزت ليوم السبت القادم اني اطلع الساعة 8 الصباح وارجع 8:30 المغرب
يوم السبت
صحيت بدري واخذت لي شور وعلى طول على محطة الباصات وانا كلي ثقه في نفسي
وطول الطريق خاش جو مع اغاني راشد الماجد واغلبها كانت حقت المنتخب عشان اتشجع
فعلا كنت احتاج اتشجع لأني بطب من طيارة بإرتفاع 15000قدم
المهم وصلت على 10:10 تقريبا
ورحت للإنفورميشن سينتر وحجزت وجاء الباص حق skydiving واخذني للمطار
وطبيت وكل شيء المهم باص الرجعه على 6:15 والحضور 6
عشان نوصل 8:30
قعدت في مطعم اتغدى وبعدها وبعدها في كفي وكان معي كتاب اسمه القراءة السريعة
ولا قريت منه ولا صفحه وبعدها قمت اتمخطر في شوارع تابو وكأني فاتح بلاد الصين
وفجأة الساعة 6:05 اوه لا الباص
الحق ياول
وانا اللي اركض في شوارع تابو مثل المجنون بعد ذاك البريستيج وشوفة النفس
وانا اوصل المحطة واشوف الباص تحرك قدام عيني
وش السواه ياولد
وانا اللي ادخل المحطة قلت هذا الباص اللي مشى طالع لنايبير؟؟ قال ايه
افا يعني راح علي الباص قال ايه
قلت طيب اقدر اطلع الباص اللي بعدها ولا لازم احجز؟؟
قال لا ياحبيبي مافيه باصات اليوم مافيه الا بكره الظهر
قلت تستهبل انت وش اللي ما فيه الا بكره
المشكله اني ما جبت رخصتي الدولية معي ولا كان استأجرت سيارة ورحت لنايبير ورجعتها بكره
ادري تقولون وش هالغباء لاكن لأني مواعد حسين خويي ودي اودعه قبل ما يمشي وهو بيمشي الاحد الظهر
المهم كان فيه طلاب ينتظروني عشان يشوفون انجازي المجنون ومنها اصلا كنا ناوين نجتمع
ارسلت لهم قلت انا ما راح اجي الا بكره وقلت مالك يا بو حميد الا تصكها نومه ومن اصبح افلح
واروح ادور لي سكن وادخل Backpackers ابي لي سكن
انا السلام عليكم

"سميني بنفسك"
ياشين الفلسلفة....
بس زين أنك لحقت عالعشاء..
تحياتي..
"طالب الإستفادة"
لكن ياكم واحد جى واستهبل علي من ها السكارى
:36_11_6::36_11_6::36_11_6:
الصراحة موقفك يخوف شوي..بس مُضحك..
فعلاً أتحفتنا بهالموقف..والله ستر صراحة..وخصوصاً من السكارى..
تحياتي..
"koogak"
بعذرك بعد يالغالي..توك مسوي skydive..أكيد بتنسى الباص..
وانا اللي اركض في شوارع تابو مثل المجنون بعد ذاك البريستيج وشوفة النفس
..
تحياتي..ولا ترحمنا هالطلة..
وبإنتظار المزيد..