- السلام ،
- الطريق مكسر وزي ما قال اخوي ksa ممكن ينكسر الجنط عندك وكله تحويلات
السلام ،
قبل فترة حطيت موضوع في بوابة الإستفسارات الخاصة بالكويت عن الطريق من البحرين للكويت مروراً بالسعودية ، والشباب وضحوا لي المسافات والطريق ماقصروا ، بس بعدها واجهتني بعض التساؤلات والإستفسارات ولحد ألحين مالقيت رد وهنا
https://artravelers.com/p/re/198508 موضوعي القديم ، فقلت أكتبت إستفساراتي هنا أفضل !
أول شي :شارع أبوحدرية والكلام اللي حصلته في موضوع سابق وفي أماكن كثيرة هل مازال على حاله ؟
الكل يعقدني من جهة ومشاكل التحويلات الكثيرة !
واللي زاد الطينة بلة ، قريت رد في موضوع من ثلاث سنين ولا أدري هل الشي لحد ألحين موجود أو لا وهذا الكلام :
و اشين منطقه بالخط هى اذا قربت للدمام الخط مرة مكسر وهي منطقه خط ابوحيدريه
ولا تستغرب اذا شفت سيارات واقفه على اليمين اكيد يغيرون الكفرات ( التواير)
وعلى فكرة ترى انكسر الجنط على واحد من ربعي يعني لا تستغرب هالشيء بس امش شوي شوي وان شاء الله ما راح يصير الا الي كاتبه ربي
الطريق مكسر وزي ما قال اخوي ksa ممكن ينكسر الجنط عندك وكله تحويلات
الخط بعد الجبيل بحوالي 15 كلم ... مهو خطير وبس ولا هو مشكلة وبس لا الطريق كله تحويلات طويلة ومتعبة ولا أنصحك تروح معه ... أما بعد مخرج المطار ... فيه تحويلة أنا ما أسميها تحويلة ... أسميها خط مُدَمِّ{ رايح فيها ... إذا تبي تعرف وش قد تصبر سيارتك ... فروح معه لأنه أحد أمرين يا بعد نصف ساعة بتبنشر وبتلقى مشاكل في الأذرعة وعمود التوازن أو الجنط راح ينكسر عليك .... نصيحة لا تروح للدمام مع طريق أبو حدرية ... تمش العصر في الجبيل الصناعية أو تلقائيا إذا وصلت لوحة الجبيل .. رح للدمام عن طريق .. وهو موازي لطريق أبو حدرية الدولي .. طريق سيدين ممتاز
شلون أتلافى الجزء الخطير وأدخل الجبيل في ذهابي للكويت وعودتي على نفس الخط ؟؟؟؟
اخوي السائح العربي اجل الخط هذا يجربون فيه قوة التحمل للسيارات
والله هو خط غير الخطوط الصراحه مهب صاحي مغامرات و حفر و طلعات ونزلات
جالس تطعس مو ماسك خط
صدقني لو تدري عنه مصانع سيارات مرسيدس ولا رنج روفر أو تاتا ... صدقني راح يشترون الخط على شكل وصلة
ياشباب أنا ماجبت الكلام من فراغ .
والله .. بنشر الكفر علي وتقطع بعد التحويلة بنصف ساعة تقريبا .
وشيال عمود التوازن أنكسر ... وصارت السيارة تلعب على خفيف من جهة اليمين .
هنا الموضوع اللي نقلت منه الكلام
https://artravelers.com/p/re/31407 فمادري حالة الخط ألحين ؟
ثاني شي :أنه الكل خبرني الطريق أنه شارعين رايح وشارعين جاي ماعدا التحويلات ، بس قريت موضوع تقرير لأحد
الأخوة ويبين في الصورة أنه الشارع صاير سيدا واحد رايح جاي أو إنه الشارع المعاكس يكون بعد الفراغ الرملي على اليسار ؟
طريق ابوحدريه-الخفجي السريع
لوحة تشير الى المسافة المتبقيه حتى نصل للكويت أو للخفجي
ثالث إستفسار :وهو سمعت في حرف T مفاجئ يجي على الخط يعني مرة وحدة ينتهي الخط بدون إشارات
وكثير مايصير فيه حوادث ممكن أعرف معلومات أكثر عنه ؟
أتمنى الإجابة على إستفساراتي الثلاثة وإعذروني على الإطالة ، لأنه ناوي أجمع المعلومات كاملة قبل السفر !
وتقبلوا تحياتي :ronaldo4ever
أفضل شي امسك طريق الدمام الجبيل الين تييك لوحه الخفجي وامسك الدرب واللوح ماتضيعك
وأي استفسار ثاني انا حاضر وفي الشوفه