باعتقادي يعتمد عليج اختي ... بالذات في حجوزات الفنادق
ولكن لوضع الميزانية والتاكد النهائي من الميزانية عليج هالحسبة
اولا الدخول الى موقع بوكينغ لحجز الفنادق والتاكد من اسعار الفنادق وكل منطقه جم بتسكنين فيها ؟؟
وثانيا : الجزر اللي بتزورينها .. هناك عدد من الجزر والسفر من منطقه الى منطقه يكلف تقريبا 40 دينار للتذكرة
وثالثا : يعتمد على النقل اللي بتستخدمينه اما التاكسي او القطار .. والسعر يفرق بين الاثنين ..
التاكسي يوصل الى 1000 بات ( 10 دينار ) .. والقطار ما يتعدى حق شخصين 200 بات ( دينارين )
رابعا : الاكل للاسف ماعندي خبرة وذلك لاني ما سافرت بس قريت والاكل يعتمد على الشخص
يعني باعتقادي من خلال سفر اصدقائي خبروني انه التكلفه كاملة كانت ب 800 دينار بحريني الشخص الواحد
بس انتي عارفه انهم مو كله سياحه ..
السموحه واتمنى من اللي مسافرين يعطونج الاسعار بالكامل ..
وذلك لانه تواجدوا وعارفين الاسعار بالضبط ..
بس باعتقادي انه الفنادق بتكلفج من 10 الى 20 دينار الليلة حسبيها في عدد الايام
والرحلات في الجزر اتوقع تكلفتها بين 50 الى 80 دينار .. اذا بين فترة وفترة رحلة
التذاكر على حسب الجزر .. ما تكلف 60 دينار ( مثال ادا سافرتي من بانكوك الى بوكيت ثم من بوكيت الى شنعماي ثم الى بانكوك ) مو غالية
وعندج حق حسابات الطيران الداخلي ( air asia - air bangkok - one two go )
هذه الطيران الداخلي وتاكدي من التواريخ والاسعار .. كل ما صار الوقت بعيد كانت التذكرة ارخص ( نص السعر )
واتمنى اكون وفقت بالرد على بعض الاستفسارات

بو يساف
تسلم اخوي وماقصرت
وفي انتظار ملاحظات البقية

يغلق لوجوده في المكان الغير مخصص
ارجومنكم اختي الفاضلة قراءة القوانيين
المثبته في الاعلى للاستفسارات الجديدة
وكل عام وانتم بخير

يا هلا فيج اختي .. وحي الله اهلنا فديتج يالبحرين ..
شوفي اختي محد يقدر يعطيج مبلغ معين ..
لان كل شخص عن شخص يختلف .. في ناس تقعد اسبوعين 500 تكفيها .. ناس 800 وناس 1000 وناس 1500 دينار
يعني يعتمد على الشخص نفسه .. ويعتمد ثاني شي على الوقت الي بتروحين فيه ..
يعني اذا تبين نفيدج اكثر .. قولي لنا بتروحين من هالتاريخ الى هالتاريخ .. واحنا راح نقسم لج اي مناطق تروحين لها .. وبنعطيج كذا فندق في كل منطقه وتشوفين الي يناسبج .. وحتى الطيران الداخلي في اكثر من طيران بس الكل يمدح في اسيا اير لان اقتصادي و حلوه ...
يعني لما تحددين التواريخ بتعرفين سعر الفندق الي بتحجزين فيه .. وبتعرفين سعر التذكره الدوليه وحتى الداخليه وتحجزينهم من النت .. وبعدين على الاقل بتقدرين تعرفين كم يبيلج للسياحه
بس انا تقريباً في اسبوعين للسياحه والاكل والمواصلات لمدة اسبوعين لشخص واحد 500 دينار بحريني اتوقع .. بس لا تعتمدين على هالرقم .. وكل ما قدرتي تحطين لج احتياط يكون افضل
وان شاء الله لما تزيدينا معلومات راح نفديدج اكثر ..

الرفاع الشرقي
تسلم والله
بس انا لان محتاره بأي شهر اروح يعني في بالي خلال نص شهر 9 لي بداية شهر 1
والفندق مابيه 5 نجوم ابيه 4 نجوم ومو قديم وايد يعني وماكسيموم 1500-1800 بات في الليلة للشخص
وابي اروح رحلات سياحة بس شبعت من السوق
وبالنسبة للمواصلات انا رحت مرتين تايلند بس ولا مرة جربت القطار دايم تكاسي, هالمره عادي ابي اجرب اهم شي الواحد مايضيع
هذي الي في بالي يعني

متوسط مصروف الشخص الواحد بحدود 2500 بات في اليوم للاكل و الرحلات و التمشية من دون الفنادق و تذاكر السفر . لا تنسون الفتره الى رايحين لها تكون الهاي سيزون يعني الاسعار ترتفع ما بين 10 الى 30 بالمائة.

الميزانية تختلف من شخص لشخص , في ناس اقتصاديين , في ناس وسط , في ناس تدفع ما يهمها ,,,
يختلف الأسعار من سيزن ل سيزن في ( الفنادق + تذاكر السفر الدولية والداخلية + الرحلات السياحية ) ,,,, اما الاكل والسينما والبولينج نفس السعر طوال السنة ,,,
احيانا كنت اصرف باليومية من غير الرحلات السياحية 600-700 بات شامل ( غداء او عشاء + سينما + بولينج + سناكس خفيف ) الحمدلله
و بداية الهاي سيزن من شهر 11 الى 4 , اما البقية لو سيزن ,,,

اخذي الخطوه الاولى وعطينا التاريخ بالضبط من والى ... وراح نشوف لج اسعار الطيران واسعار الفنادق ..

انا معتدله في الصرف
المشكله كل شخص يقولي راي في توقيت السفر ولا زلت محتاره حق متى احجز