وعليكم السلام
حدد ميزانيتك
الشارع العام مافيه الا فندقين بالشانز ماريوت وشقق البقيه جوانب بس قريبه ميزانيتك تحدد
اذا تحبون تلعبون يومين خذوا يومين بس اتصور للكبار يوم يكفي وتروحون من ديزني لها

ايوه كبار خلاص يصير نسكن في الشانزليه ونروح يوم لديزني
الميزانيه من 1000 ل 1500 في اليوم
شفت الماريوت مره غالي ممكن على جوا شويه بس اهم شي يكون آمان ماتكون شوارع فاضيه وخلا

بسالك شو رايك في ذي الفنادق
3 نجوم
1 / wo wilson opera
2 / petit madeleine hotel
4 نجوم
1 / francois 1er
2 / Rocheter champs elysees
3 / hotel elysees mermoz
اعطوني ارائكم فيها بس اهم شي النظافه اذا احد مجربها

خريطه توضح لك الفنادق الل ياخترتهم انت
طبعا فرانسو ما عليه كلام والثاني حلو والثالث احلي من الثاني
http://maps.google.com/maps?saddr=Hotel+Fran%C3%87ois+1er,+Hotel+Fran%C3%87ois+1er,+7+Rue+Magellan,+75008+Paris,+%D9%81%D8%B1%D9%86%D8%B3%D8%A7&daddr=Rocheter+champs+elysees+to:Hotel+Elysees+Mermoz,+Rue+Jean+Mermoz,+Paris,+France&hl=ar&ie=UTF8&sll=48.871183,2.306&sspn=0.015638,0.02708&geocode=FTyz6QId9hcjACHgnWlHQuAHBSnzssfP6W_mRzHgnWlHQuAHBQ%3BFa676QIdPD0jACHMVQ77fyV5aynLUO99xm_mRzHMVQ77fyV5aw%3BFV-46QIdqkcjACFqZTZ9KfcBainlcAFXz2_mRzFqZTZ9KfcBag&oq=Hotel+Franco&mra=pd&t=m&z=16
وان لقيت بهذا افضل
https://www.booking.com/hotel/fr/keppler.html?aid=1300939

يعطيك الف عافيه
خلاص بحجز فرانسو

باقي نرتب الايام
ابى يوم ديزني لاند
ابى يوم تسوق
والباقي اتمشى فيها ادور اماكن حلوه وطبيعه
مالي اهتمام في القصور والمتاحف
ابى اتاكد متى تكون مقفله الملاهي ومن متى تفتح ومتى تقفل
ثقلتها صح

وليه تثقل اسالتك عاديه بس للاسف نحن شعب لا نحب القراءه...
طيب باريس كلها بوتيكات يعني تقدر تتسوق اي وقت ولا فيه مولات الا قليل ..
وفيه الاوت لت قبل ديزني لاند ... يستحق الزياره ..وبعدها ديزني ماتسكر... واتمنى انك ماتروح اوقات الجمعه والسبت والاحد ... لتفادي الزحمه.
اذا كنت ماتبي تروح للاماكن المتاحف ...ولا القصور .. وش بقيت... ؟؟؟ برج ايفيل نهر السين الشانز.؟؟؟
زرها وشف وتعرف عليها على الاقل اللوفر يستحق الزياره لو الساحه الخارجيه ... اتمنى لك التوفيق

شوف فندق
Best Western Le Colisée
قريب من الشانز
وديزني لاند اذا انتم شخصين كبار يوم واحد من 10 ص تكون بديزني يعني تطلعون لها بدري عشان تستغلون كل الوقت وترجعون بالليل
وعني انا شخصيا رحت ورجعت لها بيوم ولعبت ولفيتها كلها خ
النوم فيها احس للعرسان ممكن ياخذون يومين

سرااب الامل
ابد ماثقلتها وحنا هنا نساعد بعض
ديزني لاتروح بيوم ويك اند او يوم مشمس روح لها بيوم يكون غيم عشان شمس فرنسا حاره
ديزني البارك يفتح 10 ويسكر 11
الاستديو يسكر 7
التسوق : الشانز كله في محلات ومطاعم ومقاهي
وعند شارع جورج الخامس بين مقهى الفوكيت ولوي فيتون شارع ادخله هو شارع جورج الخامس وانزل تحت تلقى شارع الماركات الافينيو مونتين وطبعا كل شارع له لوحه مكتوب عليها اسم الشارع يعني ماراح تضيع
كمان الكونكورد والاوبرا فيها محلات كثير وشوارع مهمه
زي شارع رويال
وشارع ريفولي كله محلات هدايا وكرستالات وتحف
وشارع هوسمان
وشارع سانت هونور اسمه بالفرنسي سانت اونوغي
وساحه الفندوم اغلى منطقه باريسيه كلها محلات مجوهرات
وغاليري لافييت
والحي اللاتيني فيه مطعم هندي اسمه مهراجا اكلو خطير
ومطعم الكشميري بالشانز بمول LE66جنب الماريوت اكلو ممتاز خاصه الشكن كورما والشكن تكا ماسالا والبرياني ..
بس المكان خ غبي شوي
اماكن طبعيه عندك الحدائق زي ساحه مارس حقت برج ايفل وحدسقه قصر فرساي وحدايق واجد سوي بحث بالساحه الفرنسيه وبتحصلها
حديقه التويلري قبل اللوفر جميله جدا
واي سؤال لايردك الا كيبوردك