طلال الكويت
16-03-2022 - 07:39 am
السلام عليكم ويعطيكم العافيه
رايح ميونخ اسبوع ان شاءالله انا والمدام و2 اطفال
ابي اروح للملعب الخاص بالبايرن ميونخ اليانز ارينا
وبروح لمدينة الالعاب ليجو بارك و حديقة الشواروفسكي
وايظاً بروح زيلامسي
سؤالي : ايهم افضل اتنقل بالاندرجراوند ولا استأجر سياره
مع العلم ان لم يسبق لي ان اجرت سياره ولا استخدمت الاندرجراوند!!
شنو الاسهل والاكثر امان والاوفر ؟؟؟
تحية طيبة لك وبعد
انا اخوك من الكويت وانا حاليا بالنمسا ورحت المانيا وفرنسا ورديت النمسا ترى السيارة وناسة وسهلة مثل الكويت بس حط احداثيات اي مكان تبيه سواء فندق او مجمع او ملاهي والقارمن يوصلك لغاية الباب لا والقارمن كل شي فيه بس قوله وهو يطيعك .
ففكر وتوكل على الله انا كنت مثلك قبل 3 سنين خايف ومتردد والحين لله الحمد صرت محترف واذا تبي اي شي راسلني بالمنتدى وانا حاضر وبالخدمة لك ولاي عضو
والله يوفقك