الاساتذه aboaziz & swiss heidi
انتظر ردودكم بفارغ الصبر ولا هانوا البقيه ابي مشورتكم

@فيروز@
هلا أختي (:
اولا ياليت توضحين لنا إنتي حسابك لمدة الإقامة بعدد الليالي او الايام ؟؟؟
حتي يكون ترتيبك صحيح ولا تتلخبطين
لأن عندك ثالث يوم في جنيف زيارة آنسي وشامونية
وإنتي ذكرتي إن مدة الإقامة في جنيف 3 أيام
كيف راح تزورين آنسي وتتوجهين إلى إ‘نترلاكن ؟؟؟
هل تقصدين 3 ليالي و4 أيام او قصدك ليلتين و3 أيام
الملاحظة الثانية برنامج إنترلاكن
االيوم الأول إذا اسعفك الوقت ممكن تطلعون قمة Harder Kulm
اليوم الثاني زيارة قرية GRINDELWALD وقرية WENGEN مع قمة Jungfraujoch
اليوم الثالث زيارة شلالات الراين ومدينتي زيورخ ولوزيرن
اليوم الرابع زيارة Blausee ومتابعة المسير لزيارة Oeschinen Lake في قرية Kandersteg
اليوم الخامس من وين طلع لنا ؟؟؟ إنتي ذكرتي إن الإقامة فقط 4 أيام
إعيدي النظر في ترتيب برنامجك
وإذا عندك أي إستفسار إن شاء الله نساعدك بإللي نقدر عليه
بالتوفيق (:

عفوا نسيت ... قرية هايدي ممكن تكون على طريقك وإنتي رايحة النمسا
بالتوفيق مرة أخرى (:

مشكوره خبيرتنا ماقصرتي
بالنسبه للمده بجنيف راح تكون 3 ايام وليلتين يعني راح نجلس 9-10-11 من اكتوبر ويوم 12 نطلع لإنتر لاكن
وبالنسبه لإنتر لاكن المده خمس ايام و4ليالي
معليش كان اربع ايام على تخطيطنا الاول لكن حدث فيه تغير وماعدلت المده بس اضفت اليوم

اختى للحين عندي استفسارات

• بالنسبه لجنيف حلو البرقرم كذا ولا اعدل فيه ؟
• وانترلاكن اليوم الخامس ممكن اني اروح لقشتاد ولا صعب؟
• والرحلات كيف احجزها من هنا ولا هناك والصراحه ماعرفت احجز الا على الشوكلت ترين ؟

اختى تحمليني شوي استفساراتي كثيره لأنه هذي اول مره اروح اوروبا فمو متخيله كيف الوضع هناك

@فيروز@
بالنسبة لبرنامج جنيف
اليوم الأول ليه ما تفكرين بجولة بالباخرة داخل البحيرة ؟؟؟
اليوم الثاني تمام وممكن تتناولون الغداء في مطعم قصر الشرق الإيراني
وبالنسبة لقشتاد ممكن إنك تزورينها من إنترلاكن وعندك الخارطة توضح لك موقعها من إنترلاكن

وبالنسبة للتنقل بالقطارات ما يحتاج حجز إلا في بعض الرحلات إللي يكون مشار لها بحرف R
وعندك الرابط فيه شرح ممكن يفيدك
https://artravelers.com/p/re/248132
وانا معاك حبيبتي وإن شاء الله افيدك بإللي اقدر عليه
تحياتي (:

- ممكن اضيف الجوله البحريه في اليوم الاول بجنيف لكن السؤال كيف احجز عليها ؟ هل فيه موقع للحجز او احجز من هناك معليش ابغى الطريقه بالتفصيل

• وبالنسبه للتجول بجنيف كيف يكون بالباصات ولا مشي وهل لازم انه يكون معاي خريطه احدد فيها الاماكن السياحه بالمدينه؟
• الرحلة الى انسي وشامونيه هل لابد من الحجزقبل بمده ولا بنفس اليوم؟
• وخبيرتنا مارديتي علي بامر الباس كارد ؟

ازعجتك باسالتي بس ابغى اكون فاهمه الوضع زين
مشكوره الف شكر الله لايحرمك الاجر بالشهر المبارك

@فيروز@
هلا
عندك الروابط ممكن تفيدك
http://www.cgn.ch/
وممكن يكون الحجز من المرفأ

• وبالنسبه للتجول بجنيف كيف يكون بالباصات ولا مشي وهل لازم انه يكون معاي خريطه احدد فيها الاماكن السياحه بالمدينه؟

لما توصلين إطلبي من الكونسيرج في الأوتيل يعطيك الخارطة
وخليه يحدد لك الأماكن إللي إنتي تبينها
وأعتقد إن المشي يكفيك

• الرحلة الى انسي وشامونيه هل لابد من الحجزقبل بمده ولا بنفس اليوم؟

آنسي وشامونية يتبعون الأراضي الفرنسية وما أعتقد يشملهم الباس
لكن ممكن إنك تستفسرين من محطة القطار وتشوفين كم قيمة تذكرتها وهل يلزم الحجز

• وخبيرتنا مارديتي علي بامر الباس كارد ؟

والله اعتقد إن البطاقة المناسبة Eurail Austria-Switzerland Pass
واسألي عن الخصم لمن هم دون 25 سنة
لكن المدة ما تغطي فترة رحلتكم لأن إللي فهمته إن إستخدامها يكون 4 أيام او 10 أيام خلال شهرين
وإنتي عندك 17 يوم
لكن ممكن إن بداية الرحلة تآخذون Swiss Youth Pass لمدة 8 أيام
وبعدها تآخذون Eurail Austria-Switzerland Pass للفترة المتبقية
وانا اشوف إنكم تستأجرون سيارة افضل
وبالسيارة تتنقلون داخل سويسرا وتزورون الأراضي الفرنسية وتروحون للنمسا
وممكن تآخذون بطاقة Swiss Half Fare Card مع إستئجار السيارة
حتى تحصلون على تخفيض 50 % للتنقلات بوسائل المواصلات العامة داخل سويسرا وتذاكر بعض الأماكن السياحية
والله أعلم
ازعجتك باسالتي بس ابغى اكون فاهمه الوضع زين
مشكوره الف شكر الله لايحرمك الاجر بالشهر المبارك
اللهم آمين
وإذا عندك أي إستفسار لا تترددين
بالتوفيق

الله يجزاك عني كل خير انرتيني باشياء كثيره

• بالنسبه للسياره بعد مشوة زوجي توصلنا انه يكون التنقل بسويسرا بالقطارات

لأنه في اماكن كثيره نبغى نزورها فنخاف انه السياره تاخرنا وبالنمسا نستاجر سياره فنكون جربنا كل الاثنين...
والباس كارد راح ناخذ Swiss Youth Passعشان نستخدمها في سويسرا فقط والنمسا ماراح نحتاج لها...
ماادري وشرايك بكذا اوك ولا فيه شي احسن؟

• وباسألك حبيبتي عن شوكلت ترين الانطلاق راح يكون من منترو بس انا مو عارفه من وين هل هو من

نفس محطة القطار ولا يكون من مكان ثاني ؟

• الرحلات في انترلاكن كيف تكون يعني مثلا بالنسبه لرحلة انسي وشامونيه

راح تكون ان شاء الله عن طريق شركة كي تور...ماذا عن رحلات انترلاكن؟

• اخر استفسار بالنسبه لزيارة قريه هايدي قلتلي خلوها اذا توجهتوا الى زلامسي

حلو كذا لكن المشكله الاغراض راح تكون معنا وشرايك بالمشكله هل فيه حل؟
والله ينور دربك مثل ماانرتيني بعلوماتك القيمه ***