رحم الله والديكم ردوا علي لأني لازم أقرر اليوم

لا تحاتي في كل مكان بتلاقي اماكن ترفيهيه
في مكاتب اسمها انفورميشن منتشره بكثره في اوروبا تقدر تسأل او ممكن تلقى برشور في الفندق

اخوي انا رحت سويسرا 2006 وكانت معي بنتي 3 سنوات
هم متعبين شويه في الطايره الا اذا عيالك من النوع الهادي او انهم بينامون
اما في سويسرا اكيد راح يستانسون مره فيه حدايق كثيره وكمان فيه العاب منتشره في كل مكان
لاتشيل هم من هجري الناحيه
وبتوفيق ان شاء الله

وشنو ممكن أروح معاهم في جنيف ؟؟؟ يعني ما في مدينة ملاهي كبيرة !!!!!! معقولة

أخي العزيز
يوجد اماكن مخصصة للأطفال في كل منطقة في سويسرا
ممكن تقرا التقارير الموجودة في الدليل
او
تسهل علينا مهمة الرد وتحدد لنا اسماء المدن اللي انت ناوي تروح لهاجنيف بحد ذاتها مدينة كبيرة لا تصلح للصغار وبرايي المتواضع حتى والله ماتنفع للكبار وخاصة في الصيف
انصح الإبتعاد عنها في هذه الفترة و اهم شيء لا تقع في مصيدة العرب في الفترة بين آخر جولاي و حتى ممنتصف اغسطس
هذه الفترة هي فترة الأعياد وينصب النصابون شراكهم اقصد العابهم على ضفة البحيرة
ولك ان تتخيل انت الباقي....................عندك اماكن لا يمكن لأي سائح مع عائلة ان يفوتها
اهمها منتزه السيقنال دي بوقي
و
المركز الترفيهي (المائي) في الويست سايد
قريتي (ديفون) رائعة وخاصة ملاعب كرة القدم المجانية
ايجار السيارات
وتسلق الشجر
وهذا ملف من اعداد http://www.aboaziz.net/misc/Family-Friendly-Places-2-Visit-in-Switzerland.pdf زوجتي (للأسف انقلش) يوجد فيه اهم الأماكن اللي تصلح للعائلة قامت بتجميعه من النت وترتيبه حسب اسم المدينة (بالنسبة لها مرجع ممتاز)
اذا انت من جدة ممكن ارسل لك بروشورات خاصة لسياحة العوائل والأطفال
بالتوفيق

ما قصرت يا مشرفنا ورايتك بيضا
المشكلة إن العرض اللي ما خذه راح يكون العشرة أيام في جنيف وما أقدر أباعد وايد عنها ولذلك راح أقدر أطلع بس لديفون ولوزان لأنها قريبة أو تنصحون في في مناطق قريبة ثانية شرط إني أروح وأرجع في نفس اليوم
وإذا على البروشرات ماتقصر ماأعتقد انك راح تقدر تبعثلي إياها لأني في الكويت بس اعتبرها واصله ومشكور على المجهود
بس عندي سؤال مهم لأني أفكر بعد ما اتخلص المدة في جنيف إني أروح لباريس يومين وبعدين لديزني يومين ثانين وما أعرف طريقة القطار ولوين راح اتوصلني .... هل في قطار دايركت من جنيف لباريس ؟؟؟ وسنو النصيحة أروح باريس أول أو دزني ؟؟

soulala
حتى لو بالمريخ ارسل لي عنوانك البريدي وراح "اطرشه لك"
بالنشبة للمناطق اللي تنفع للأطفال ممكن تشوف برنامج 1 ايام جنيف وضواحيها اللي في الدليل
بالنسبة لباريس الجواب ايه فيه رحلات قطار سريع الى باريس
لكن اذا تبي نصيحة اخ لا تفكر حتى بالذهاب لديزني في الفترة جولاي اغسطس
والسبب الحر و الزحمة
اعتبرها خسارة مادية و بدنية للجميع
فكر باوروبا بارك مثلا والباقء هناك 3 ليال
اوروبا بارك مدينة ألعاب لجميع الأعمار وتستاهل العنوة (أقرب من باريس)
بالتوفيق