السلام عليكم ورحمه الله وبركاته
عيدكم مبارك ومن العايدين والفايزين
منتدي العرب المسافرون ... منتدي رائع فعلا ولا غني عنه لاي مسافر
استفدت حيل منكم في سفرتي لإيطاليا وفرنسا السنه اللي طافت وهي سفرتي الاول لهاتين الدولتين بس صراحه هذا المنتدي يخلي الواحد يعرف كل شي ويسهل عليه سفرته فكانت سفرتنا رائعه بمعني الكلمه والفضل يعود لكم من بعد الله
نخوش بالموضوع دوغري
قررنا نسافر أنا واسرتي المكونه من زوجي وبناتي 3 لسويسرا وصراحه حبيت تساعدوني بجدول لرحلتي تقريبا 10 ايام بدايه شهر اكتوبر ان شاء الله
وأحسن الفنادق محتاره فندق ولا شقق فندقيه في كل مدينه وسعرها يكون معقول
وعندي سؤال التنقل بين مدينه مدينه لازم اجر سياره خاصه لنا ولا يوجد باصات سياحيه تساعدنا بالتنقل لان زوجي ما يفكر انه يسوق عندهم وخوفا بعد من تعطل السياره خاصه ان إحنا عائله
ممكن تعلموني او تحطون لي رابط يساعدني بحجز الفنادق ?
لان كل مره كنا نروح مكتب سفريات ونحجز من عندهم ونحس ان يشتغلون لمصلحتهم ويزيد المبلغ(ودي أحاول بس أخاف اخورها وتروح فلوسي بالهواء الشاشي) لول
وسؤالي الاخير ........مثل ماهو معروف جنيف تشتهر بالساعات ابي اعرف الاماكن والمجمعات المناسبة للشراء
وفي النهايه ارحب باي نصيحه او اقتراح منكم يساعدنا في رحلتنا ان شاء الله
وشكرا لكل اعضاء المنتدي الرائع والله لا يحرمنا منكم ومن نصائحكم
فمان الله