انا رتبت الرحله كالاتي :
الوصول لجنيف بتاريخ 6 اوقست والاقامة في فندق الوارويك
وفي يوم 8 اوقست الصباح التوجه الى لوقانو والاقامة فيها ليلة وحدة (يومين يعني) ومنها نزور ميلانو
يوم 9 اوقست بالليل العودة الى جنيف والاقامة فيها الى تاريخ 11 اوقست
في يوم 11 اوقست التوجه الى انترلكن والاقامة فيها الى تاريخ 16 اوقست ثم التوجه الى الى زيوريخ والاقامة فيها ليلة واحدة (لان السفر لباريس منها)
شرايكم في البرنامج ؟ وهل استأجر سيارة (علما بأننا شخصين) ؟ وهل يمدينا نروح لليورو بارك في المانيا من زيوريخ ؟ وبالنسبه حق لوسيرن هل يكفيها يوم واحد من انترلكن ؟
واسف على ازعاجكم وعالاطاله عليكم وانا بانتظار ردودكم
والله يجزاكم خير

من 6 الى 9 اوقست جنيف
ممكن من جنيف تطلع الى لوقانو بالطيران الداخلي
من 9 الى 11 لوقانو
من 11 الى 14 انترلاكن ولا تطلع منها للوزيرن لما تكون في زيورخ روح لوزيرن
من 14 الى 16 زيورخ وومكن من زيورخ تروح لليوروب بارك

مشكور (الحكومة) على الرد وماقصرت
بس المشكلة ان اللي مسافر معاي يقول انه يبي يحضر الالعاب النارية في جنيف اللي بتكون بتاريخ 10 اوقست
وانا راح أستاجر سيارة انشالله بس يعني برنامجي شنو العيوب اللي فيه علما باننا شبااب نبي فله ووناسه بعد مو بس طبيعه
واسف على ازعاجك والله

عيل اقعد في جنيف من 6 الى 11
وفي هالفتره روح لوزان ومونترو وانسي و شامونيه بالسياره
وبعدين تطلع انترلاكن ومن انترلاكن لزيورخ ومنها تزور ايوروب بارك ولوزيرن

العفو اخوي..حياك
لوقانو مافي حد زارها وما مدحها
نحن استغنينا عنها لكن لو كنت ناوي عليها اعرف ناس طلعولها من لوزان وكملو 7 ساعات في الدرب
واظن طريقها طريق جبلي.. وانتو مسافرين 10 ليالي بس في سويسرا
اذا ودك فيها أجر سياره وانت في جنيف بس وبعدين رجعها واركب طيران داخلي الى لوقانو واقعد فيها
بعدين بالقطار روح انترلاكن ومن انترلاكن زيورخ و فزيورخ اجر سياره اطلع على لوزيرن و ايوروب بارك

العفو اخوي بس في نقطه ما انتبهت لها السموحه منك
من انترلاكن الى لوقانو بالقطار لازم بتمر للوزيرن او زيورخ وتبدل قطار ..
اختك الحكومه