عليكم السلام ورحمة الله وبركاته
ابشر بعزك يالغالي والجدول اهداء مني لك واتمنى يعجبك
الوصول ساعه 3 - 14 اكتوبر
اول ما توصل بمشيئة الله تطلع وتخلص اجراءات من المطار و تتجه للفندق الافضل خذ تاكسي للوصول الى الفندق لكثر الشنط اللي عندك
طبعا اول يوم راحه واستكشاف الحي والعشاء في مطعم قريبه من الفندق
اليوم الثاني
زيارة المتاحف وقصر التوب كابي وميدان الخيل الهيبودروم والسوق المغطى وعوده للفندق للمبيت
اليوم الثالث
جوله بحريه في مضيق البوسفور ومنتزة تل العرائس بجانب الاسيوي والعوده للفندق
اليوم الرابع
الذهاب الى بورصه والصعود لجبل اولوداغ وزيارة الشجرة المعمرة
اليوم الخامس
سوق المسقوف سوق الحرير وزيارة حديقه لونا بارك والشلال الصغير
اليوم السادس
الذهاب لاسطنبول والذهاب لجزيرة الاميرات ومولات القريبه منه
اليوم السابع
اخذ جوله في ميدان التقسيم ومولات قريبه منه
اليوم الثامن
جوله في السوق واخذ هدايا للغاليين
تحياتي

السلام عليكم
الله يخليك يالقلب الحنون وماقصرت ..
أنا أخاف أروح وأنطق بالفندق ما أعرف أحكي معهم ولاويش أقولهم ..
هلحين عندهم سواقين يعرفون عربي عشان يفهموني , يعني أبي مضيق البسفور كيف أعلمه , واذا خلصت من الرحلة كيف أروح لرحلة ثانية وأرجع بعدين لفندقي ,
مثلا أبي تل العرايس ويش أقول
أبي لونا بارك ويش أقول وهكذا
أبي زفر مول أبي سوق الحريرأو أبي أروح أتعشى ليلة عالشاطئ
بصراحة أخاف تفشل سفرتي مدري ليش

أنا كتبت أسماء الفنادق عشان تعلموني كيف أنطلق من الفندق وكمان توجهوني للأماكن القريبة من حولي

لا .. تكفون ضروري تردون ياحبايب ,

مثلا أبي السوق المسقوف وحديقة جولهانة وجواهر مول والبسفور والأكواريوم والسوق المصري كيف أطلعلهن من فندقي
وكذلك في بورصا كيف أطلع للشلالات ولونا بارك زفر مول وش أقول للتاكسي
وش أنسب وسيلة للوصول من المطار لفندق مرمرة

اكتب الاسماء في ورقه و خذ كرت الفندق ورقمهم .. انا ماقد سافرت ان شاء الله يساعدونك الخبراء
ليتهم ينزلون موضوع بإسماء الاماكن السياحيه التركيه

بالعكس والله , الشباب ماقصروا هنا وهناك .. بس تخبرون الواحد يتيه مع هالزحمة .. لكني أبصيغ موضوعي على شكل أسئلة ,
أول ما أوصل المطار , كيف أجي الفندق , عبر أيى وسيلة ؟
باقي من نص اليوم ودي أروح فيه لأي مكان حلو , وقريب من فندق راست
بكرا وش تقترحون أماكن أطلع لها , ودي بالأوكورايوم حقت الأسماك , والبسفور وجولهانة والأسواق الرايقة ومش غالية
إذا جيت أبطلع من اسطنبول لبورصا من فندق راست , أين أتجه والعكس لفندق مرمره بعد يومين؟
يالله شباب نبي فزعتكم ..

ان شاء الله الاخوان ماراح يقصرون معك انت بس تفائل خير
انا مثلك ماعرف شي هناك بس لازم ترتب كل شي من هنا مثل تطبع برنامجك اللي تبي تمشي عليها تكون مرتبه على الكمبيوتر
وتكتب اسماء الاماكن السياحيه والشوارع واسماء الميناء واي منطقه تحتاجها بالعربي وجنبها بالتركي او الانجليزي عشان اي مكان تبيه بس تأشر على الكلمه ويفهموك
وخلي معك نوته وقلم راح تحتاجها اكيد
وبالنسبه للمواصلات كثير ينصحون بالمترو والترام وحاول تبعد عن التكاسي لأنها غاليه بس من المطار للفندق

تسلم حبيبي تراتيل بس كمان أبي توضيحات
تدري انا وش أبي ..
مثلا ً أول ثلاث أيام عندي فندق راست بالسلطان أحمد ..
وش فيه حولي أماكن حلوة أحس إن كلش حولي بس مدري
طيب شباب شوفوا ..
كيف أطلع للبسفور ؟ قريت إن نينو نص كيلو عن فندق راست
طيب البسفور كم ساعة وهل يعرف عربي ؟ وكيف أقوله إني أبي أتغدا ؟ ووين يوقف الباخرة ؟
ودي أتمشى مع الغالية في حدائق ؟ وين أروح ؟
ودي أطلع لسوق ماهو غالي , ويعجب الحريم , ( صعبة يعجبهم صح)
أبي هذاك مكان الأسماك , كيف أروح له ؟
أبي ليلة أطلع لجلسة عالشاطئ أتعشى , وين أروح ؟
كيف أطلع لبورصا من فندق راست ؟
هل رحلة جزيرة الأميرات تسوا ؟ أحسن إنها مثل الشفا حق الطايف روائح وروث و
أبي السوق الالمصري والمسقوف وسوق عثمان بيه
وتل العرايس هل تستاهل روحة ؟
هل فيه خارطة فيها الاماكن الساحية ؟
بورصا فندق الأناتول/ الأناظول
وش رايكم وش حولي وين أروح ؟
لو قلت للتاكسي ودني للتلفريك يعرف ؟
لو قلت له ودني للشلالات يعرف ؟ وش اسم شلال بالنقليزي ؟
وش الفرق بين المترو والباص والثاني ذاك نست اسمه ؟
كيف أعرف أقرب نقطة لفندقي
ثمان أيام
أول ثلاث أيام باستانبول بفندق راست
يومين في بورصا بفندق الأناظول
ثلاث أيام بفندق مرمره اسطنبول