الحمدلله اليوم سويت المقابلة الشخصية في القنصلية بالامريكية بالظهران عشان فيزا سياحية
بصراحة تعامل الموظفين كان يتم بكل اريحية
كان موعدي الساعة 8 صباحا ...
راحت علي نومة وما صحيت الا 7 ... المهم والبس سريع واخذ الاوراق وعالسفارة
8 الا ربع وانا عند البوابة ... لقيت قدامي 4 اشخاص ..
وقفنا بالسرا ... جا واحد امريكي ... طنش السرا ... ووقف اول واحد .. ودخل قبلنا كلنا !
طبعا محد من السعوديين تكلم ... او حتى نبهه .. لانه امريكي ... المهم !
دخلت ... اجراءات تفتيش عادية مثل حقت المطار ... رجال الامن كلهم بنغال .. هنود ... سودانية وتعاملهم زين ومحترم ...
اخذت رقم وانتظرت ....... الموظفة سودانية ... تتعامل بفوقية عجيبة ... وكأن الناس جاية تطلب صدقة من عندها ... المهم خلصت اخذ البصمات وجلست ..
طبعا ما عبيت استمارة DS-157 ... وقالت لي عبيها ووعبيتها ...
بعدين مرة ثانية نادوا اسمي ... وهالمرة المقابلة مع رجل امريكي محترم جدا ...
قلي : Hi sir ... وهو قد ابوي ... شف الاحترام ... قلت له قود مورننج سير ...
ليش رايح امريكا ... قلت له سياحة وباخذ كورس لغة قصير ...
سألني وش عملك ... وكم سنة لك تعمل ... ومتى درست الجامعة .. وليش اخترت سان فرانسيسكو ... قلت من زمان نفسي اروح لها ..
سألني هل انت متزوج ... قلت لا ... قال طيب عندك اطفال ؟ ... برضوا لا
سالني وين سافرت ... قلت له ... كندا ... مصر .. اندونيسيا .. الاردن .. الكويت عمان البحرين الامارات ..
قال لي سافرت سوريا ؟
قلت ايه مع العايلة ...
قالي اتمنى لك رحلة سعيدة ... وبتاخذ الفيزا خلال 10 ايام ...
- جوازي الحالي مافيه اختام سوريا ... انما القديم فيه ختم سفرية وحدة ... ولكن طلعوها عندهم كيف مدري .. المصيبة انا ماكتبتها في الاستمارة ... تعتقدون بيعطوني الفيزا ؟
وكم مدة الفيزا السياحية عادة ؟
وبعدين الله يهديك لي ما كتبت سوريا في الابلكيشن !! لازم تكون صادق و واضح خصوصا بالاشياء الي زي كذا. لان بتصرفك هذا تثير الشبهه. لوني انا مقابلك بقول ليش ما كتب سوريا اكيد انه مسوي شي وخايف علشان كذا ما كتب سوريا.
وان شاء الله تطلع لك الفيزه ..