- السلام عليكم ورحمة الله وبركاته
السلام عليكم ورحمة الله وبركاته
اخواني انا حجزي كان بتاريخ 3 8 يوم الخميس بالليل ( فجر الجمعه ) الرياض باريس وحاجز على الخطوط السعوديه مكلمهم بالتلفون وحاجز ومضبط كل شي . المهم رحت اليوم ابي اقص البوردنق من المكتب الرئيسي الي بالمروج وانواع الزحمة وماسك سرا وساحب رقم وحر :112: المهم كانت مع سرا الافق والاولى ويوم وصل الرقم عندي (طبعا لا تنسون اني قايم من النوم ورايح ابي اقص بوردنق ) واجي عند موضوف الابتسامه شاقه وجه واعطيه التذاكر وقال هذي مو من عندنا قلت وشلون مو من عندكم انا حاجز على السعوديه كيف مو من عندكم .
قال صح كلامك انت حاجز على السعوديه بس حنا موقعين اتفاقيه مع اير فرنس وتعتبر رحله اضافيه وانت طالع عليها ؟؟؟؟ قلت وش جاب لجاب وليش ما قلتو لي انا دافع فلوس درجة افق على الخطوط السعوديه والحين تقول بتطلع على اير فرنس ؟ :112: كيف تجي ذي ؟ وبعدين مو ذنبي تسوون اتفاقيه وحنا نروح فيها :112: قال ياخوي هد اعصابك ترا الدعوة تختلف بالاسم الاير فرنس زي طيارات السعوديه قلت طيب عدل بدل يمين يسار قال مرة يوم السفر رح قبل الرحله ب ساعتين ونص وقص البوردنق من صاله 1 ( الطيران الاجنبي ) ورحله سعيدة :112::112:
طبعا انا خشيت موقع الخطوط الفرنسيه وحطيت تاريخ سفرتي ولا لقيت اي رحله باليوم هذا . وجيت بغير الحجز ( ما افي امل ) خصوصا ان الرحله يوم الخميس الجاي ( مو بكرة ) ودقيت على الخطوط الله ......... وقلت السالفه كذا وكذا وقال والله عزيزي ما اقدر افيدك :112: بالرغم اني داق قبل 3 اسابيع ورد علي موضف وقال انت بتطلع على الاير فرنس وسكر بدون ما اكمل كلامي ورجعت دقيت ورد واحد ثاني وقلت خويك يقول اني بطلع على الاير فرنس قال دقيقه وجلس يلعب بالكيبورد وقال لا انت بتطلع على السعوديه .
طبعا انا ناوي اكنسل كل شي في حالة كانت الطيارة مالها داعي خصوصا درجة الافق .
فا اذا في احد سبق انه جرب الخطوط الفرنسيه او شافها او يقدر ينزل صورها اكون له من الشاكرين ولا بكنسل السفرة كلها . وبالنسبه للعفش هل بيكون زي السعوديه ولا لا ؟
تكفون افيدوني باسرع وقت . والي رحلته بنفس اليوم ترا بيطلع معي على الفرنسيه ( في رحلتين وحدة الساعه 12 ونص فجرا والثانيه 4 الفجر ) الكلام على رحلة الساعة 12 ونص .
ما عندي شي اقوله لك بس مشاركه وجدانيه