kuwait_soso
10-10-2022 - 08:31 pm
السلام عليكم
أخواني وأخواتي الأعزاء
حابه أسافر مع زوجي نص شهر مارس القادم أسبوع مدريد وبرشلونه وأسبوع روما وميلان وهذي أول مره لنا في أوربا يعني الخبره بهالدول زيرو
لذلك عندي وايد أسإله عشان مانتوهق وانا أحب التخطيط عشان مايضيع وقتنا بالتخبط وين نروح ووين نجي
المهم حابه أطلب مساعدتكم وإن شاءالله ماتبخلون علينا
1- ننزل بأي مدينه أول مدريد أو برشلونه؟
2- أبي فندق يكون وايد زين سواء 4 أو 5 نجوم أهم شي بالسنتر بالنسبه للمدينتين عشان نمشي ماناخذ تكاسي
3- ماهمني الشوبنق بأسبانيا ((مخليته بآخر محطه ميلان)) عشان جذي ابي اهم المناطق السياحيه إلي ما تطوف وشنو الأشياء إلي لابد نسويها هناك
4- أنا ألبس عبايه هل فيها أشكاليه لي سواء بالمطار أو المدينه؟؟؟
5- أهم سؤال يطرح نفسه شلون الجو هناك نص مارس برد وايد وإلا زين ربيعي يعني وشنو نوع الملابس ناخذ معانا؟
6- أفضل طريقه نسافر فيها لروما وإذا طيران أرجو ذكر الأفضل وموقع الحجز عن طريق النت
أما بالنسبه لإيطاليا ماني معذبتكم بالأسئله حاليا لين أخلص من أسبانيا
وأشكركم مقدما
1- انصحكم اول مدينة مدريد وبعدها برشلونة (لان بعدها بتكون روما اقرب لبرشلونة)..
2- عندك في برشلونة Silken Rambla , Royal Ramblas , Hotel 1898 , بس مدريد ماعندي خبرة فيها , الاخوان مابيقصرون معكم..
3- ببرشلونة : الباص السياحي من ساحة كاتالونيا , عروض النوافير الموسيقية في ساحة اسبانيا, عروض فلامنجو في plaza rial , شارع الرامبلا , شارع Passeig de gracia , جبل التبيدابو , ركوب التلفريك الى جبل المنجويك, متحف بيكاسو , شاطئ برشلونة la playa , الحي القوطي بجانب شارع الرامبلا, حديقة بارك جويل , كنيسة سجرادا فاميليا , قوس النصر والحديقة اللي جنبه اسمها سيوتاذيه , مباني جاودي في شارع Passeig de gracia
4- العباية مافيها اي مشكلة ..
5- درجة الحرارة تقريبا الصغرى 7.5 والعظمى 16.8 , يعني ملابس شتوية خفيفة + الجاكيت..
6- طيران vueling , الحجز من هنا http://www.vueling.com
ملاحظة : للتنقل من مدريد الى برشلونة , يوجد قطار سريع , شركة renfe , مدته 3 ساعات , وسعره 117 يورو, ممتاز ونظيف جدا.. الحجز من هنا http://www.renfe.com
موفقين ان شاء الله