نشر في طنجة

سلملم أمالين المكان

بنت أغادير

02-10-2022 - 02:35 am

أيتما زيستما السلام ن ربي فلاون

السلام عليكم خوتي..
لاباس عليكم..بخير و اغبورات هذي..كاين شي تسافيرة.. ..كيدايرين مع البرد؟ العائلة ..ماعز عندكم؟
الحمد لله..
كنسلم عليكم كلكم نفرا نفرا ونفرة نفرة ..وكنقول لكم مرحبا بيا ثاني معكم..بعد واحد المغامرة حلوة مع الاطباء..مباراة انتهت و لله الحمد ..لا ينقصنا الا النظر في حسابنا البنكي العزيز وقراءة الفاتحة على روحه..شوفوا اللي مريض يشرب اتاي مشحر وبس..الله لا يوصلكم لشي طبيب يطب و يطبطب على فلوسكم..آمين
ايوا أش قالوا؟ طنجة ماخذات المعرض الدولي..ماشي مشكل..المهم دخلت شحال من شركة استثمارية و انتعشت المنطقة..و المعرض بح.. اش قالوا ثاني..عملة موحدة في الخليج..مزيانة الصراحة..الله يصاوب..
طولت عليكم..ياك؟
أسيادي- اشتاتا اشتاتا اوليدات الحراكة-.. بغيت نسلم بالخصوص على الهذلي وعادل.. على ميمي مروكية و جنة على أمرتوم وولد الدرب ..على بوعمر وبوسلمان على الجنتل ..على بنت الشاوية اللي وصلني سلامها و على الغلا ..على البزناس و العمري..على اميرو ..و خصوصا اختي جود في الواحة العامة..
كنشكركم من قلبي وكنشكر الجميع..الادارة السي عبد العزيز خونا..وصقر مشرفنا..
و..
ما نسيت عريسنا مولاي السلطان ابو ماجد و للا السلطانة حرمه..الله يفرحكم ياربي ديما..كما فرحتوني وقتها
توحشتكم..جمعة مباركة

التعليقات (9)

ابوريان العربي

02-10-2022 - 05:28 am

الحمدلله الذي اذهب عن اختنا بنت اغادير البأس
لا باس عليكي اختي
يعلم الله كم انا مسرور بسلامتك وسلامة كل اخواننا في المنتدى
ولذلك وبمناسبة العودة الحميدة ...
فإني سوف ابدأ بكتابة تقريري ((((رحلة الستين يوم))))
واعتبرها هدية للبوابة الكريمة وللاخوة الاعضاء بهذه المناسبة السعيدة
وقبلوا اخلص الود
ابوريان

fleurissa

02-10-2022 - 06:29 am

AZUUUUUUUUUUUUUUUUUL
على السلامة الزين ديالي كيدايرة وكيبقيتي والله الى تهولت عليك بزاف وعاد عرفت بلا راكي فلوبيطال قوليلي كيفاش دازت لوبيراسيون وكيدايرة نتينا دابا ؟؟؟ وعلامن درتيها ؟
كنتمنى ليك الشفا العاجل يا شمعة المنتدى وتولي كي كنتي وكتر يا ربي
تقبلي تحيات فلوريسا

بنت أغادير

02-10-2022 - 07:30 am

أزول أولتما تجديكت نغ
اهلا باختي الله يحفظك..راني بخير سموس/سموس
اختي فيك الخير ..الله يعطيك ما تمنيتي..الحمد لله مادرت العملية ولكن لعبوا على اعصابي مزيان و في الأخير جاب ربي كيفاش ..وشفت واحد بروفسور اعطاني راحة ست شهور- مع ناقصاني الراحة + واحد الوصفة حلوة وزوينة..عارفاها ميمي و جنة
احتراامي لك اختي وياربي تكون هذي ساعة استجابة و اللي على بالك دبا يتحقق انت و كل من يقرا ..و على بالي ميمي اختي..آمين
تنميرت ن بهرا ايفولكين..

الغـــــلآ

02-10-2022 - 08:31 am

وآش هذي بنت أغآدير ولآ كذبت
أهلآ الزين ديآلي
كدآرتي لبآس عليك؟
والله العظيم توحشنآك بالجهد وبالزآآف
كدآيرة ألآلة ؟الصحيحة؟ والعوينآت؟
إن شآء الله بخير وكلشي دآز بخير
الحمد لله على سلآمتك
والله حتى افتقدنآك
مرحبآ ومليوون مرحبآ بعودتك لينآآ
يالله تهلآي في رآسك
وبس
دمت بود م

لمياء مروكية

02-10-2022 - 09:32 am

بنت اغادير حبي توحشتك ك بزا اف ولله لعظيم
على سلامتك وياربي تكوني في صحة جيدة نتى والوالدة ديالك ربي يحفضكم
نورتي المنتدى والبوابة والمغرب والحي
مرحبا بيك مليون مرحبا معنا :282::282::282::50055::50055::50055::smile106::smi le106::smile125::smile125:

مشمش .

02-10-2022 - 10:33 am

طهور ان شاء الله
وأجر .. وصحة مستديمه أن شا الله
والحمدلله عالسلامه

planazur

02-10-2022 - 11:34 am

السلام عليكم
مرحبا بيك بنت اغادير واغبورات هدي بزاف ها
سولت عليك قالو لي بغيتي تعملي عملية كان الود نسولك مباشرة ولكن مكاينش كيفاش و الرسائل الخاصة منعدمة عندي
المهم على السلامة وان شاء الله تكون اخر المحن يارب
تحياتي
اخوك ايوب

بنوتة المغرب

02-10-2022 - 12:35 pm

غبرتي بزاف علينا
أهلا الزين ديالنا نوورتي المنتدى بالرجعة المنورة ديالك.
على سلامتك الغزال.
وان شاء الله ديما تكوني بخير وعلى خير.
تيك كير حبيبة

بنت أغادير

02-10-2022 - 01:36 pm

غلاتو واتي اييهوو..عاد ما حطنا الكار
ياولاباس او ياوشتعاودي؟؟ يتوحشك الخير غلاتو..
اسمحي ليا على اللي فات راه وقع سوء تفاهم و تدخلي ماكان القصد فيه انت بل حتى يانا ..

طنجة المسافرون العرب

سلملم أمالين المكان