أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ممكن المساعده في فنادق سان فرانسيسكو نحن عائله من زوجين و 4 اطفال
لقيت البعض يمدح الماريوت و والفيرمونت والهلتون
بس لما دخلت على مواقع البوكنق لقيت اكثر من ماريوت و2 فيرمونت
احترت فيهم ... ممكن المساعدة .؟
جزاك الله خير اخوي ... تم الحجز في الهيلتون كان تقييمه زين في البوكنج 8,3
الحين في لوس انجلوس .. من قراءتي للتقارير ولبعض المواضيع البعض يسكن في الشمال والجنوب
وانا ابي اخليها بس الجنوب افضل لان معاي عيالي والمده مب طويله تقريبا 10 ايام ماتسوى اتنقل بين الشمال والجنوب ولا وشرايكم ؟؟؟؟
بوعبدالله مشكور اخوي خلاص حجزت في سان فرانسسكو
اليوم طول الوقت وانا احاول ادور فندق عائلي في الجنوب وتضايقت لان اغلب الي ابغيهم مالقيت فيهم حجز للاسف
الله المستعان بكره بحاول انتهي من حجز لوس انجلوس
بس انصدمت بالاسعار .كلها غاليه مافي شي سعره متوسط توقعت امريكا ارخص من كذا
شوف هالموقع لتقييم الفنادق ،، ولاتعتمد اعتماد كلي على بوكينق لانه مافيه الا اراء فقط ،
هالموقع خاص بالتقييم ، وفيه الاف الفنادق حول العالم وهو امريكي وتقييمه للاراء والصور والفيديو ، ومن خلاله تقدر تحجز من عدة مواقع اشهرها واحسنها اكسبيديا وهو افضل من بوكينق برأيي
http://www.tripadvisor.com/
وانت حدد وين تبي تسكن فالجنوب لان فيه عدة مناطق !!
مع اني انصحك انك تقسمها لان الزحمه رهيبه ، بدون زحمه والطريق سالك ساعه من بيفرلي هيلز الى ايرفاين ، ومع الزحمه ساعتين ونص ، هذا من تجربتي بالمنطقه
ف نصيحتي لك انك تتعرف على المناطق اللي فالشمال واللي فالجنوب وعقبها بنشور عليك بالفندق اللي يناسبك
والاسعار صحيح غاليه بس مع البحث المستمر والمتكرر بتلقى السعر اللي ودك به
تحياتي
جزاك الله خير اخوي سترينجر بالفعل موقع ترب ادفايزر لا استغنى عنه ابدا
تلقاني فاتحه على البوكنج وكل ماشفت فندق بحث تقييمه في الترب ادفايزر
وغير كذا يعجبني انه شامل وفيه تقييم لكل منطقه
الحمد لله انتهيت من حجز لوس انجلوس... حجزت في البيفرلي هيلز وحجزت في ارفاين او ارفين كلها تابعه للماريوت
الحمد لله شلت سان دييغو من البال ولا كنت حاطتلها 3 ايام من ارفين فقلت بيكون تنقلنا صعب مع اليهال وغير انها قريبه نقدر نروح لها بالسياره ماعندنا مشاكل الحمد لله
الحين وصلنا لاس فيغاس ابي احجز فيها ليلتين
لقيت المندرين تقييمه نمبر 1 في الترب ادفايزر شورايكم شوروا علي
مع العلم اني متخوفه من لاس فيغاس لان معاي مراهقين بنت وولد 14 سنه و 12 سنه وطفلين 6 و4 سنوات
انتو تبون فندق ولا تبون نظام سويت وشقق ؟
لان فيه فندق زين نظام سويتات غرفه وصاله وغرفتين وصاله ،، نجوم بس نظيف وتقييمه عالي في ترب ادفايزر وسعره مناسب ،، ومكانه اول الستريب ، خلف فندق نيويورك نيويورك
http://www.tripadvisor.com/Hotel_Review-g45963-d217598-Reviews-Desert_Rose_Resort-Las_Vegas_Nevada.html
اما بالنسبه لسان دييغو ، ف انا ارشحها لانها حلوه وصراحه تستاهل العنوه مع انها قريبه من ارفاين تقريباً المسافه ساعه ونص اذا مافي زحمه
اذا في امكانيه غيرو الحجز واحجزو في سان دييغو
تحياتي
شكرا اخوي .. مب مهم شقه او غرف فندقيه
اهم شي يكون المكان حلو ويستاهل ...
بالنسبه لسان دييغو للاسف كنسلت المبيت فيها والسبب قصر مده الرحله
رايك يعني الغي لاس فيغاس واخلي اقامتها الاخيره في سان دييغو قبل الانتقال الى نيويورك لان رحلة العوده بتكون على القطريه من نيويورك
شوف الجزء الخاص بفنادق سان فرانسيسكو