1. بحاول أستفسر لج عن شقق تكون حلوه ومكانها يناسبكم

ليه ماتسكنون في المجمعات السكنيه الموجوده عند مجمع المول علشان يكون الطريق أقرب لزوجج انه يطلع من خط المطار على الوكره وانتو بعد كل شي بيكون قريب منكم
والفلل اللي في المجمعات السكنيه مريحه كأنج في منتجع يكون فيها ملعب ومكان حق العاب الأطفال ومسبح إخذوا فيلا صغيره على قدكم وانشالله بتلقون بحدود السعر المطلوب
وفي مجمعات سكنيه روعه عند فيلاجيو بس أكيد غاليه وبعدين بعيده وايد عن مكان شغل زوجج
ام وبعد في مجمعات سكنيه في الغرافه وفي مجمع سكني في الغرافه مقابل مدرسه انجليزيه على طول يعني بنتج تطلع من باب الفيلا مشي خطوتين تدخل على باب المدرسه يعني مايبي لها سياره أبدن الشغاله توصلها وترجع
المدرسه ماتضيع بس اذا اعتمدتي علي بضيعج ههه إسئلي عن مكانها اسمها مدرسة الخليج الإنجليزيه عاد هالمدرسه ماعليها كلام اخوي لصغير يدرس فيها
نسيت أقولج في شقق فندقيه جديده على خط الوكره رهيبه بسأل عنها وبرد عليج لأني ناسيه اسمها وماسمعت عنها بس شفتها وانا رايحه مسيعيد بس مادري اذا في مدرسه أجنبيه هناك ؟!..

بحاول أستفسر لج عن شقق تكون حلوه ومكانها يناسبكم

بخصوص الفيزا تسوينها في البحرين ولاقطر تراني ماعرف حق هالسوالف انتي قوولي لي الخطوات بالظبط لأن اذا في قطر نص الشباب و لكبار من أهلي يشتغلون في الجوازات وبعضهم مناصب يعني بتوسط لج بعد شتبين أكثر ههه:tongue:
إنشالله أكون أفدتج خيتو واقامه سعيده انشالله

موفقة الغالية باقامتج ببلدج الثاني ..
بس والله الاجارات غالية لكن يقولون اللحين بادية تنزل ان شاء الله تكون ع حظكم يارب
وتتوفقون بسكن حلو ..
من راي انكم تشوفون بمنطقة المطار ولا الهلال ..مناك جريب لزوجج للدوام
وبعد هناك فية مدارس اجنبية ..اكاديمية الجزيرة .. وبتاكد لج بعد
وبيكون منكم قريب المول مجمع تجاري ..واللولو والسفير ..
وعندكم شارع المطار التجاري كل شي فية ..
وبعدين الدوحة مب من كبرها كل شي قريب بس احنا الزحمة والتحويلات تلعوزنا ..
مووفقة الغالية
واي شي احنا حاضرين لج ..

مرحبا اختي
واتنورين الدوجه انتي وريلج
واكيد بحصل بهلمبلغ لان الاجارات صايرة تنزل وانا بعد اقول تاخذون فيلا في مجمع تجاري واذا عددكم قليل ممكن تاخذون شقة وبتحصلون شقق حلوة وبسعار منافسه وبتقدرون اتوفرون من سعر بدل السكن
وبنسبة للخدامة عادي مافي اي مشكلة طلعيلها فيزة سفر من السفارة طبعا سفارت السعودية وسفارت قطر اذا بتروحون بلبر
وبنسبة للمدارس الاجنبية في مدارس وايد ومثل ماقالت الاخت في مجمع تجاري وهو على طول جنبه مدرسة الخليج الانجليزية بس بنتج بعدها صغيره يعني اقول ادش روضه احسن
وفي شغله ثاني مادري اذا انتي اتسوقين سيارة ولا لا لان اذا ريلج بيشتغل في مسعيد يعني اكيد بيطلع بدري من الدوحه فهل فكرتو بلي بوصل البنت للمدرسة في الروحه والرده بس اذا انتي اتسوقين بتسهلين الوضع واذا لا انا اقول تاخذون لكم اريول لان اكيد بتحتاجون في مشاويركم لان اكيد ريلج بيطلع من الساعه 4 او 5 ومب راجع الا 3 او 4 فلازم يكون معاكم شخص يعرف يسوق علشان لا سمح الله اذا صار شي يساعدكم
وسؤالي هل خلاص راح اتعيشون على طول ولا فترة معين لان اذا على طول انا اقول تاخذون فلا واذا فترة معين لا خلوها شقة مفروشة لان الفلا اذا بتاخذونها لازم يبيلها تشطيبات واثاث وهلموضوع يكلف وايد وايد
واذا على الدوحه ترا الدوحه صغيرة وكل شي حواليج وحتى لو سكنتو في الوكرة ترا بلعكس الوكرة اختيار وايد حلوة واجاراتهم ارخص والوكرة فيها كل شي وتبعد عن الدوحه 10 كيلو بس يعني ولا شي اذا حصلتو شي حلو في الوكرة انا افضل الوكرة والمشاوير فيكم فيكم
اهم شي ريلج يستفرس عن كل شي ويخلي الشركة اتامن له السكن او تقترح عليه لان هي ملزومه فيه
وان شاءالله ترتاحين في الدوحه
واي استفسار احنا جاهزين
واتمنى اني فتج ولو بلبسيط

بنت الدوحه ~
اتفق مع اختي بنت الدوحه في الرأي
وماقصرو الشباب والشابات في المساعده
وبتوفيق ان شاءالله

شكرا على الردود الطيبه
ولله ان زوجي حصل عروض اكثر من دولة بس اختياره الاول قطر..يقولي قطر هي البحرين ليش نروح بعيد؟؟؟؟
مع ان الكل مستغرب من حماسنا للاقامة في قطر..الا اني مستمتعه بالفكرة... احس ان برتاح فيها
وزوجي بدا يجهز نفسه علشان لبس الثوب ..هو صح خليجي بس مو متعود على الثوب على طول بدلة..لي قد متحمس لثوب والغترة

ريمية قطر
مشكورة اختي...
عجبتني فكرة المجمعات السكنية ونظامها..بس شلون عن الاجار؟؟؟
وفكرة نسكن الوكرة ببالنا
اما عن الشغاله ابغي اعرف ان تواجدها في قطر تحتاج اي قد رسوم؟؟؟؟؟؟؟؟؟؟
وشكرا مرة ثانية

بنت الدوحه ~
ما تقصرين فيكم الخير اهل قطر
ايوا انا اابغي مثل هالوصف..سكن قريب من المجمعات لو بغينا نغير جو.... تعرفين اذا احنا ما نعرف احد هناك نحتاج اماكن اكثر نغير جو فيها..خاصة ان زوجي بكون في الشغل ما ابغي ابقى بروحي مع بنوتي..متعودة اطلع معاها العبها
مشكورة اختي

حلو ومدلع
اهلين اخوي
شكرا على الرد
بس ما اظن الشقه تناسبنا لان بنبقى لاجل غير مسمى...يعني اقلها من 6 الى 8 سنوات
اما عن الخدامة انا اقصد رسوم دخولها قطر ... واقامتها ... ومتى تتجدد لها الاقامه كل مرة...وهل تحتاج تجديد لو راحت معانا زيارة البحرين ورجعت********>سؤال جدا مهم
اما عن المدارس..احنا نبغي مدرسة اجنبية لان بنتي هي اللحين تدرس وما ابغي اغير مستوى الدراسه عندها الا الى الاحسن طبعا..
انا اسوق سيارة..يعني بنحتاج سيارتين
ومثل ما قلت هي فترة طويله وجودنا بقطر..علشان هلون ابغي سكن واسع ومريح يعني فيلا مو شقه...
اما عن الوكرة زوجي عرضوا عليه بيوت فيها بس يقول ان المجمع قديم...بس بباله ان يدور فيلا اجار فيها
ما تقصر اخوي...

qatar3333
شكرا جزيلا على الاهتمام