سفري قريب

شهاب

31-07-2022 - 12:15 pm

السلام عليكم ورحمه الله وبركاته سفري قريب ان شاء الله انا حجزت 8 ايام لماليزيا وباقي في تايلند
وين ترشحولي اروح الاماكن مع العلم قالوا الاخوان السبت والاحد لاتروح بسبب الزحمة والثلاثاء الحديقة المائية فيها صيانة راحو 8 ايام شو بقى .. افاموزا تكفي يوم من الصبح حتى الليل اهي تسوى
ولالأ كل سفرتي في ماليزيا في كوالالمبور فقط
واللي خفت منه القمارين اللي تكلموا عنهم الاخوان وين نحط فلوسنا وانا معاي عايلة :112:
6 اشخاص
تحياتي للجميع

التعليقات (4)

شهاب

31-07-2022 - 02:38 pm

وينكم يا الربع 35 قراءة ومافي ردود

N a Y z K

31-07-2022 - 03:39 pm

يالربع إللي عنده رأي يقوله ..
إفزعوا للرجال يانشامى ...
والله حالته تبكي العدو قبل الصاحب
طيب خذ هذي : ليه ما تخلي وقت وصولك ماليزيا مساء يوم الأحد .. يعني يصير قدامك 7 أيام كلها فله ووناسه .. .......... رتب وصول رحلتك لماليزيا مساء الأحد.
تحياتي ، ، ،

أبوميسم

31-07-2022 - 04:40 pm

السلام عليكم ...
حياك الله أخوي شهاب ....
8 أيام في كوالا ................ ما عندك مشكله .......... خذ عندك :
أماكن خارج كوالا تخصص لكل واحده منها يوم واحد:
1- جنتنق
2-أفاموزا
3-مرتفعات بوكيت تنقي (( القرية الفرنسية ))
4- واذا كنتم من هواة المغامرة (( رحله إلى نهر سيلانقور لرؤية الحشرات المضيئه ))
5- صن واي لاقون
الأماكن السياحية داخل المدينة كثيرة جداً وتلقاها مذكورة في موضوع دليل ماليزيا المثبت في المنتدى ...
ونذكر منها :
الحدائق وهي كثيرة فراشات - حيوانات .... إلخ
شلالات تيمبلر بارك
البرجين التوأم
برج الإتصالات
.
.
بالنسبه للفلوس راجع هالرابط ::: تكلمنا فيه عن هالموضوع :
هنا https://artravelers.com
أي إستفسار أخوي لايردك إلا الكيبورد ....
بالتوفيق إن شاء الله

شهاب

31-07-2022 - 05:41 pm

مشكورين ياالربع وجزاكم الله خير على المعلومات بس انا الحين حجزت بالجمعة بالليل ما في فايدة الوصول بالسبت الظهر ان شاء الله ناخذ الاحتياطات اللازمة وما ننسرق وادعولنا
تحياتي للجميع

كوالالمبور المسافرون العرب

سفري قريب