الله يتمم عليكم بخير
اتوقع انة لا بد تغيير الطيارة لاكن احرص انك تبلغ الموظف انة يخلي الشنط
تروح دايركت على فيينا وتاخذ البوردنج حق فيينا من جدة اثناء تسليم العفش
بخصوص السيارة راح تحرم نفسك الشي الكثير لو ما استأجرتها انا كنت في النمسا العام الماضي في نهاية اكتوبر
وما كان فية ثلوج بس الجو بارد عليك بالملابس الشتوية
بخصوص حجز الفنادق من بوكنق
تختلف سياسات الفنادق تجد هناك فنادق يسحبون من بدري خصوصا غير المسترجع
وبعض الفنادق تاخذ منك اثناء الوصول وبعضها وقت المغادرة فلا تشيل هم
وراسلهم عالايميل لتأكيد حجزك اذا بتتطمن زيادة
انتبة الفيزا لازم تكون بارزة الحروف اذا ناوي تستاجر سيارة

جاوب اخي العزيز ابو حننونه,
بالنسبه للجو في اكتوبر, وقت خريف
مافيه ثلوج لكن برد, ملابس وجاكيت كافي ان شا الله
الثلوج من نهاية نوفمبر وبداية ديسمبر والعلم عند الله..
راح تصعد طائره من جده لدبي, وتنزل المطار لتبديل الطائره , ومدة الانتظار حسب الترانزيت شوف التذاكر كم ساعه انتظار..
بالنسبه لحجز بوكينق لاحظ اللي مكتوب عنده حجز غير مسترد, هذا بيسحب المبلغ كامل اول ما تسوي الحجز
او ان بياخذ عربون من الحجز فقط..
بينما الفنادق المكتوب عليها إلغاء مجاني, هذا معناها ماراح يسحب الا لما توصل الفندق..
واغلب الفنادق فيه خيارين, خيار غير مسترد, هذا يكون ارخص
وخيار مسترد الا وهو الغاء مجاني هذا يكون اغلا ب300 ريال او اكثر..
انا بالنسبه لي كل حجوزاتي اخليها غير مسترده لسببين,
اولا انا افضل يحسب المبلغ في نفس الوقت علشان ارتب باقي المبلغ اللي بالفيزا لأشياء اخرى
بعض الفنادق مايكون لها الا خيار واحد وهو ميزة الالغاء المجاني.. احجز ثم ارسل للفندق اعطيه اذن انه يسحب من الان
ويرحب بالفكره ويسحب,,
طبعا هذا الوضع اتبعه لما اتاكد ان فيزة السفر تبعي خلاص تم اصدارها..
اتمنى اكون افدتك.. مع خالص التحيه

أخوي بالنسبة للترانزيت إنت لما تجي المطار تأكد عليهم إن رحلتك ترانزيت فيخلون الجناط تروح دايركت على فيينا عرفت
الشي الثاني لما توصلون محطة الترانزيت راح تنزلون من الطيارة -على الأغلب- و هالشي تتأكد منه أثناء قطع البوردنق
فلما تنزل من الطيارة تروح للكاونتر الخاص بالترانزيت و صالة الانتظار الخاصة في ذلك
و هم أصلا لما تنزل من الطيارة الموظفين يستقبلونك ويبلغونك وين الكاونتر حق الترانزيت فلا تحاتي إن شاء الله الأمور تمام
الأمر الأخير بخصوص الفنادق ، هم لو سحبوا منك المبلغ ألحين يعني الحجز غير مسترد يعني مهما يصير ما يرجعون لك المبلغ
و أنا عن نفسي أشوف على عكس الأخوة إن الإلغاء المجاني (الحجز المسترد) أفضل حتى لو كان سعره أعلى يعني هم أكدوا حجزك و ما راح يسحبون المبلغ إلا في حال وصولك الفندق
وهالشي أفضل لأن افترض لا سمح الله صار ظرف وما قدرتوا تسكنون هالفندق عالأقل تكونون ما خسرتوا شي والواحد ما يضمن ظروفه

مرحبا
ليش اتاكد عليهم !!!
ولا اتاكد عليهم ولا شي
من جده راح يعطونك البوردنق جده دبي
دبي فيينا واول ماتنزل تروح القيت وتنتظر لما تفتح البوابه والشناط تروح ولا لك علاقه ولا تسال موظف هم يعرفون
الاجواء في كتوبر بارده جدا
جدولك ممتاز ولو تنقص من كابرون وسالزبورج وتزيدها بالمدن افضل لان نهايه اكتوبر كل شي مسكر من محلات سياحيه

ابو حننونه
الله يجزاك خير يا ابو حننونه
اعطيتنا فكرة عن الحجز بواسطة بوكينج وبإذن الله ساراسل الفندق لتأكيد الحجوزات

أبو مريم 84
اجابة وافيه واستفدت منها .. واستفساري عن الاجواء وتخوفي منه ما كان الا بسبب التحذير اللي شفته من اكثر من عضو
ولكن اجابتك طمنتني ولله الحمد
وساضع في الاعتبار موضوع الفنادق والحجوزات ولك جزيل الشكر
ولكن ماهي الجولات السياحية المقصودة في خدمات الفنادق؟؟ وماهي التذاكر المقصودة؟؟وكيف احصل عليها؟

اخوي نمر الحجاز يا ليت تدخل على موضوع اخوي (أدلع يا كايدهم) بعنوان (اللي يبي يطلع فيزا للنمسا يدخل هنا )
سألتك كم سؤال يا ليت لو ترد عليه اكون لك من الشاكرين

أم نيوفي
الله يعطيكي العافيه اختي ام نيووفي على التوضيح .. ولله الحمد اجل الامور سهالة بخصوص الترانزيت
بخصوص الحجوزات خلاص سويتها ولله الحمد وهي كالتالي:
فيينا : فندق قراند
سالزبورغ : فندق قولدنر هيرش
كابرون : فندق ليدرز
ميونخ : فندق السوفيتيل

Unique Man
تسلم يا غالي على التوضيح .. ويبدو اني مع ربشة السفر كنت متخوف من مسألة الترانزيت مثل ما قلت سابقا والامور طلعت سهالة .. وتعرف الواحد لازم يدقق في كل شي خاصة انه شهر عسل والامور ما تتحمل اي منغصات
اما بالنسبة لتغيير مواعيد السفر فما اعتقد اني اقدر .. لاني حجزت في كل من :
فيينا ..سالزبورغ .. ميونخ
لا استطيع استرداد المبالغ والمدينة الوحيده اللي اقدر اغير حجوزات الفنادق هي كابرون فقط
تحياتي لك