1. السلام عليكم اخواني

السلام عليكم اخواني

ان شاء الله بتاريخ 4/4 رح أسافر الى اسطنبول .. لأول مره (وأول سفره بحياتي) .. ورحلتي منظمه (مجموعه من الكليه وهيك) .. لكن اليوم الأول ما في شيء التنظيم يبدأ من اليوم الثاني .. وأنا حابب أستغل كل يوم وكل ساعه باسطنبول حتى اتمتع فيها وبمعالمها الرائعه .. فقررت أعمل هذا الجدول حسب بحثي ومشاهدتي للخريطه .. وأريد آرائكم ومعرفة كيف يكون الترتيب، ومدى امكانية عمل هذا المخطط في اليوم الأول (وهو يوم الجمعه 5/4 .. لانا رح نوصل مطار تركيا عالساعه 3 ونص فجرا).
الفندق هو The City Hotel .. الي فهمته من موقع بوكينج والتعليقات انه الفندق يعني متوسط .. وموقعه مش مريح.
فقررت حسب موقع الفندق وحسب خريطة اسطنبول في Google Maps اني اعمل هذا الجدول (الي يبدولي بمسار واحد وبالشكل الصحيح) بس ما بعرف اذا ممكن أعمله كله بيوم واحد ولا لازم ألغي شغلات (كنت مفكر في قصر دولمه بهجه .. لكنه بعيد شوي فقررت استبداله ببرج غلاتا ومتحف رحمي كوج) :
1- التوجه الى برج جالاتا.
2- متحف رحمي كوج.
3- ميني تورك.
4- دولفيناريوم.
5- بييرلوتي.
فاذا ممكن رأيكم بمدى امكانية عمل هذا الجدول .. وكيفية التنقل والتكاليف .. وأي ساعه برأيكوا أخرج من الفندق .. وأي ساعه الغروب بكون تقريبا ؟؟
المشكله بحثت بجوجل بالخريطه عهالأماكن ما لقيت الميني تورك ولا الدولفيناريوم عالخريطه .. هذا ما عرفته ووجدته :
أنا بعتقد انه ممكن برج جلاتا ربع ساعه نص ساعه وبعده متحف رحمي كوج حوالي 3 ساعات .. وميني تورك ساعتين .. الدولفيناريوم العرض ساعه .. يعني مع بعض 6 ساعات وشوي .. وما بعرف التنقلات والطريق قديش ممكن تاخذ مني وقت .. بجوز ساعتين يمكن فالمجمل 8 ساعات تقريبا .. فممكن اطلع عال 11 اخلص عال 7 أو 8 بالكثير وبعدها براحتي ببييرلوتي بوقت الغروب.
وما رأيكم بالفندق ؟ وما رأيكم بفندق WOW Airport Hotel .. الي رح نكون في آخر ليلتين قبل العوده ان شاء الله.
وألف شكر.