انظر توقيعي بالنسبة لاستخدام الباص وانا تحت امرك

محظوظ الف شكر اخوي ان شالله بشوفه لو عندي اي استفسار برجعلك.. بس الحين من الجوال داخله
ياريت ياجماعه تسوون لي جدول يومي

موفق خير انا معاك في نفس الطائره
عساالله يرجعنا سالمين الي بلدنا
وان شاء الله يفيدونك الاخوه
وتقبل مروري

بالسلامه ان شالله الوسيم
في الانتظار يا اخوان

اول يوم
تشيك ان بالفندق وتريحون ومن ثم تسلمونها تمشيه من الشانز الي الكونكورد واذا معاكم وقت الي ايفل والقارب.
ثاني يوم اذا مو ويكند تروحون ديزني لاند
ثالث يوم
تروحون لاديفانس ومن ثم فرساي وبعدها عوده الي الحي اللاتيني
رابع يوم غابه بولونيا + مونمارت + متحف الشمع
خامس يوم جاليري لافييت والاسواق اللي حولها تسوق
تحبون يضغط يضغط اتمني من اهل الخبره الاضافه او التعديل

1. تضبط أغراضك بالفندق ، و تنزل تتمشى في الشانزليزية ،

ثالث يوم
تروحون لاديفانس ومن ثم فرساي وبعدها عوده الي الحي اللاتيني
مع كل احترامي ومحبتي الشخصية لك ،
إنما هذا مضغوط جدا ً .. وهذا جدول متعب جدا ً ،
وخصوصا ً الأخ معه أمه . يعني يجب مراعاة عامل السن والصحة وقلة المشي في دولنا الخليجية!
،،
أخي الكريم السائل صاحب الموضوع . . إليك جدول أحسبه جيّد والله أعلم :
أول يوم :

تضبط أغراضك بالفندق ، و تنزل تتمشى في الشانزليزية ،

ومنها ، تجرّب المترو في الشانليزية لمجرد التجربة كي تزيل خوف اللقاء الأول ..
فتقطع تذاكر من آلة التذاكر بعدد عشر تذاكر ( راح تلقاه خيار موجود جاهز مكتوب عليه 10 تكت تضغط عليه وثم تضغط موافق وتحط فلوسك ويطلع لك التذاكر العشر مع الباقي! والأمر سهل ! لا تفكر واجد الموضوع بسيط .. وإذا ماعرفت كلّم الشخص اللي وراك يساعدك .. وسهالات )
المهم لما تقطع التذاكر ..
تروح للمترو رقم 1 الأصفر .. وتقرأ خريطته
راح تلقاه ذهاب وإياب ..
أنت شوف اللي يناسبك و روح له ..
فمثلا ً أنت تكون في محطة جورج الخامس وتبي تروح لمحطة فرانكلين روزافلت
فما عليك إلا أن تركب المترو اللي يوصلك لفرانكلين
طبعا ً الخريطة طواليه ..
يعني جذي :
1- جورج الخامس
2- فرانكلين
3- الاسم الفلاني ..
وهكذا حتى تشوف
5- كونكورد .
فهنا تعرف أنك بالطريق السليم .. أنك رايح ذهاب وليس إياب
فتركب المترو وتنطلق وتنزل المحطة اللي وراها .. واضح ؟!
و راح تتعلم
عموما ً الجدول هو :
أول يوم :
تمشية في الشانزليزية ، و تجربة المترو ، والعشاء في الشانز ب مطعم " مثلا ً: بيتزا بيينو "
وبعدين تشوف لك سوبرماركت .. وتشتري منه حاجياتك .. اسأل الفندق عن سوبرماركت قريب
وراح يدلونك ياحلو ..
ثاني يوم :
أول ماتقعد وتتفطر وتضبط أمورك تأخذ شنطتك ( شنطة ظهر خفيفة فيها ماي وبسكوت وعصير واشياء خفيفة ) ..
وتروح للمحطة اللي انت تعلمت عليها وصرت بارع فيها !
تركبها .. وتنطلق إلى متحف اللوفر .. متحف اللوفر على خط رقم واحد الاصفر
اللي متجه للكونكورد .. تذكر الطريقه ؟ اول ماتوصل الكونكورد .. ما تنزل .. لأ
تكمل محطة ، ومن ثم تنزل وتكون في قلب اللوفر
أو إذا أنت تحب تتمشى في الحدايق .. فعادي .. انزل بمحطة الكونكورد وتمشى لين ماتوصل اللوفر
وهو واضح وبتشوفه .. المثلث الكبير ..
المهم تقص له تذكره وتدش .. وعموما لو ماتقص تذكره محد يدري عنك ههه
لا .. بس من الامانه انك تقص تذكرة .
وبعد ما تحوس وتستانس .. ترجع لشارع الشانزليزية عشان تتغدا ب البيتزا
واعتقد اقرب محطة لها فرانكلين او جورج الخامس .
وبعدها .. ترجع للفندق تريّح بعد ما تمشيت في الحديقة اللي جنب اللوفر
وبعد ماتمشيت في المتحف واستانست و " تعبت " .. أما تريّح للفندق تروح
أو تروح لضاحية اللاديفنس تكتشفها وتشوف اسواقها عالسريع وترد للفندق
وهذا ثاني يوم
والله الموفق ،،

أهم نصيحة لك :: أهم نصيحة ::
هي امشوا في دولتكم قبل السفر ب شهر
امشوا وتعلموا على المشي بالممشى كل يوم وقت مُعيّن
عشان لا رحتوا يكون فيه لياقه .. خصوصا الوالده الكريمة

هلا حبيب قلبي نورتنا
بقولك ليش قلت كذا
بعد معلومه وصلتني من اخينا محظوظ ان فيه قطار اقل وقت يطلع من لاديفانس الي فرساي بدل الروحات الاول اللي تصل الي 40 دقيقه وتغير قطار والرير c
اقترحت يمر لاديفانس ساعتين وبعدها الي فرساي بعد العوده للحي اللاتيني للعشاء
عاد مرات ما اشيك وبكل امانه من يكون مع الشخص كبير او صغير فأغفل عن هالنقطه وما فيه حد معصوم من الخطأ

اليوم. جربت الباص السياحي الاحمر
كان حلو ومر ينا على الاماكن السياحيه
خذنا تذكره حقت يومين. والحلو فيها. انو يوقف وننزل نتمشى واذا خلصنا رحنا عند مكان الباص. ويصير جاي باص. ثاني ونركب وهكذا
احس اغلب الاماكن السياحيه مريناها