تركيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
miss_manool
01-09-2022 - 01:18 pm
ياليت تشوفوا لي احلى سفرة حق 10 ايام – لي و زوجي و ابني سنتين
(سفره حلوة عائلية مو مكلفة) حدي تقريبا 20.000 ريال
لشهر أكتوبر أو ديسمبر الجاي
وين تنصحوني من هاذي الدول
ماليزيا - بيروت - مصر – سوريا - تونس - تركيا - دبي
واذا فيه شي احلى منهم قولوا لي ...
أبي انبسط تكفوون
اذا تبون الصراحه انا خايفة من سالفه سيرلانكا كثير مدحوها لكن اخاف انشب بحكيهم ..


التعليقات (7)
Ms.BURBERRY
Ms.BURBERRY
هلا اختي miss_manool أرشح لج ماليزيا ..ديره حلوة ووايد عائلية وراح تنبسطون ان شاء الله خصوصا ولدج لأن فيها واايد اماكن ترفيهيه حق الأطفال

Q8TAUB
Q8TAUB
ماليزيا - بيروت - مصر – سوريا - تونس - تركيا - دبي
انا سافرت لهم ما عدا تونس
ماليزيا بدون نقاش
اسيا الحقيقيه

miss_manool
miss_manool
يعطيكم العافية ..Ms.BURBERRY - ali-saeed - Q8TAUB
طيب ممكن سوال اسعارهم كيف؟؟ بالنسبه للسكن و المواصلات غاليه او مقبوله

سيرفس15
سيرفس15
هلا ومرحبا ...
أنا عندي لك مخطط جهنمي وعلى كيف كيفك ... وللأسف مدريت ولا إكتسفتة إلا إليوم ...
تروحون ماليزيا وأندنويسيا وخصوصاً جزيرة ( بالي ) ,,
والخطة من وجهة نظري الرياض - سلانجور - بالي(اندنويسيا)- كوالالمبور - الرياض ..
على فكرة ترى سعر تذكرة الطيران من كوالالمبور إلى بالي ب 520 ريال للشخصين .. تحسفت إني ما كنت أعرف هالشيء ..
وإذا أنت موب سعودية يعني من دول الخليج أقترح بدال بالي جزيرة فوكت في تايلند ,,, وبالتوفيق ...

الحياه فرنكدوس
الحياه فرنكدوس
ماليزيا دولة ممتازه بس في هالشهر الي بتروح فية بتحسها دولة خليجية
لان اغلب السياح
الخليجيين متواجدين هناك
بس بعطيك مخطط حلو
ماليزيا سيريلانكا
والمبلغ الى عند كافي ويمكن يزيد
ادا انت تقول عشرة ايام
تحياتي : الحياه فرنكدوس

Rio De Janeiro
Rio De Janeiro
ارشح بالنسبه الاولى ماليزيا وممكن تشوفين المواضيع التاليه اذا ناسبت وكفت الميزانيه روحو وانتم مغمضين عيونكم
https://artravelers.com/p/re/367252
واذا ماكفت 10 او 14 في بوكيت - تايلند

alma3ani
alma3ani
انا معاهم اقولك ماليزيا لانها الانسب لميزانيتك
وبنسبة للاماكن الافضل اكيد في اماكن افضل بس بحكم ميزانيتك اشوف ماليزيا بتروح وبتستانس اهناك وبتصرف على كيفك


خصم يصل إلى 25%