نسيت اسال هل تنصحوني بالسويس هاف فير والا لا طبعاً بنستاجر سيارة من باريس وقت الخروج منها الى وقت مغادرتنا الى ارض الوطن باذن الله
الشي الثاني اي بطاقة استخدم بالنسبة للتنقلات في باريس وهل فيه بطاقات اخرى تقدم خصومات ممكن استفيد منها
وبالنسبة لتذاكر ديزني لاند وبرج ايفل هل اشتريهم من هناك والا كيف

وينكم يااهل الخبرة محتاجة لمساعدتكم لاهنتو
حبيت اضيف شغلة ودي ازور قمة التتلس

السلام عليكم ورحمة الله وبركاته ::
حياكم الله ..والمعذرة للتأخر بالرد .
بالنسبة لتخطيط فرنسا ..ان شاء الله الخبراء في القسم الفرنسي يفيدوكم اكثر .
اما بالنسبة للباقي امره بسيط باذن الله .
المحطة الثانية ديفون
الاربعاء يوم الوصول /جنيف
الخميس /انسي
الجمعة / شامونية +ماجيف
السبت /مصنع الشوكولا والجبن و مونترو
الاحد يوم المغادرة /سوق الاحد ديفون
ابغى منكم ابرز الاماكن في اللي كتبتها وهل ترتيبي صح ؟ وهل نسيت شي يستاهل اني ازوره وماكتبته
المخطط السويسري راح يكون كالتالي :
ديفون
اليوم الاول الاربعاء ..يوم الوصول من باريس تقريبا خمسة ساعات الى ستة المسافة .
وقضاء اليوم على بحيرة جنيف وزيارة الحديقة وجزيرة القوارب وخلافه .
اليوم الثاني الخميس:
زيارة شامونيه الفرنسية + ميجيف + ايفيان .
اليوم الثالث الجمعة :
زيارة مصنع الشوكولاتة والجبن + قشتاد + بقية اليوم في مونترو .
اليوم الرابع السبت :
زيارة السيكريت جاردن + زيارة انسي الفرنسية
http://www.jardins-secrets.com/
زيارة شامونيه او المصنع يفضل في غير الويكند عشان لا تصادفكم الزحمة .
وللمعلومية فقط ..المولات والمحلات التجارية تكون مقفلة يوم الاحد .
=======================
الفندق في Lauterbrunnen قريب من قمة الينفروايوخ
يوم الوصول الاحد /جولة فالمدينة +heimwehfluh
الاثنين /قمة الينفروايوخ +قرية قستاد
الثلاثاء /اوشن سيه+هاردركولوم
الاربعاء /شلالات تروميل باخ
الخميس /مغادرة
ماادري ترتيبي صح كذا والا لا؟
وغير كذا ودي بزيارة ارشلخوت +ريخن باخ+بحيرة برينز + شلالات الراين وبحيرة ثون+جس باخ +كهف وشلالات st beatus _hohlen cave +قرية قريندالود
انترلكن ..او لوتربرونن ..:
اليوم الاول الاحد:
زيارة سوق الاحد ..في ديفون ثم الخروج والتوجه مباشرة الى مطل الهاردركلم ..ثم التمشي في السنتر وعلى احدى ضفاف البحيرتين .
اليوم الثاني الاثنين:
زيارة شلال التروميل باخ + قمة اوروبا الينفيرواخ .
اليوم الثالث الثلاثاء:
زيارة كهوف ساينت بيتس الملحية+ بحيرة الاوشن سي والزحليقة + البلاوسيه .
اليوم الرابع الاربعاء :
زيارة شلال الجس باخ + خوانق نهر الار وشلال الريخن باخ + زيارة قرية جريندلوالد .
قمة اوروبا تغني عن التتلس ..وممكن تزورونها وانتم طالعين من انترلكن ومتجهين الى شلالات الراين .
=================
المحطة الرابعة روست
يوم الوصول الخميس /يورب بارك
الجمعة /الغابات السوداء وستراسبورغ
السبت /مغادرة
نفس الشي ترتيبي كذا صح والا ؟
اليوم الاول في رست :
الخرو من انترلكن ..ثم المرور على شلال الراين ثم الوصول الى رست مرورا بالغابات السوداء ..وممكن زيارة زحليقة تودناو .(الزحليقة ممكن تلغوها اذا كانت تتلس بالخطة قبل الشلال طبعا)
الغابات السوداء تقطعوها قطع من مدينة الشافهاوزن اللي فيها شلال الراين الى زحليقة تودناو ثم اليوروب بارك .
اليوم الثاني : كامل للالعاب .
وممكن بعد الساعة السادسة مساءا وقت اقفال الالعاب ...تكملة اليوم في كولمار الفرنسية القريبة .
اليوم الثالث :
زيارة ستراسبورغ الفرنسية + بادن بادن .
وممكن حجز غرفة برايفت في منتجع كاركللا الصحي ..للاستمتاع بالمياه الجوفية الحارة .
وهذه التقريرين من العمدة للاستزادة .
http://www.aboaziz.net/blog/?p=717
ثم المغادرة ..
الرجاء الاطلاع على هذا الموضوع توجد فيه مواضيع تهمكم مثل مائدة ابو عزيز وملف رجل شرقي في المرفقات ولا تنسو قراءة دليل سويسرا السياحي للعمدة ابو عزيز اولا وقبل كل شيء .
عالم من الاحداثيات ..سويسرا وما جاورها https://artravelers.com
اتمنى اكون افدتكم ..وبالتوفيق

يعطيك الف عافية استاذنا medo
بالنسبة للينفيرواخ سمعت انو مايقدرون الاطفال فيها يلعبون بالثلج هل صحيح؟؟؟ عشان كذا ابغى اروح للتتلس الشغلة الثانية ودي احط التتلس في نفس ايام انترلاكن فتنصحني احطها بدال ايش
لانو روست مالي فيها الا يوم الوصول واليوم اللي بعده بس
يوم المغادرة طيارتي الصباح بدري فمااقدر اروح لشي
والشي الثاني هل تنصحني بالسويس هاف فير واي الاماكن اللي فالبرنامج اقدر استفيد منها غير القمة والهاردركولم والتتلس والا تنصحني بشي ثاني ومن وين اشتريها

1. اذا اقل ..البطاقة تطلع عليكم بخسارة .

الله يعافيكم ..
السويس هاف فير تاخذونه من اي محطة قطار سويسرية .
وهو مناسب اذا كانت الينفيرواخ في المخطط .
لأن يبغالكم عشان تحللون البطاقة 220 فرنك سويسري من مجمل الانشطة .
وقمة اوروبا 170 فرنك للشخص ..والتتلس 95 فرنك .
فلو كان في مخططكم قمتين ..احداها قمة اوروبا ..انصحكم فيها وبقوة .
يعني بالمختصر ..لازم تكون مجمل الانشطة فوق 220 فرنك .
وتنسيق تتلس راح يكون كالتالي :
اليوم الثاني الاثنين:
زيارة كهوف ساينت بيتس الملحية+ بحيرة الاوشن سي والزحليقة + البلاوسيه .
اليوم الثالث الثلاثاء:زيارة قمة تتلس + تقضية بقية اليوم في لوزيرن .
اليوم الرابع الاربعاء :
زيارة شلال الجس باخ + خوانق نهر الار وشلال الريخن باخ + زيارة قرية جريندلوالد .
وزي ما قلت لكم ..احسبو قيمة كل مواصلات للشخص الواحد البالغ ..اذا طلعت فوق 220 فرنك ..راح تستفيدو من البطاقة .

اذا اقل ..البطاقة تطلع عليكم بخسارة .

راح تقولي كيف ؟اعطيك مثال:الصعود لقمة اوروبا مثلا ..يكلف للشخص 170 فرنك ..مع زيارة شلال بالصعود له 10 فرنكات ..مع صعود لقمة اخرى ب 90 فرنك ..مع دخول متحف 5 فرنكات ..الخ .المجموع = 275 فرنك ....بدون بطاقة الهاف فير.
ولو معاك البطاقة ..قيمتها 120 فرنك + نفس الانشطة اللي فوق بس 50 % من قيمتها .يعني :120 + 85 + 5 + 45 + 2.5 = 257.5 فرنك .
فيبقى انتم استفدتم من البطاقة بتوفير (275 - 257 = 18 فرنك )
>> ترى هذا مثال ..والا االانشطة اللي راح تسويها كثيرة ..وعاد عندك الحساب ...اذا كثرت الانشطة بيكثر التوفير.
وبالتووفيق

اخوي ميدو بتعبك شوي تحملني انا ودي ازور القمتين طماعة
فكيف النظام واسفة على كثرة الاسئلة
طبعاً احنا بنستاجر سيارة من باريس وبنسلمها في مولهوس

طيب اذا كان ودكم بالقمتين ..مثل ما قلت لكم ..تروحون للتتلس وانتم خارجين من انترلكن ..وتزورون القمة ..ثم شلال الراين اذا ودكم ..ثم رست ..
عشان لا يكون جدولكم مزحوم مرة ..فهذا من وجهة نظري انسب حل .
وبالتوفيق

يعطيك العافية استاذي الكريم
طيب انت تنصحني باي وحده فيهم احترت انا
وبالنسبة للسويس هاف فير هل اذا اخذنها بتكون النشاطات للاربعة اطفال مجاني ؟؟