وعليكم السلام ورحمة الله وبركاته
والله يجزاك خير على الدعوه الطيبه
بس ياليت اخوي تعطينا تاريخ المغادره والوقت عشان نعرف كم يوم مدة رحلتك
السكن في البونشاك الافضل فندق الفله بتكون موحشه في الليل ولا يوجد فعاليات ليليه في الجبل اما بالي يفيدونك خبرائها لم يسبق لي زياراتها

بالنسبة للفلل عندك كوتا بونقا مليانه فلل فيه 600 وفيه ب مليون انا سكنت في فله ب 700 الف بس ما اعجبتني ولا اعجبني المجمع موحش في الليل وكانت الفيلة اللي بجنبنا في ناس صينيين قالبين امها هيصة في هيصة وطول الليل السيارة اللي فيها العاهرات تدور في الشارع تنزل بنات وتاخذ بنات
طلعنا وسكنا في مجمع بونشاك ريسورت قريب جدا من كوتا بونقا ويوجد بداخله حديقة الفراولة
اول ماتدخل لف يسار بعد مسافة تقريبا 200 بتشوف ملعب كورة ومساحة خضراء على يمينك والفلة اللي استاجرناها على يسارك ب 600 الف ماهي فخمة وفرشها عادي لكن حنا شباب مافرق معنا مانحتاجها الى في الليل للنوم لكن فيها حارس يعني امان باذن الله
طبعا بعيل عن مجمعات الشباب والبقالة السعودية و لكن قريب من حديقة الزهور وحديقة تشيبوداس وجنبها محل تيوس ومقهى ومطعم مقادير
بالنسبة لبالي سكنت في فندق ايدن eden في كوتا نظيف جدا وقريب من بعض الاماكن مثل شاطئ كوتا ومجمع ديسكفري مول ووتر بوم وسيئ الذكر شارع لقيان ههه
الاماكن اللي انصحك تروحلها كثيرة لكن اللي زرتها خلال يوم واحد وعلى الطريق بحيرة باتور فيها بوفيه غداء مفتوح ب 130 الف ههه بلاش ومزرعه القهوة والتجديف داخل النهر
كمان الالعاب المائية على شاطئ نوسادوا وزيارة جزيرة السلاحف
وفي الليل لاتفوتك سفينة بونتي وهذا موقعهم
http://www.balibountycruises.com/html/
دعواتك

مرحبابك اخوي سلطانوالله يجزاك خير
العوده يوم 30 باذن الله

اخوي فهد الف شكر
ماقصرت
والله يوفقك
ولاكن ابي لعائله

مشاءالله مدة الرحله 18 يوم افضل من ممتازه
طيب اسمع شوري ودخل باوندونق في الرحله المده طويله وكثير على الجبل وبالي وجاكرتا حدها بالكثير يومين
انا بعطيك جدول مبدئي للمدن انت فكر فيها
مباشره من المطار للجبل وتجلس فيها 7 ايام
وتنزل على باندونق وتجلس فيها 3 ايام
ومن باندونق طيران لبالي وتجلس فيها 6 ايام
واخر يومين في جاكرتا
يعني تخلي حجزك طيران باندونق بالي جاكرتا
اما بالنسبه للسكن في الجبل انت مصر على فله الافضل مثل ماذكرنا لك فندق وتخلي الفله في بالي تاخذ لك فله في منتجع بمسبح خاص وتستانس
بس على حسب ميزانيتك
بالنسبه للمجمعات في الجبل والعلم عند الله مافي شي اسمه عوائل وعزاب بس غالباً العوائل ياخذون فلل مستقله بس الغالب ايضاً انها غاليه
هذا الي عندي الان واي استفسارات اخرى حاضرين

وعليكم السلام ورحمة الله وبركاته بالنسبة للجبل انصحك دام انت وزوجتك تسكن في فندق واذا تبي فله يبيلك تدور
ومثل ما قلت اذا ما عجبتك ولا كانت نظيفه وين البديل
الاغلب ماينتظر الا لما تدفع له مجمع كوتا مليئ بالفلل لاكن اذا تبي شي نظيف ما لك الا على النظر
او تشوف خارج مجمع كوتا راح تحصل فلل كثيره وجميله وبمسبح
مجمع كوتا لا يوجد في الفلل الي بداخله مسابح جميع الفلل
يعني اذا تبي فله في بونشاك بمسبح تشوف خارج مجمع كوتا
وراح تحصل وافضل
وبالنسبة لبالي
كوتا ما انصح
الافضل منطقة سمينياك مناسبة جدا للعوائل
وفيها الفلل بكثره ومساحات متنوعه وفيه بمسبح وفيه بدون مسبح
فانت نسق كل شي بدري وعندك البوكينق تحصل فلل وباسسعار متفاوته بحكم ان بعضها جديد ومساحتها كبيره
واماكن الزيارات في بالي كثيره وشواطئها جميله
وتابع تقاريرالاعضاء وان شاءالله تلقى بعض الاجابات لاستفساراتك
وبالتوفيق لكم
واي استفسار نحن في الخدمه
دمت بود محبكم / البرنس المسافر