نعم تستطيعون تجمعون معاها الحديقه الانجليزيه بس بالاول هاذا تفاصيل الحديقه الاولمبيه ... الحديقة الالومبيه وفيها البرج وفيها معرضbmw وبالقرب منه مجمع الالومبيك
لدخول للحديقة مجانا وفيها مجمع مكيف اسمه Olympia Zentrum ...
السؤال ثاني ... بالبوابه بدليل المانيا موجوده
السؤال الثاني بالنسبه لغارمش هيه الاروع يوم كامل افضل شي معلومات عنها جارميش Garmisch -perchtesgaden وبها بحيرة وتلفريك لقمة جبل Zugzpits
تبعد من ميونخ 90.7 كم بالسيارة تستغرق ساعة وخمس دقائق

الاخت مضاوي-q8
راح اجاوبك على الشي الذي اعرفه عنه :
ثانيا:أريد إحداثيات كل من أولمبك بارك وليقو لاند؟؟
احداثيات الحديقة الاولومبية ( Olympiapark Munich ) في ميونخ بالمانيا
"29.68 '10 °48 N
"30 '33 °11 E
واحداثيات مدينة الالعاب ليقولاند ( Legoland ) القريبة من ميونخ
"28.76 '25 °48 N
"53.86 '17 °10 E
رابعا:انا سمعت في أطول زحلاقيه بميونخ شسمها وين صايره بالضبط وإذا عندكم إحداثياتها؟؟
توجد زحلاقية ( blombergbahn Bad Tolz ) جنوب ميونخ والقريبة من قرية ( Bad Tölz ) وهذه احداثياتها
"52.04 '44 °47 N
"57.04 '30 °11 E
وانشالله يجاوبونج باقي الاخوة عن الاسئلة الباقية

ali_q8_77
ماشاءالله الأخو علي عضو نشط هالصيف
جزاك الله خير
وبالنسبه لليورب بارك هل في قطار من ميونخ يروح دايركت لمنطقة رست؟؟والرحله تستغرق جم ساعه؟؟

هلا فيج اختي حاضرين وبالخدمه .... المحطة اللي فيها يوروبا بارك اسمها Rust وهي قرية صغيرة فيها الملاهي ومن المحطة تاخذ باص مدة خمس دقايق وانت عند باب الألعاب
من ميونخ أظن فيه تبديل مرة واحدة بالقطار لكن جربي موقع القطار الألماني هذا
http://www.bahn.de/international/view/en/index.shtml

بالقطار ممكن اكثر من 4 ساعات ميونخ >> يوروب بارك ( 3 ساعات بالسيارة ) ... وبالتوفيق

ali_q8_77
مشكور وماقصرت
يعني بسياره أحسن ولادوخة القطارات
ماتدري متى تفتح ومتى تسكر اليورب بارك؟؟
وبغيت أسأل ماتدري فيينا تبعد عن ميونخ جم ساعه؟؟

ميونخ الى فيينا ( 442 كم - 4 ساعات و 10 دقائق )

اختي هاذا موقع اليورب بارك في كل شي بالتفصيل http://www.europapark.de/lang-en/c51/default.html
وبالتوفيق رحله سعيده

مادري يورب بارك نروح لها من زلمسي والا ميونيخ اقرب لها؟؟