- السلام عليكم ورحمة الله وبركاته اخواني المشرفين والمراقبين والاعضاء .
السلام عليكم ورحمة الله وبركاته اخواني المشرفين والمراقبين والاعضاء .
انا سافرت هذا الصيف الي اندونيسيا وكانت جميع معلوماتي عن هذا البلد ضعيفة جدا ولكن بفضل هذا المنتدي وبفضل جميع الموجودين بهذا المنتدي سهلوا مهمتي بكل المعلومات من الالف الي الياء ولهذا سوف اكتب تقرير عن رحلتي وان شاء الله يفيد الجميع باذن الله مثل مافادونا قبل الاخوان .
رحلتي من تاريخ 21 / 7 / 2010 ولغاية 31 / 7 / 2010 ( 11 ) يوم نزلت اول يوم جاكرتا فندق ميركور بمنطقة انشول فندق 4 نجوم نظيف هادي جميل انترنت مجاني به كل الخدمات ولكن يعيب هذا الفندق بعده عن الناس وعن الاسواق ولكن التكاسي متوفرة عند بوابة الفندق .
- 4 ايام الجبل بفندق سيروني 3 دخل وحاولت ان احجز واخبرني الموظف بانه الفندق فل ولايوجد غرفة واحدة فاضية وبعد عدة محاولات اخبرني بانه يوجد ليلة وبكرة شيك اوت قلت مايسير وين اروح باجر ارد جاكرتا المهم نزلت البوك وعطيته هدية حلوة ماصدق لانه مبلغ حلو وقال لي جم تبي قلت له 3 ليال - 4 ايام وتصدقون جان يطلع الدفتر ويشطب اسم مادري منو بالمزيل الابيض ويحط اسمي بداله قلت لاحول شو تسوي وسالته قلت له هذي غرفة شخص قال لا هذا غرف محجوزة باسم الفندق للضرورة هذا علي حسب فهمي معاه وقلت في قلبي الفلوس تسوي كل شي والفندق جميل لكن مايعيبه انتشار القطاوة والنت يكون بالمطعم واللوبي ولايوجد تكييف والصوت بين الغرف مسموع ولكن نظيف والله من ناحية الغرف .
- 4 ايام باندونق فندق ايكولا : فندق جميل وهادي النت مجاني وبصراحة انا استمعت بباندونق اكثر من الجبل وبصراحة الجبل زحمة غير طبيعية والواحد يقرف من هذي الحالة كل يوم كل يوم زحمة .
- 3 ايام جاكرتا فندق لي قراندر هوتيل : الفندق بصراحة حلو وجميل والنت بفلوس 24 ساعة ب 130 الف وموقعه وسط مولين تجاريين الكترونيات ولكن فيه شي خلاني اكره سفرتي لاندونيسيا وانا نازل مسوي شيك اوت وياي الاهل جان ينزلون لنا فوطتين من الدرج مغسولة ومكوية وقالوا لنا الوساخة ما تنزل عن الفوطتين ولازم تدفعون 180 الف روبية قيمتها وجان احتشر وياهم الين ماجاء راعي الامن و وعقب قلت للحرمة سيري الغرفة والصابون فوق وغسليهم وصارت وردت بقي تقريبا 20 % من الوساخة فيهم يعني لو عطوني اياهم قبل ساعة جان نقعتهم بكلوركس ونزلت الوساخة منهم بس الظاهر الجماعة عندهم مايغسلون بصابون كله غسيلهم بالماي فقط المهم وبعد مشاكل انا وياهم وخوفي الطائرة تروح علينا دفعت لهم 150 الف روبية وقلت لهم عطوني الفوطتين وعطاني اياهم المدير وهو مقهور وجان ادفع قيمتهم وعقب عطيتهم السواق قلت له خلهم حق غسيل سيارتك وبصراحة انا قريت مرة مادري بهذا الموقع او غيره واحد من الاخوان كاتب عن فندق استون مارينا ونفس السالفة فوطة قالوا له ادفع فلوس عنها .
المهم اخواني اسمحوا لي علي الاطالة واي خدمة انا حاضر من عيوني / اخوكم ابو مهرة من الامارات
مع السلامة
