- قابلنا واحد تونسي لزق فينا شوي قعد يتكلم وانا مطنشه وراح
السلام عليكم,,
سفرتي لتركيا كانت لغرض السياحه,, من 12 فبراير الى 23 فبراير,,
لشخصين
الفندق: ماربل هوتل (دقيقتين من فندق مرمره ومن تقسيم)
الفندق 4 نجوم,, نظيف وزين وميزانيته ممتازه,فيه مسبح وخدمه غرف ممتازه مع الفطور نظيف,
الفندق مطل على البسفور وقدامه سوبرماركت ومحل صرافه
السعر (10 ليالي = 3300 ريال قطري) ساعدونا في التشك اوت المتأخر,,
تكسي VIP من مطار صبيحه الى الفندق (90 ليره) الطريق حوالي ساعتين بالزحمه
الرحلات: مع شركه الحران للسياحه و شركه Sun و الباص hop on hop off
مع الحران:الجانب الايسوي, تل العرايس,قلعه البنت, مسجد ابو ايوب الانصاري تلفريك ومنظر على جزر الارانب من فوق (يوم كامل)
بورصه (يوم كامل) "من اروع الايام" الحمدلله
يلوا (يوم كامل)
رحله البسفور والسوق المصري (يوم كامل)
جزر الاميرات (يوم كامل)
تقيمي لهم (9 من 10) اسعارهم متضمنه الاكل والمواصلات واسعارهم فيها خصم
الي كانوا ويانا بالجروب خليجين وعرب راقين وكلهم زوج و زوجته والمرشد يتكلم عربي و حنا الي كنا متحكمين بالرحله (مثلا كان بيودينا مصنع الجلود ما كنا مهتمين واخترنا نروح مكان غيره)
الرحله الثانيه ان شاءالله بروح وياهم
مع شركه sun (اتوقع كذا اسمها) باصاتهم وبروشراتهم في كل مكان
رحله المتاحف والمساجد
المرشد يتكلم انجليزي ممتاز وعرفنا كل شيء وفاهم الي يقوله
مميزاتهم :تقدر تختار رحله الصباح ورحله الظهر على كيفك وتنوع حسب رغبتك
اسعارهم غاليه شوي خاصه ان الي معاك من كل الجنسيات وشباب وشوي ازعاج
الباص المفتوح hop in hop off
رحله حول اسطنبول تقريبا ساعتين تقدر تنزل اي مكان وتنطر الباص الي بعده, شرح لكل الاماكن الي تمر جنبها,, سعرهم غالي اخذوا على الواحد 50 ليره (تستعمل التذكره ليوم كامل)
قضينا يومين تبضع في شارع الاستقلال وتقسيم اسعار الملابس ممتازه خاصه الاوتلت, ماركات
السلبيات: الجو كان بارد, يوم تساقط الثلج وصل سالب 11 ,,
شارع الاستقلال مزعج من البائعين المتجولين خاصه الي يبيعون العطور يلزقون فيك بس لما تطنش لهم يملون كأنك ما تسمعهم
قابلنا واحد تونسي لزق فينا شوي قعد يتكلم وانا مطنشه وراح
التكسي استخدمناه مره وحده من تقسيم لمول "اوليفرم" اول ما تركب لازم السواق يحس انك مب اول مره تركب تكسي والا بيستغلك ويضاعف العداد, و لو قال لك الثمن الفلاني اول ما تركب قول له شغل العداد,, لو ما فهم اشر على العداد وطنشه,,
تكسي ال VIP سياره وسيعه نفس تكاسي لندن الكراسي ورى مقابله بعض, والسائق ينزلك المكان الي تبيه, والسعر ثابت تدفعه للشركه مب للسائق
الاكل كان من ضمن رحلات الحران وما كان يدفعونا شيْ بخصوص الاكل, احيانا كانت في اشياء تعتبر زيادات على الاكل نفس عصائر زياده او شاي, بس ما كانوا يدفعوننا ويقولون ضيافه من الشركه,,
عيب شركه الحران: السعر بالدولار وحنا كان عندنا تركي فعلى كل رحله نصرف دولار (لو عطيناهم تركي بياخذون اغلى فرق العمله)
الزين في الشركه انهم ياخذونك من الفندق ويرجعونك للفندق
الي يروح الشركه يحاول يخلي "عبدالله" يكون المرشد مب "جمعه" ههه مع ان جمعه كان يضحكنا بس عبدالله حسيناه فاهمنا اكثر وكلامه بسيط معانا
ان شاءالله المره القادمه لتركيا:بنروح بالصيف
ناخذ فندق مرمره
شركه الحران للرحلات الي ما رحناها (بحيره ابانت) + (بورصه مره ثانيه ههه )
نروح للجانب المطل على البحر الاسود
يمكن نقدر يومين او 3 ايام في انقره و قبرص التركيه
ناخذ شنطه زياده فاضيه ههه للشوبنج
انصح باسطنبول وبشده,,
بحاول انزل صور ان شاءالله قريبا,,
اعجبني الاسلوب
في انتظار الصور
تحياتي