حياج الله اختي الكريمه ..
اولا نشكرج على ثقتج الغاليه بالمنتدى....
ثانيا .. هل حجزتو التذاكر خلاص ؟؟ كم الميزانيه ؟؟ وما هي وسيلة المواصلات ..
ولا تحاتين شيئ .. ابشري

العفو أخي الكريم ali_q_77
بخصوص الحجز لا بعدنا نشوف متى اجازة زوجي ان شاء الله وعقبها راح نحجز .. بس يمكن على شهر 6 ( الوقت مناسب ؟؟)
وتقريبا الميزانيه حدود 30000 درهم شامله كل شي ولمدة 15 يوم ( قللت المده) من طيران الامارات الى ميونخ ومن ميونخ ناخذ سياره والى زالامسي وراح نمر على سالزبورق وكابرن بس بدون السكن فيها راح نسكن في بادقستين ومنها نتمشى على المناطق من حولها..
يعني راح نوصل أول شي ميونخ وناخذ عقبها سياره بنفس اليوم نروح على زلامسي وآخر يومين انقضيها في ميونخ حق التسوق ومنها انريح ونرجع على دبي ..
ولا انزيد المده وانخليها 20 يوم ( بس هل الميزانيه ان شاء الله راح تكفينا حق 20 يوم ولا نحناج أكثر ) بس ما ودي أكسر الميزانيه
وبخصوص فرنسا تناقشت مع زوجي وقالي خليها حق السفره اليايه وخلينا نتمتع بزلامسي وضواحيها

حياج الله اختي شهر 6 ممتاز ..
لكن ملاحظه المبلغ غير كافي لمدة 15 يوم ابدا خصوصا انكم 4 اشخاص ,, وشامله كل شيئ
لكن شوفي هذا المخطط
الوصول الى مطار ميونخ ومنها الى زيلامسي مباشره والجلوس فيها 8 ايام بشقق بوسط زيلامسي مناسبه لكم .. ومنها اتزورون كابرون 20 دقيقه
سالزبورخ ساعه ونصف
باد كستن او باد هوفقستن ساعه وربع تقريبا
وممكن زيارة قرى اخره قريبه .. وفعاليات سياحيه اخرى
ومن ثم العوده الى ميونخ يومين للتسوق
اذا مناسب الجدول اكتب لكم الفنادق

هلا أخي الكريم ومشكور ^.^
بخصوص الميزانيه يعني كم راح نحتاج تقريبا ؟؟
وبخصوص الجدول حلو وأبغي فيها برامج حلوه عشان اليهال يستانسون ومن ضمنهم الحدائق وسمعت عن حديقة الليقو مالت التركيب وغيرها من الفعاليات ...
وبخصوص السكن قالولي عن وحده طيبه في منطقة بادقستين راح يمكن نقعد عندها ونتمشى في ربوع زيلامسي
شو رايك ؟؟
أتريا الجدول أخي الكريم وبكون شاكره لك تعاونك والله يعطيك العافيه

أنتظر الرد على موضوعي ^.^

بخصوص موضوع المخطط الي عرضته ..
حابه أعرف عادي اني ما أسكن فسالزبورق وكابرن يعني بس أسكن بزالامسي وأمر على هالمناطق بدون السكن فيهم ولا يفضل السكن فيهم ؟؟؟

وينكم.. حابه أعرف التفاصيل ؟؟

اختي العزيزه هل تأخرنا عليج ؟؟؟ .. تأكدي اني برد على موضوعج بأسرع وقت ممكن
هموما انصحكم بما ذكرت ان تسكنون اما بزيلامسي او باكبرون واتزورون ما حولهم
اذا ابين اتروحون ملاهي ليكو لاند نقلل يوم بزيلامسي وانزيده بميونخ حتى يكون هناك وقت

مشكورali_q8_77
خلاص أنا راح أعتمد الوجه كالتالي :
من دبي --- ميونخ
ميونخ --- زالامسي ( والسكن فيها ونتمشى فالمناطق الي جنبها )
زالامسي --- ميونخ
ميونخ --- دبي
حابه أقضي 20 يوم كيف راح يكون الترتيب والتوزيع مع الفنادق والحدائق وكل ماهو ممتع ^.^
وبخصوص السكن حابه أسكن بفندق مستواه اذا مب عالي بس يكون جيد جيدا وقريب من الأسواق والمطاعم
أنتظر الجدول والتوزيع يا أخي الكريم واسمحلي ..