1. اما بعد:


2. ساروى لكم قصتي مع السفرة الاولى وكيف كانت:

السلام عليكم جميعا ورحمة الله وبركاته

اما بعد:

فأود ان اكون من الناس الذين يكتبون في بوابة اندونيسيا والموجهين باذن الله لنرقى بثقافتنا حول ماهو افضل .
انا من الناس الذين احبو اندونيسيا من تاريخ 14271428 كا بداية رحلتي وانا من الناس الذين ان جذبو لهذا المنتدى الشامخ فنود ان نرد قليلا من الجميل وبما انني عنصر قليل الخبرة حول هذه البلده والخيارات اكبر من الشباب الذين لهم باع طويل في هذه البلد فقدرتي على ايجاد مواضيع جديده و مناطق جديده تكون صعبة لاني تلميذ هنا فيصعب علي اكون في درايةلكامل المواضيع وشمولية الطرح .
خلصنا من المجاملاتنبدا بالجد والجد الله علي

ساروى لكم قصتي مع السفرة الاولى وكيف كانت:

في البداية عزمنا انا والشباب على ان نذهب رحلة العمر وتكون ذكريات العزوبية لبعض الشباب والبعض بالتمني لهذه السفرة على ان تكون البلد اللي نبي نروحلها قليلة المصاريف
وكثيرة المعالم والجو الممتع فبدانا بالتفكير حول الدولة اللي نبي نروحلها وكل واحد من الشباب عطانا ديرة واحد من الشباب عطانا ديرة مادري من وين جايبها اسمها ترانزيت ابو الشباب لاعب عليه واحد من الشباب قاله رح ترانزيت يقوله في طبيعه المشكله خوينا ماعمره ركب طيارة والمسكين ابلشنا بالديرة يقولي دورها بالمنتديات المهم انا طبعا:112:بعدين تعوذت من ابليس وقلت ادورها لك انشا الله.
قلت للشباب كل واحد منا يشوفله منتدى ويقعد يدور فيه المهم جيت من بكرا واللي بسافرون 5 اشخاص تصدقون ياشباب 3 وانا منهم معنا المستندات الله يجيرك كانه صكوك المحكمة لاراضي ورثة بايعينها والاوراق كلها ختوم حتى بوجهي ختم ماعلينا نرجع للمهم الشباب 3 حنا بدون انفاق جذبتنا اندونيسيا والاوراق تخطيط سير الرحلة لكل واحد منا علشان ما تقولون يشلخ علينا اختلفنا بالايام وسير الرحلة فقط.
وبعد العرض والتداول مع الشباب واختيار الاغلبية للبلد لم يكن للباقين غير الخضوع للقرار والبحث حول مقومات الرحلة مع اننا ديمقراطين لكن لو نبي نطيع كل واحد كان كل واحد منا سافر لحاله.
كان رحلتي مخطط لها قبل ثلاث شهور من مباراة السعودية والعراق لاني ما احفظ تواريخ فربطتها بالمباراة المهم رحنا الى بلد الجمال وكلي فرحة لمشاهده اندونيسيا وما كتب عنها واللي كان بذاك الوقت يبغى يسافر كانت التذكرة على ما سمعت بالسوق السوداء وصلت الى اربع الاف ريال
لاكن حنا ماخذينها قبل شهر الحجز ومرتبينها من زمان لان الشباب كلهم موظفين والترتيب لازم يكون بدري.نرجع للموضوع مشكلتي ابعد شوي واعطي تفاصيل كثيرة تضيع الواحد بعد ما وصلنا وكل شي تمام وخلصنا من التفيز والتفتيش كاي واحد على طول مكتب كاها وسكنا باكاسيا مافي الاهو كانت جاكرتا فل ذيك الايام وصلنا تعبانين تعرف اطول خط مسكته بحياتي الرياض مكه
6ساعات وانت تمشي 120 معك الوالدة ما عمري مسيتها 9 ساعات بحياتي يعني وصلت فاتح افمي ابي الفراش والتوقيت حوسة وانت حوسة وماتدري وش السالفة ساعة تشوفها سبع وتشوف الشمس في كبد السماء اعذروني يا شباب مفهي من طول المسافة نمنا الى الساعة 2 باليل بتوقيت جاكرتا اللحين انا فاهم وقمت وانا جوعان ومبسوط وشنطة الاكل موجوده وفك من الكيك والتمر وفلة الحجاج الفطور الساعة 7 طلعنا برا نبي تاكسي نبي نتمشى بالبلد كلمت الرسبشن في شي فاتح اللحين قال مافي الا .... قلت اسغفر الله
واقعد بالغرفة وتكيه انا والشباب حتى الصباح يوم جا الصبح والله ياشباب تشوف اشراق الشمس وبدت العالم تطلع يوم بدت الشوارع تمتلى من الناس ماتدري من وين طالعي حنا متعودين على زحمة سيارات لاكن زحمة دبابات اول مرة اشوف بحياتي وتمشي العالم اقل من دقيقة وهي طافية الاشارة وتصدقون مافيها احد مو مثل اللي عندنا انواع الزحمة لو يتواضع الواحد شوي كان ما صارت الزحمة ذي كله كلن مستعجل كلن عابس الخشة ركبنا مع السواق الصباح ونتمشى ماخذينها بدون هدف كاستيعاب للمكان فقط اول يوم العجيب ان اهل الديرة تسلم عليهم يقابل بابتسامة الصغير والكبير ولا فيهم ادناة مصلحة منك من وجه نظري تمشينا بجاكرتا وقعدنا فيها 3 ايام وحنا مبسوطين وحضرنا النهائي تصدقون ياشباب معطينا السفارة اعلام صغيرة اخوك اللي بالمهاد يستحي يمسكها من صغرها ركبنا بالتوبيسات ورحناللملعب