طيف الاحزان
16-08-2022 - 07:00 am
مسا الخير
لاحلى اعضاء بالمنتدى
طبعا انا كنت قايله لكم اننا بنروح روحه شبابيه لدبي
لكن تفركشت:112:
وصارت روحه عائليه كاملله
اول شي انا حجزت 4 ليال بتاج بلس هو حلو مره والا نص ونص
و4 ليال ببرج الحبتور انا دايم اسمع عنه لكن مالقيت عنه معلومات هنا
شرايكم بالفنادق حلوين والا مو تمام...؟
وطبعا ليلتين بمدينه الجميرا
وهذا الفرق بين الروحه العائليه والروحه الشبابيه
طيف الاحزان
مرحبا طيف
الحبتور ممتاز مادخلته سكنت قباله في جروفنر هاوس بس حسب ماوصلني عنه ممتاز جداً وفخم وله اطلاله على البحر وهو بجانب مرسى دبي يعني اذا غرفتكم مطلة على البحر راح تتفرجون على اليخوت وهي طالعه وراجعه بجانب الحبتور مباشرة فندق رويال مريديان وفيه رحلات بحرية .المنطقة هذي عيبها بعدها عن وسط دبي يعني مافيه سوبرماركت قريب منكم ولا مولات الا مول ابن بطوطة قريب جداً مول الامارات الاقرب لك بعد ابن بطوطة وهو روعه في كل شي بس الله يعين رجلينك على المشي من كبره ، كذلك هناك مول ميركاتو في شارع جميرا تصميمه ايطالي وممتاز وسوق ماركات يعني نار شوي
بعده عندكم وافي سنتر هادي جداً ولافيه زحمه وديره ستي سنتر عيبه الزحمه وهذي في وسط دبي .
اما يومين يكفونك في السوق مستحيل لأن مولات الامارات اسواق وتمشيه والعاب يعني كل شي فيها مني راح تلقين نفسك يومياً في مول ، اغلب المولات فيها سينما يعني مشي نفسك فيها .
عندكم مدينة مدهش اذا معكم اطفال والوايد وادي في جميرا مو بعيده عنكم .
تشاينا تاون مدري وش تقصدين فيها اذا هو السوق الصيني الي اسمه سوق التنين هذا على طريق حتا العين بعيد شوي التاكسي مدري كم ياخذ لاني مستأجر سيارة بس اتوقع من الحبتور مايقل عن 60درهم.
اذا هذا الي تقصدينه فهو سوق كبير للصناعات الصينية كل شي فيه وما اتوقع تشترين منه شي:112:
وبما انك حاجزه في جميرا اكيد راح تشوفين المطاعم والرحلات البحرية فيها داخل المدينة .