طع-شوري
23-09-2022 - 10:29 pm
بسم الله الرحمن الرحين
السلام عليكم ورحمة الله
انا والله توني الاسبوع هذا مسوي حجوزات الطيران ومتوكل على الله يارجال محد بيموت قبل يومه والي حاجز من زمان حرام يكنسل حجزه الامور كما يقولون الاخوان انشالله طيبه
لكن والله ماقد حجزت لافنادق ولا طيران داخلي روحتي انشالله من جده وهي الزياره الاولى لتركيا انا وزوجتي الغاليه في 20يونيو والعوده 3يوليو بأذن الله عطوني شوركم في توزيع الايام والفنادق في اسطنبول والشمال التركي مع ملاحظة اني اتمنى يكون السعر معقول مايتعدا 400ريال ياليت والسكن يكون وسط حركة ناس وحياه لأني اكره الهدوئ الزايد بصراحه
وودي اسأل هل طربزون سأجد فيها سكن بدون حجز بوكينق حيث ان السكن يهمني فيه النظافه اما الفخامه فما تهمني كثير المهم اني اخاف امل من الجلوس في منطقه كثير (اصلا اسرتي بيني وبينكم مشهورين بالعجله يعني نسمع بالركاده وماندري وشهي)
ولكل من ساعدني دعوه بظهر الغيب ان الله يوفقه دنيا واخره ويحرم وجهه على النار ومن يشوف كلامي بعد اللهم امين
من واقع قراءة و انا رحلتي يوم 23 يوليو
الأفضل في نظري توصل اسطنبول تريح يوم و تطلع بعدها طربزون 3 ايام و بعدين اوزنقول يومين و ما حولها
بعدين ترجع اسطنبول تجلس فيها باقي المده و منها تطلع الى بورصه يوم او يومين و ترجع تكمل بأسطنبول
تنبيهات حصلت عليها من خلال القراءة
1- السكن ابتعد عن منطقة تقسيم بسبب المظاهرات حاول تسكن في السلطان احمد
2- احجز بالبوكينج بطربزون او من مكتب لأن الوقت الي بتوصل فيه فيه مباريات في تركيا اسطنبول و طربزون و غيرها يعني انتبه لا تتوهق و توصل و تتعب ما تلقى سكن و اذا لقيت بتلقاه غالي
3 انتبه من المطاعم قبل الطلب اطلب قائمة الاسعار عشان ما تتفاجئ بعد الاكل بالفاتوره
و الله يوفقك يارب