`•.¸¸.•¯`••._.• (الرحلة الأولى) `•.¸¸.•¯`••._.•
( فبراير/مارس 2007)
وصولنا لأجواء بيروت

الطياره كانت فاضيه
صور الفندق ( Crown Plaza )

`•.¸¸.•¯`••._.• (الرحلة الثانية) `•.¸¸.•¯`••._.•
(مايو 2007)
في هالرحلة ما صورت وايد يعني حصيلتي تقريباً 3 صور + الصور الشخصية ... هالسفره كان فيها أكشن وايد :af:
السوليدير
هالصوره للكافيهات اللي هناك خذتها وانا ماشيه من بعيد ... في هالمره حالة السوليدير كانت أحسن من المره اللي قبلها ... عدد الناس اللي يتمشون وقاعدين في الكافيهات أكثر ... بس كانو يسكرون الساعه 8 فالليل
الساعه
قعدنا يومها في روتانا كافيه ... وكانو حاطين لنا تحت الأكواب .....
وعطونا منهم كم واحد زياده للذكرى
الأشرفية (يوم الأحد - 20/5)
ABC الأشرفية - عند المطاعم ... والمطعم اللي ظاهر في الصورة هو مطعم WaterLemon
هالمطعم مصممين أغراضه بطريقة عجيبه وحلوه ... أحب أقعد فيه لاني أحب ألعب بالماي الملون اللي في الطاوله كأني ياهل
أنا متأكده انكم بتستغربون ليش حطيت اليوم والتاريخ عند الأشرفيه وباللون الأحمر ... والسبب هو ان هاليوم كان بداية الأكشن
يوم الأحد 20/5 مساءاً = تفجير خلف ABC الأشرفيه عند المواقف الخلفيه ... احنا طلعنا من هناك 4 العصر تقريباً
يوم الأثنين 21/5 مساءاً = تفجير منطقة فردان ... كنا موجودين في المكان لين 9 الا ربع فالليل ... والتفجير صار الساعه 10
يوم الثلاثاء 22/5 = ما صارت تفجيرات ... بس الوضع كان يخوف في كل مكان ... أمي داقه علي من الصبح تقولي انتي واختج وابوج وين ناويين تروحون اليوم ... ناويين تقردون من ... قلت لها اليوم السهره في الحمرا ... زفتني وقالت انتو ما تستحون يله ردو الدوحه ... قلت لها مافي حجوزات وبكره طيارتنا و الوضع عادي عندنا بس عشان اسكتها وما أخليها تحاتي
يوم الأربعاء 23/5 = رجعنا الدوحة ... وأول ما وصلنا البيت وفتحنا التلفزيون ولا حاطين خبر عاجل عن تفجير عاليه
في الأخير أتمنى ترجع الأوضاع في هالبلد لهدوئها اللي ما استمر الا لسنوات بسيطه ... لأنه صج بلد حلو ... وقريب ... والروحه له ممتعه وايد
تم بحمدلله

الله يعطيك العافيه على هيك صور حلوين
اعجبتني الصور خاصة انا من الناس التي لم تتشرف بزيارة هذا البلد الحبيب
اتمنى ان اقف هنا في يوم من الايام

اخوك / اسير

يعطيك العافيه على ها التقرير و ماقصرتي يا الغاليه عساك على القوه

شكراً والله يعطيك العافية يا موني على وفائك للبوابة ...
والحمدلله على السلامه من الأكشن...والله يعيد أيام الثلوج على خير ان شاءالله .
سعدت بتقريرك ونأمل المواصله بتقارير جديده اذا توفرت

يازين لبنان
صور تفتح النفس
الله يكتب لنا سفره لها البلد قريب

الحمدلله على السلامه
صور جميله جداً
خاصة صور السفره الأولى

هلا أخووي أسير9559 ...الله يعافيك ومشكور عالمرور وانشالله تزوور هالبلد قريب لأنه بلد حلوو بطبيعته وأهلة
مشكور أخوي الواعد عالمروور يعطيك العافية :king:

شكراً أخوي ولد الشرق عالرد....وبخصوص الثلج يوم اللي رحنا فرايا حسيت اني في أوروبا مش في بلد عربي ...وحتى الربيع عندهم وخاصة ريحة الغردينيا المنتشره في كل مكان الصراحة شي عجيب
:kashkhah:
اليازي-UAE هلا حبوبة ....مشكوره عالمرور والله يكتب لج تزورينها قريب وخصوصاً في الشتا أو الربيع لأنها عجيبة في هالفترة