شدعوة ولا رد وينكم ولد البحرين .. الحمادي .. ليمونة حزينة .. فلفل حار .. وينكم يمكن سوالي في لغز .. ههه

اخوي ممكن تذكر لي وين هل كوساموي بعيده وإيش افضل طريقه لذهاب لها انا في بانكوك لي إسبوع واحس إني طفشت ودي اغير

تقسيمك حلو لكن بخصوص كوبنجان انا بصراحه ماعندي فكرها عنها وايضا لو بدل رجوعه مره ثانيه الى كوسوماي تذهب الى شنجماي 3 ايام مثلا علشان تستكشف المنطقه .
على فكره الطيران الداخلي الى كوسوماي السعر ربما عادي لكن رجوعك من كوسوماي الى منطقه اخرى مثلا بانكوك او بوكت لاحظت سعر الطيران مرتفع شويه
بالتوفيق

هلا الغالي ،،
بالنسبة للمخطط مالك حلو وما عليه كلام ،،
لكن موضوع كوه بانيان او بانغان هذي شوي اشوف ما له داعي 3 ايام ،، انا حسب علمي ان هالجزيرة تقدر تقول عنها جزيرة مناسبات واحتفالا وخاصة حفلة الفول مون بارتي اللي تصير كل شهر ،، غير ذي عوامل ثانية في الجزيرة مو مثل بوكيت وكوه ساموي وغيرهم يعني فنادق محدودة ومطاعم قليلة يعني تكفي تروح له للحفلة او تبات ليلة حتى تبتعد عن الملل ،، اما اذا انت راعي مزاج واسترخاء وبحر افاعتقد تناسبك ،،
في منطقة اخرى حلوة بعد اسمها كرابي قليل من العرب يزورونها ،، وتقدر بعد تقضي وقت في كنشابوري وهذي تطلع لها بتاكسي او باص من بانكوك فيها طبيعة حلوة وشلالات ،،
واخيرا بالنسبة لشانقماي اذا ما رحتها من قبل فحلو تغير شوي خاصة انها منطقة جبلية وانت اغلب رحلاتك للجزر ،، شانقماي حلوة وطبيعة حلوة وفيها رحلات بعد مميزة وايضا تتميز بسوق النايت بازار وهو الابرز في تايلند يعني يكفيها ليلتين او ثلاث ..
والخيار الاخير لك ،،

فيصل - ابو تميم
اخوي كوساموي عبارة عن جزيرة نفس بوكت وحلوة جدا للاسترخاء وفي نشاطات حلوة مثلا تروح رحلة السفاري ورحلة الصخرة .. تقدر تروح اي مكتب سياحي وتقص من عنده تذكرة لكوساموي .. تيلس فيه 3 الى اربعة ايام حلوة .. بالتوفيق

ولد_البحرين
مشكور ولد ديرتي بالنسبة حق كوساموي زرتها العام واشوفها ديرة حلوة قليل من التايلنديين والعرب جنك دولة اوربية حلوة حق الاسترخاء وانة واحد اهم السهر والاستمتاع في اجواء البحر .. بالنسبة لشانغماي مالي خاطر اروحه احسه عائلية اكثر من شبابية .. ولا شرايك اخوي

اي نعم شانقماي نوعا ما عائلية ،،
لكن بعد تعتبر تجربة حلوة خاصة طبيعتها ورحلاتها وشلالاتها ،،

السلام عليكم ...
مرحبا فيك اخوي محرقاوي ... بالنسبه لرحلتك عندي شي بسيط .. انا بعطيك المناطق وانت رتب الايام والاوقات على كيفك ...
ساموي 7 ايام (( وخلال هال 7 ايام تقدر تروح ليله جزيرة بنجان )) وانا اقول فديت ساموي ^_^
كرابي 3 ايام (( اذا رحت لها روح حق اال Hot Spring الي اهوه العيون الساخنه ... وبعد عندك ال emerald pool الي اهيا بحيرة الكرستال ))
بوكيت 9 ايام (( مايحتاي اشرح لك وين تروح ههه ))
بتايا 5 ايام (( ماعرف اقولك وين تروح لان مارحت لها ولا باروح لها وشايلها من قاموسي ههه ))
بيبقى يوم واحد هذي احسبها ما السفرات والوقت الضايع ..
وتروح ورتجع بالسلامه ..

وينك باقي 16 يوم وتروح بلاد سيام .. وانت للحي ما طليت على موضوعك ....
وبعدين طلعت خاي تتذكر لما تقولي لنا لقاء تايلندي ... اشوف بتروح عني ههه
انا ان شاء الله 20-8 ثاني ايام العيد