أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
اول مره اطلع برا المملكة
افكر اروح المغرب لوحدي طبعا ولااعرف شي هل تؤيدوني؟
كم تكلف الرحلة لمدة اسبوع مع التذاكر والسكن وكل شي
انا طلعت جواز سفر زمان وانتهى ماسافرت فيه خ هل يتأخر تجديد الجواز ؟
اخوي راح تطفش والله . . انا جربت ورحت لحالي وطفشت. المسألة في السفر ماهي بس اني اسافر وبس . السفر لابد له من صاحب . يكلمك ويشاركك متعة الرحلة . اما اذا انت ماتعرف البلد من قبل وتبغى تروح له لحالك انت راح تزيد الطين بله . شوف لك صاحب, دور وراح تلقى ! سامحني اذا الكلام يضايقك بس الحقيقة مرة والصراحة بعد .
مرحبا اخوي البدر .. نصيحة من محب لاتسافر لوحدك سبق جربنا وسافرنا لوحدنا قسم بالله أول ماتوصل بتجلس تلعن الساعة الي رحت فيها .. حاول تحصل لك خوي لان الخوي هو اللي يرد لك الصدى و لو شفت شيء حلو تسولف معه وتناقشه وقد تكون عرضة للسرقة والاحتيال بسهولة لأنك لحالك ..
اذا كان ولابد تسافر في شركات سياحية تطلع قروبات جرب وروح معهم ..
والا اذا كنت جازم على السفرة فرتب وضعك ومر مكتب وخذ منه برنامج مفصل بالفنادق والاماكن لان لما تكون مرتب جدولك افضل من انك نروح كذا لان المكاتب تضبط لك برنامج صح مع الباصات تبع الفنادق وكذا ..
بالنسبة لتجديد الجواز جب معك جوازك القديم و الهوية الوطنية وتعبي ورقة و150 ريال تسددها بالصرافة وبتحصل عند الجوازات ناس يعبون لك ورقة التجديد مع كل الاوراق المطلوبة حسب الزحمة بس انت خلك الساعة 8 عند الجوازات ساعة ومعك الجواز الجديد ان شاء الله ..
أخي البدر
الأمر يعود لك وحدك فأنت من تحدد هل تسافر وحدك او تسافر مع رفقة ؟
كل إنسان وما تعود عليه !
انا شخصيا كنت أسافر مع رفقة وأصدقاء ولكن مع أختلاف وجهات النظر فضلت السفر لوحدي وقد تعودت السفر وحيدا وأجد متعة كبيرة في السفر وحيدا مع العلم أنني أسافر في فصل الشتاء والربيع وليس مع زحمة الناس
أجد متعة كبيرة في التأمل والقراءة ودراسة البيئة المحيطة في كل مكان أسافر له والحمد لله رب العالمين
اخوي ما انصحك بالسفر للمغرب بدون صحبه او رفيق انا جربت هذا الشئ في سفريات قبل وكله طفش والصراحة معضم سفرياتى قبل كانت لوحدي حتى انى سافرت الجزائرة مره اسبوع لوحدى وحسيت بملل
اخر سفرياتى كانت للمغرب الشهر الماضي بس كانت مع شله اصدقاء نسقت معاهم من الانترنيت من منتديات السفر وحسيت فعلا بمتعه السفر لما يكون معك رفاق ,الضحك والوناسه والمواقف وجو المغرب يبغاله فعلا رفقة
وعلى فكره من كثر المغرب ماهو حلو بتحس في لحظتها لو ان حد يشاركك هذه المتعه
وسلامي لك
