K H 5 A L I D
27-10-2022 - 08:24 am
,
السلام عليكم ورحمة الله وبركاته
كيف حالكم إن شاء الله بخير وطيبين ..
مبارك عليكم الشهر مقدماً , والله يبلغنا أياه لا فاقدين ولا مفقودين ..
المهم عنوان موضوعي واضح جداً ! قررت أسافر ل تركيا بعد تفكير طويل !
واكيد هذي اول سفرة لي خارج حدود الخليج , عشان كذا متوتر وخصوصاً اني بروحي ..
وحرمت نفسي كثير أشياء عشان اجمع المبلغ اللي عندي ويمكن لي 4 سنوات ما سافرت مكان ..
اغلب سفراتي تكون للاقراب ف الخليج فقط يعني اول سفرة لي خارج الخليج العربي !!
هي وجهة السفر كونها الانسب لي من قائمة الاختيارات ..
وممكن أستمتع فيها خلال 7 أيام فقط !
وجهة السفر : تركيا الجميلة
مدة السفرة : 7 أيام ب لياليها
المرافقين : لا احد بروحي
وقت السفر : بعد رمضان
أسئلتي لكم عشان أقرر اذا اسافر ل تركيا أو لا ..
اللي مخوفني سمعت كثير انهم سيئين وشعب عصبي
يعني غير مرحبين بالسياح هالشيء بيأثر علي ولا عادي ما اهتم فيهم !
وسمعت عن النصب خصوصاً ف أسطنبول اللي هي الوجهة
المهم اسئلتي لكم :
1- أفضل طيران للسفر إلى تركيا ؟ طيران الامارات او الاتحاد او التركية !
2- كم الميزانية لسفرة أسبوع تشمل كل شيء سوى سكن وتذكرة وغيرها ؟
3- وش اهم الاماكن اللي لازم اجيها في اسطنبول ! ويمدي اروح اماكن ثانية ؟
4- تنصحوني ب السفر بروحي ؟ مع اني متخوف من هالنقطة صراحة ومتردد !
5- خدمة البلاك بيري كيف بتكون هناك ؟ يعني اقدر افعل ولا كيف الموضوع ؟
6- نصائحكم لي اياً كانت عشان اقدر اقرر , لاني لين الحين مادري صراحة !!
والله يعطيكم العافية وبإنتظار اجوبتكم علي !
العصبية والنفس الشينة في اسطنبول اما خارج اسطنبول يتحسن الوضع
لكن في اسطنبول ممكن تتعايش مع الوضع ما يأثر كثير
بالنسبة للسفر بروحك ما انصح ماراح تنبسط وغير كذا سهل يتشجع عليك النصابين اذا شافوك وحداني
ومن اسطنبول ممكن تزور بورصه وسبانجا وترجع بنفس اليوم
وهذي اهم الاماكن في اسطنبول :
منطقة السلطان احمد : منطقة فيها مجموعة اماكن سياحية (قصر التوب كابي- أيا صوفيا- مسجد السلطان احمد- خزانات الماء - حديقة جولهانة - السوق المسقوف (جزيرة صغيرة بين القارتين تتبع لنادي غلطه سراي فيها مطعم كباب ومطعم بحري والذهاب لها بقارب مجاني
يفضل الذهاب الى المطعم قبل الغروب بساعه او ساعتين
للاستمتاع بفترة النهار ومنظر الغروب والمساء ايضا