عندك اكوا بارك مثل الويلد وادي بالامارات وانتوا جايين من سلوى قبل لا تدخلون الدوحه بعشره كيلو بتشوفونها على يمينك. بالنسبة لجزيرة النخيل الله يرحمها تم ازالتها .....بالنسبة للمجمعات عندك فيلاجيو وسيتي سنتر واللاندمارك ......بالنسبه للسباحة عندك شاطىء الوكره ..وخور العديد ....مفتووح .... انصحك بزياره سووق واقف والحي الثقاافي ايضا ..... بالنسبة للمتنزهاات ما عندنا شي مميز الا حديقة اسباير جميلة جداا يسمونها هايدبارك ...!!! بجانب فيلاجيو .... عندك حلبة الوسييل لاستعراض السياراات اذا ودكم تستعرضون

طيب الله يسعدك اخوي
الاكوا بارك مفتوح لكل الجنسين
ولا لها وقت مخصص لفئه معينه
لاننا عائله وحابين نكون سوا على طول
وبالنسبه لشاطئ هل هو بعيد الوكره والخور ايهم اقرب لدوحه
وكم يبعد لان السفره 3 ايام مو حابين يضيع الوقت بالمسافات
الحلبه موجوده في الدوحه عندي الاخوان يعشقون هيك اشياء
ليت اذا ممكن تخربين وين الحلبه بالضبط
وغير كذا هل ممكن احصل كل هذي المواقع في ال GBS
عذرا كثرت الاسأله لكن مو حابين نفوت شيء
والله يسعدك ان شاء الله ويعافيك
على سرعة الرد
مشكور

السؤال بخمس ريال خ انزين شوف الاكوابارك في يوم عوائل وفي اياام عام بس مااعرف الجدوول ممكن تبحث عنها بجوجل او شوف هالموقع بتحصل معلومات عنهم http://www.qatarqlick.com/guide/142-entertainment/2023--aqua-park-qatar-.html
بخصوص الشواطى اتمنى الاعضااء يفيدونك بس عندك شاطىء الوكره وشاطيء سميسمه طبعا شاطىء سميسمه بطريقه لحلبة لوسيل . بخصوص حلبه الوسيل تقع على خط الخور الساحلي يعني تبعد عن الكورنيش حوالي 25 كم خط سريع ربع سااعه الا وانت موجود بس ماادري عن اشلون النظاام يمكن مشرفنا عيد يجيب الاخبار .

http://www.circuitlosail.com/
موقع حلبة لوسيل على النت

ماشاء الله عليك
الله يسعدك يارب ويسر امورك ان شاء الله
مشكور

اذا ممكن اضيف سؤال واحد
ممكن مطاعم حلوه بحريه
وتكون كمان واجهه بحريه
او مطاعم في سفن تاخذ جوله في البحر
ياليت تفيدوني

سامية النظر
بالنسبه للمطاعم البحرية
أنصحك بمطعم لوزار في الحي الثقافي
جميل جداً

نعم لوزار بالحي الثقافي او المطعم البحري بشرق هوتيل على الشاطىء

مساء الخير
الله يعطيهم العافية ويجزيهم كل خير خبرائنا ماقصروا .
أوافق الاخوان في اختيارهم لمطعم لوزار الموجود في الحي الثقافي وذلك عن تجربة وهناك اكثر من طريقة لطلب الاكل ، من الطرق انك تترك الشيف يتفنن في اختياراته بس تشرط عليهم ان الوجبة لشخص واحد ماتتعدى سعر معين مثلاً 150 ريال او اقل او اكثر على حسب مزاجكم ، وطريقة ثانية أنكم تختارون من منصة العرض ( عرض الأسماك الطازجة ) الكمية اللي تكفيكم وتخبرونهم عن الطريقة المفضلة لديكم في اعداد الوجبة ( مشوية او مقلية او بالبخار او .... ) ، وايضاً يوجد في الحي الثقافي ( كاتارا ) شاطئ عجيب ونظيف وتوجد به العاب للأطفال والكبار وتوجد رسوم لدخول الشاطئ تقريباً الكبار ب100 ريال والصغار ب25 ريال بس متعة ويستحق الزيارة .
وأي سؤال ثاني بإذن الله أنا والإخوان مارح نقصر معاكم وسفره موفقة وسعيدة. *