أخوي العرفان اتمنى ان ربي يسهل لك سفرتك وتنبسط
وليش ماتسافر؟؟!!!!!!!!!! طيب يمكن الجماعة مشغولين.. لانهم بصراحه مايقصرون ابد...
وانا رحلتي الشهر القادم وجمعت معلومات كثيرة من تقارير الاعضاء.. راح تلاقي شي يغنيك عن الاسئله الي يمكن تستنى اجاباتها كم يوم لانشغال من لديهم خبره...
انا راح اجاوبك الي اعرفه الخطوط السعودية مسويه اسعار خياليه بس الي يحجز من بدري...(انا قطعت تذكرتين ذهاب وعودة من جده ب 2090 ريال) على 22 ابريل القادم...مدة الرحلة اتوقع 5 ساعات ...التاكسي افضل وسيلة للذهاب للفندق...وللتنقلات عندك الاندرجراوند والباصات( التاكسي عندهم غالي على حسب علمي..مكلف جدا..)
وكثير من الاعضاء يستأجرون سياره في سالزبيرغ وزيلامسي... وهذا الي ناويين نسويه ان شاء الله في رحلتنا القادمه ..افضل الاماكن السياحه ( تابع التقارير) لانه كل واحد في تقريره يكتب المكان الي راحوا واذا يستحق الزيارة او لا...الذهاب من فيينا الى زيلامسي بالقطار...
السكن في زيلامسي اذا انت اول مرة تسافر ومعاك عائلة تحجز من بلدك سكن ( هذي نصيحة بعض الاخوان) من مكتب او من موقع بوكينج ... الي يريحك ...
واخيرا اتمنى اني افدتك لو بشي بسيط...
ماحبيت ادخل وماارد
تحياتي

ابتسامة طفلة
ماشالله عليج اختي كفيتي و وفيتي الصراحه
تعجبني طريقه جمعج للمعلومات عن البلد الي بتروحينها الله يوفقج انشالله
بس استأجار السياره في فيننا غالي شوي بس هاذي احلى وسيه للتنقل
والطريق من فيننا الي زيلامسي 5 ساعات ب السياره بس ماراح اتحسون فيها من المناضر
الطبيعيه وايذا ناوي تسكن في زيلامسي انا رأي من رأي اختي احجز من بلادك حجز مسبق
عشان تتجنب المشاكل بحكم الفنادق الاوروبيه مليانه طوال الصيف
ويذا حبيت تستخدم الاندر قراوند ترا سهل وارخص وسيله تنقل والاسرع
بس كل الي عليك تسأل الاستقبال في الفندق الي بتسكن فيه وين او شنو اسم المحطه
الي اقرب من الفندق عشان هاذي بتكون انطلاقه تنقلك وعودتك وماعليك سوا تجمع الاماكن السياحيه
الي تبي تروحلها وتقول حق الاستقبال ابي اروح المكان الافلاني وين اقرب محطه له وبيدلك على طول
وشتر من عندهم تذكره الاندر قراوند على حسب الايام الي بتقعد فيها وانشالله رحله سعيده
واي خدمه انا حاضر
وبتوفيق انشالله
, , , ,

اشكر لك مرورك اختي ابتسامة طفلة ... وان شاء الله تروحي وترجعي بالسلامة وانتظر رجعتك لتزوديني بالمعلومات الزينة ... حقيقة حجز الفنادق نعم هي افضل طريقة الحجز من هنا من جدة بحكم خبرتي السابقة بسفراتي الى ماليزيا ودبي وغيرها ولكن اوروبا جديدة علي .... سؤالي ماهي افضل الفنادق بالنسبة للاسعار والنظافة والموقع اللي هي فية وهل كل الفنادق يكون الاندر قراوند قريب منها ... وهل اسعار التذاكر مستمرة خلال شهر 8 / 2009 .... شاكر لك اختي مرورك وهذا ليس بغريب على اعضاء هذا المنتدى الرائع

ابتسامة طفلة
الشكر كل الشكر على ردك ومرورك اخوي خبير قطر .... وسؤالي عن ماهي افضل الفنادق بفيينا وزيلامسي من ناحية الاسعار والجودة وهل جميع الفنادق قريب منها الاندر قراوند واعتقد افضل طريقة للوصول لفندق من المطار هو التاكسي نظراً لوجود الشنط معي اثناء الوصول ... وكيف وضع الشنط اثناء السفر من فيينا الى زيلامسي بالقطار .... اكثرت عليكم الاسئلة ولكن هذا عشمي فيكم .... سلمتم لي دوماً

هلا أخوي العرفان
هذه اضافة سريعه
لاتتردد توكل على الله
أخوك سافر العام وماعندي خبرة ولا لغة
المسألة بس تحتاج منك بحث وجهد بالمنتدى تصفح المواضيع وبإذن ستخرج بفائده كبيره
بالنسبة للحجز حاول تحجز بدري من الآن وابحث عن التذاكر المخفضه
عند قطع التذاكر لو تعرف احد بمكاتب السياحيه خله يبحث لك عنها
أو أي موظف اخبره أنك تريدتذكرة مخفضة لعلك تلقى تذكرة رخيصه
الفنادق احجزها بنفسك ولو صعبه ابحث عن الفنادق الجيدة
واذهب لأي مكتب وقارن الأسعار واحجز عن طريقهم
المده كل شخص ورغبته
عن نفسي لو اجلس شهر ما تكفيني
بس اعتقد الكثير ما تقل عن اسبوعين
ودائم ارى انهم يصلوا فيينا وتكون المغادرة ميونخ
عند الوصول خذ لك تاكسي لمقر سكنك وتكون قد كتبته قبل كذا بورقة خارجيه
وللتنقل بفيينا خذ هذه الخريطة للمترو تراها سهلة

وللذهاب لزيلامسي تقطع تذاكر من محطة الوست بان هوف
وتغيير القطار بسالزبورغ
اتمنى لك رحلة سعيده

لاعدمناك طائر الغربة ومدامك سافرت العام الماضي الله يعينك علي تتحمل بعض الاستفسارات ...وش الفنادق المناسبة بفيينا وزيلامسي من حيث السعر والنظافة والتكييف اذا لديك علم وهل كل الفنادق قريب منها الاندقراوند للتنقل والا تروح لة مشي وكيف وضع الشنط في التنقلات بين فيينا وزيلامسي وتنصحوني بالرجوع لفيينا والا من ميونخ احسن وكيف تعامل الالمان هناك ..... تحملونا عاد الله يعينكم بس عاد هذي سفرة بالعائلة