ممكن تسوي الفيزا من القنصلية او السفارة بالسعودية
وما يحتاج لا تصريح ولا غيرو
الكثير راح ورجع وجددوا الجوازات دون مشاكل
"لا تسألوا عن اشياء ان تبدى لكم تسؤكم" = يعني لا تنبش عن نفسك .. والامور تمشي
وهذا شي مجرب
انا قبل 4 أشهر جيت من تايلاند والحمد لله دون مشاكل
سألني عسكري الجوازات بالمطار : من فين جاي ، قلت له : انا جاي من بانكوك
قال لي : حمد لله على السلامة
وهذا الرابط ممكن يفيدك
https://artravelers.com

نسيت اقلك
ممكن تطلع الفيزا من المطار ببانكوك
3 صور شخصية
وصورة الجواز
وصورة التذكرة
ومائة ريال
وهذ تكفيك 15 يوم
اما اذا سويتها من السعودية
نفس الاجراءات ويعطوك فيزا 30 يوم
وفي حالة زيادة الايام
تدفع ضريبة 50 ريال عن كل يوم ومافيها مشاكل
رحلة موفقة ان شاء الله

أخي العزيز : /
ممكن تستخرج التأشيرة من مطار بانكوك ب 1000 بات + صورة شمسية + بيان من الكاونتر المجاور لشباك التأشيرات تعبئ البيانات ولمدة خمسة عشر يوما فقط .
الأمر سهل ومئات السعوديين والعرب معك على الرحلة لاتقلق .

Mr^NaNo
مشكورين يا شباب على تفاعلكم مع الموضوع...
بس ماجاوبتوا على سؤالي الأخير .

اخوي السفر الى تايلند ممنوع
والجوازات اذا شافو ختم تايلند بيسون لك سالفه ولكن محد حولك
انا اربع مرات رايح وانا سعودي وجددت جوازي وفيه فيزا يعني صفحه كامله ولا احد شافها ولا احد قال شي
وتوني جاني من ثلاث ايام فقط بتاريخ نوفمبر 15 ونزلت عن طريق البحرين وجيت الجسر ومافتح الجواز الصفحه الاولى بس دق الرقم وخلصت اموري
وفعلاً السعودين كثير ولن اغلبهم نفس طريقتي عن طريق البحرين او الدوحه او الامارات
والفيزا خذها من المطار صوره وحده وليس ثلاث صور و 1000 بات يعني 100 ريال والصراف جنب محل الفيزا
ومسموح لك 15 يوم واذا بغيت تمدد تقدر تزور اي مكتب سياحي يفيدك بطريقة التمديد
وبالنسبه للقنصليه اول ماشغلت جوالي جاني مسج من الهاتف برقم القنصليه السعوديه ولكن القنصل موجود للتجار اللي يروحون بتصريح يعني لاتكلم احسن لك
وبصراحه سفارتنا مافادونا بدول مسموح السفر لها بيفيدونا بدول ممنوعه
اخوي روح وتوكل على الله والديره مافيها مشاكل ابد كل اهلها يضحكون بس اذا احد غلط عليهم بثواني بيقضون عليه
اتمنى وضحت الصوره

اخوي لاحد يهمك انا الحين في تايلند والامور زي العسل والناس هنا مره زي العسل لا والله احلى من العسل
الفيزا خذها هنا من السعوديه واذا بغيت ايمعلومات عن الفنادق تعالي على المسنجر وابشر بسعدك وبرامج خياليه راح تدعيلي عليها
ممنوع وضع الايميل - ملبورن

مساء الورد والصباح الفللي ..
لكن البلد حلو كثير ... ولكن ياريت احد يخبرني عن اجواء شهر 2و3 هجري ... وشهر 5 هجري ايضا
تمنياتي للجميع في السفر الخير والسعاده .. والافكار النيره المتفتحه بكل جديد ,,
يلا سلاامً

اخوي البلد استوائيه جوها واحد مطر و خير وساعات رطوبه

Mr^NaNo
بخصوص السفارة اعتقد لا توجد سفارة سعودية
وقد اخبرني استرالي دبلوماسي يعمل في تايلاند
انه بامكانك في حالة حدوث مشكله التوجه الى سفارة خليجية :m9:
والذي يؤكد كلامه انه في كل جواز سعودي مكتوب عضو في جامعة الدول العربية
فما بالك بسفارة عربية خليجية :m9:
وان شاء الله ماتحتاج انك تروح لها لمشكله :36_1_42:
بحكم زيارتي للبلد :mf_leia:
الشعب هناك فرندلي
بل ارتحت لهم اكثر من الماليزيين
مع احترامي لآراء الاخرين