الزهرة الجميلة
اتمنى اني افدتك ولو بشئ يسير

مثل ماتفضل الحبيب واكمالا للاجابه انصحك لله تاخذون فلوسكم معكم وبلاش من الصرافات .. بعض الصرافات ماتسحب حتى لو عليها صوره الشبكه .. واقعد دور صراف في اوقات انت في امس الحاجه للمال .. خلي ولي امركم او المسؤول عن الرحله يشتري شنطه اللي تجي حول البطن ويحط فيها اغراضكم المهمه وانتبهو لها وخلاص ..
اما مساله الصراف صراحه في بلد غير بلدك مشكله .. غير انه كل عمليه ياخذون نسبه ماتسوى السالفه .. الجو مناسب ملابس صيفيه تكفي وجاكيت للصغار لكل واحد فقط اذا بتطلعون فوق للجبال ومرتاعات عاليه للاحتياط لا اكثر
اذا بتتمشى كثير وبتتنقل وتبي تستانس فعلا طبعا بدون اطفال .. الاطفال خلقه متعبين وبتقعد تداريهم طول الرحله وممكن تحرم نفسك من شي مثلا بسبب الاطفال .. اذا واحد امره بسيط
واذا اطفال معتمدين على نفسهم تماما عادي

كفيت ووفيت ابا سارة . اجابات شافية وجميلة .
جميلة وعادي جدا بالنسبة للاطفال لهم احترامهم .
هذه الايام الجو جميل يميل للدفئ نهار والبرودة نوعاما مع الفجر .

جزاكم الله خير جميعا
الله يوفقكم ويرزقكم من حيث لاتحتسبون

بالنسبة للصرافات فيه صرافات بنوك سيئة تاكل البطاقة وطريقتها معقدة
لكن من أفضل الصرافات بنك اسمه هالاك بنك halakbank وفي شارع الاستقلال في منتصفه ثلاث صرافات لهم ممتازين بالمرة :
طبعا تدخل البطاقة
تختار اللغة التركية أو الانجليزية
أدخل الرقم السري
ثلاث خيارات من ضمنها مكتوب ياليمين ((كاش))تضغط عليها
يعطيك مبالغ وفيه خانة مكتوب فيها ((أوذر))aothar بمعنى مبلغ آخر تضغط عليها
بعدين تدخل المبلغ اللي انت تبغى وهي التي تصرف لك الى 2100ليرة بما يعادل 5000ريال والراجحي يأخذ 37 ريال على كل عملية
تنويه اذا دخلت الرقم تضغط الزر الأخضر بلوحة المفاتيح
وإذا خلصت اضغط الزر الأحمر بلوحة المفاتيح

انا الان في تركيا ومعي اطفال لكن كبار 8و10 سنوات والوضع الحمدلله تمام والجو حلو في استنبول وما جاورها يعني مايحتاج لبس شتوي الا اذا كنتي بتروحي لشمال التركي
بالنسبة لصرفات والله انا اخذت المبلغ كله معي كاش حولت نصفه الى ليرة واخذت الشنط الصغيرة الي توضع على الخصر ولبستها تحت عباتي ولا من شاف ولا من دري والحافظ هو الله وكلما طلعتي من الفندق استودعي الله نفسك ومالك وعرضك من لاتضيع ودائعه والمبلغ الي ماحولناه مع زوجي يعني لو لاسمح الله حصل للمبلغ الي معي شي متروح الحصيلة كلها
وهنا الاخوان حذرو من واحد هندي يجي يسال السواح ومدري وش يسوي بهم وياخذ الي معهم
والله الذي لااله الاهو واجهنا واحد هندي ويسالنا عن مطعم واعطيناه كرت مطعم ولاكلمناه وطلع الدولارات وصار يقربها من عيني ويقول كم تسوى بالريال السعودي بابا يبغى حج وينادي ابوه وهو مرتبش ولابو وجهه اشهب والله مايمس للاسلام بصلة وانتبه زوجي الوضعهم والحمدلله ولاكان حسبي الله عليهم خربوا علينا السفرة
طولت عليك لكن حبيت انبهكم من اي احد يستفسر قولوا مانعرف شي سد لاي مشاكل

عزيزتي انجل شلون يعني اختوا المبلغ كله معكم هل مسموح بأخذ المبالغ الكبيره معكم ارجو الرد لأني بسافر قريب ان شاء الله وشايله هم النقد وحمله ...جزاك الله خير حبيبتي

الاخت عيون مودي اخذنا المبلغ معنا 25000ريال في شنطة اليد مااحد سال مرروا الشنط على الجاهز وما فتشوا لان الجهاز مايرن الالما يكون في الشنط اجهزة جوال او شي مصنوع من حديد او صلب لكن الفلوس مااحد قال شي فيها يعني رايحين سياحة اكيد بيكون معنا مبلغ كبير

جزاكم الله خير وبارك لكم بايامكم