أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمة الله وبركاته ...
استفساري يا اخوان واخوات عن قيمة تذكرة الطيران من بانكوك الى بوكت تقريباً
والمشكلة الاخرى انه ليس لدي بطاقة ائتمانيه هل يفرق السعر اذا حجزت الحين او اذا وصلت بانكوك ؟
تحياتي..
اخوي ااكيد الحجز من النت ارخص بس اذا في مشكله او صعوبه عندك لا يمنع انك عند الوصول الى بانكوك الحجز طيران داخلي ولك حرية الخيار بعد اخذ فره وجوله على عديد من شركات الطيران المتنوعه واللي يناسبك السعر والتوقيت توكل على الله ولا تحاتي بيكون السعر مو بغالي وايد
الفرق راح يكون بسيط بس المشكله في موفرق السعر
المشكله الحجوزات
يعتمد على وقت وصولك الى مطار بانكوك الدولي
لانه اخر رحله الى بوكيت تقريبا ساعه 10 بليل
اول ماتوصل بانكوك تحصل مكاتب سفريات وشركات الطيران احجز منها
خل الهيف
سعر التذكرة $83 دولار = 2580 بات = 304 درهم اماراتى على اير اسيا
هذا هو اقل سعر ممكن تحصل عليه فى حالة الحجز المسبق عن طريق النت بفترة كبيرة
هذا السعر ذهاب و عودة للشخص البالغ
تحمل تحجز على طيران (شركة أورينت + شركة نوك) لأنها تطير من المطار القديم والمطار القديم بعيد عن المطار الجديد يعني مسافة ساعة أقل أو أكثر وتأخير كثير في مواعيدهم وطيايريهم مب معتمده دولياً .. ومن كم يوم طايحه طيارة من شركة أورينت اللي أسمها سابقاً ون تو قو .. فإحذر إذا تبي تحجز عندك 3 شركات (شركة التاي + شركة آسيا + شركة بانكوك) ..
طبعاً أغلى شي التاي بعدها آسيا وبعدها بانكوك ..
تقدر تحجز من المطار بس مع مراعاه أن الطياير ما تطير فليل آخر طيارة مثل ما ذكر الأخ 10 فليل وإذا مب قبل .. في طريقتين آنه حجزت على طيران الاتحاد وطيران الاتحاد في تعاون بينها وبين شركة بانكوك للطيران فتقدر شركة الاتحاد تججز لك تذكرة مع تذكرتك الأصلية (لكن سعرها دبل السعر من تايلند) .. فأكيد طيران الامارات متعاونه مع طيران داخلي في تايلند وتقدر تحجز لك بس مثل ما قلت لك غالية .. الطريقة الثانية اللي آنه سويتها اتصلت حق مكتب سياحي في تايلند طبعاً أهلنا كلهم يتعاملون معاه ومن زمان نتعامل معاه اتصلت فيه وقلت له ابي تذكرة طيران بانكوكط بوكيت بانكوك وعطاني على كل الطيران والسعر حجز لي وطرش رقم التذاكر على الإيميل وطرشت له الفلوس على ويست يونيون .. وسعر التذكرة في حدود 6500 بات على الطيران التايلندي .. 6100 على طيران آسيا .. 5900 على طيران البانكوك (الأسعار تقريباً) .. وهذي الأسعار من مكتب السياحة في بانكوك ..
