سيدي صحيح الرحلات المباشرة ممتازة لكن سعرها مرتفع فمقابل 5 ساعات ترانزيت قد تدفع 1000 أو 1500 ريال
زيادة ...وأنا أقول أن 5 ساعات في مطار أبو ظبي ليست مشكلة طالما أن تذكرة طيران الاتحاد قليلة وخدمة ممتازة
أفضل من الجارودا والخطوط السعودية ...

انا حجزت قبل شهر تقريباً ورحت وجيت وكان حجزي على الأتحاد بسعر 2780
الرياض /ابو ظبي /جاكرتا
جاكرتا /ابو ظبي /الرياض
طرت من الرياض 4.20العصر ووصلت بعد ساعة وربع لأبو ظبي تنقعت بأبو ظبي للساعة 2.40قبل الفجر
وصلت جاكرتا 2الظهر تقريباً بتوقيتهم
والعودة نفس الوقت
لكن يوم كنت بجاكرتا تنكدت سفرتي كل ما اتذكر عودتي عن طريق ابو ظبي والوقت اللي بخيش فيه هناك ...مع اني بالرجعة طلعت من المطار وتعشيت بأحد المطاعم بأبو ظبي بس تحس بتعب
انا فكرت كثير اني احجز العودة مباشرة من هناك للرياض لكن الفلوس معي ماكفت وقلت يالله نستفيد من التذكرة اللي معنا
انت الحكم دائماً وانت اكثر احد يعرف قدرات تحملة
للمعلومية طيران الاتحاد 5 نجوم وشي فاخر وأمان

طيران الاتحاد ارخص وترانزيت 5 ساعات ما هي مشكلة وإذا كان الفرق جيد أنت أولى فيه بس المشكلة أن طيران الاتحاد فل في شهر 7
لكن بما أنك ساكن في جدة وصل سعر التذكرة فوق 3000 ريال خليك على مقودك لا يجيك الي أقرد منه مالك إلا الخطوط السعودية سعر التذكرة 3200

تذاكر الخطوط السعودية من جدة الى جدة من المكاتب السياحية متفاوت وعلى حسب سمعي فهي 2700 ريال وطيران الاتحاد 2500 ريال بس كما ذكرت من المكاتب السياحية اما عن طريق موقعهم فهي غالية جدا 3300 ريال

والله انا ماحب خطوط المقروده خصوصاً انها لاتخضع لصيانه مثل طائراتنا وقد منعت من دخول بعض مطارات الدول الاوربيه
لعدم تقيدها بشروط السلامه .
اما سبب ارتفاع سعرها هذا بسبب البيزنس بين الخطوط المقروده والخطوط السعوديه

انا اشوف ان الخطوط السعوديه افضل ولايمكن يلغي حجزك

بصراحه انا ما احب اسافر الا على الجارودا
وطلعت عليها للعمه اكثر من خمس مرات
انا احب الرحلات المباشرة 9 ساعات وانت بالعمه
وبعدين لو حبت تمدد أو صارتلك ظروف حبيت ترجع
بدري انت عندك مسار رحلة واحد جاكرتا جدة أوالرياض
وبعدين انت في ملعبهم يعني يقدر اي مكتب يخدمك في أي
منطقة من مناطق العمة مولازم تكون في جاكرتا عشان تعدل
زي الخطوط السعودية أو الاتحاد مثلا
الاتحاد مدحوها ناس كثير بس لازم تتقيد بالموعد
العام الماضي احد الشباب مدد خمس ايام وشوف انواع
الخساير طلع من جاكرتا على ابوظبي ومن ابوظبي لطعه
لمدة يومين الرحلات على جدة فل وردها بر
السعودية مافي امل اطلع عليها للخدمه السيئة
هذه وجهه نظري واسف على الاطالة

يعطيكم العافيه على التوضيح