سلام ,,,,
بعد التحية والسلام ....
هاهو سبنتار الجبار يعود اليكم بعد رحلة قصيرة الى بلاد الاندومي !! بصراحه كانت رحلة مفاجئة ولكن ولله الحمد تمت الامور على ما يرام ...
افراد الرحلة :
سبنتار الجبار !! يتغدى الولعه ويتعشى النار
سعيد ب !! عضو مندس من اعضاء المنتدى وخصوصاً بوابة الاندومي
فكري !! سواقنا وخوينا وجدتنا ... وش بقى اقول عنه
ماجد ( الصراف الصيني ) !! حبيب الملايين بحكم ان سعر الصرف عنده اكوس من الكويس ويعطيك ال 100 دولار ب 1.000.000 ربيه !!( تورط الصراف)
فهد !! انواع الزحفان بس ما حولك احد في اللغه العربيه .. انواع التكسير !! واسألو الصراف الصيني عنه
انطلقت الرحلة يوم الخميس الموافق / تيقا بولو - سبتمبر - دوا ريبو امبات .. من مطار الملك خالد بالرياض .. وقد كان على متنها كل من سبنتار الجبار و سعيد ب !! ( عليه اسم؟؟؟ مقطوع مع ذيله)
وقد كان خط سير الرحله الرياض - الدمام - جاكرتا حيث اقلعنا الساعه السمبيلان واستغرقت حوالي سبلاس جام ( لاننا توقفنا في مطار الشرقية حوالي الدوا جام ( ال التعريف و تنطق : حوالي الساعتين)) .. وقد وصلنا الى مطار جاكرتا الدولي في تمام الساعه الدوا بلاس سوري ( الثانية عشر ظهراً) ..
المهم وعينك ما تشوف الى النور !! وخذ يا ركض على كاونترات الجوازات وختمنا الجوازات ويوم التفت على خويي الا وهم ما ختموا جوازه ؟؟؟؟؟؟؟؟؟؟ افا وش السالفه يا سعيد ب ؟؟ اتاريهم خاتمين في جبهته !! من كثر ما زارهم .... ههه
المهم انلطعنا عند العفش اكثر من ساعه ويوم طلع عفشنا برقي براء المطار الا و الاخ / فكري ( سواقنا وخوينا وجدتنا) في الانتظار !! وخذ يا تبويس وسلام ورحنا برقي على مطعم اميره الشين !! وتغدينا فيه ولعنا ابليس !! واتجهنا الى فندق الزفت اوسيس امير حيث الاخلاق السياحية واختيار اسوأ الغرف للسياح السعوديين ... وطبعاً سبنتار كعادته السنويه قلبها معهم هواش ( لانهم ما يبون يختمون على صورة الجواز !!) .. المهم اكتفينا بالختم الموجود على جبهة رفيزنا سعيد ب !! كدلالة بوقت الدخول للديره ( تفادياً لاي ملاطقات مع البوليس في اخر الليالي !!) ..
المهم طلع لنا الماس التعبان غرفتين كل وحده في جهه !! مع العلم ان الفندق فاضي والمسافرين قليل جداً !! لكن اعطانا غرفتين متباعدات جداً وايضاً لم يتم تنظيفها حتى الان حيث كانت لسى مسوي اصحابها تشيك اوت !! ( شوف نذالة الماسات) .. وانلطعنا نصف ساعه ننتظرهم ينظفون الغرف ... وبعدها ذهب سعيد ب مع فكري للسلام على مدري من ( حيث ان خوينا سعيد ب !! لديه معارف في جاكرتا وقرابه واصدقاء ) وبقي سبنتار في الكمر وحيداً !! والله وتجيك هالفكره المنتازه ؟؟ حيث ضربت رقم 5 على التلفون واذا بالماس يقول ( هيلث سنتر !! كان اي هيلب يو ؟؟؟) قلت له : ساتو جام مساس يا ماس وصلحوه !! واصك لك ذيك الساعه المساج اللي ترد الروح بعد عنا السفر وال 11 ساعه في الطياره ... ومن ثم مديت جنبي ساعتين واخذت قسطاً من الراحه ....
الجزء الثاني !!
تومورو !! بيسوك باقي