نشر في لوس انجلوس

سانتا مونيكا vs ايفرن

kaskapajas

07-07-2022 - 01:36 am

ادري وايد سألت و بنفس الموضوع بس لانه موضوع السكن في لوس انجلوس عقدني وايد من كبر المنطقه..
الحين خلاص وصلت حق 3 خيارات تقريبا و بغيت رايكم بالنسبه للفنادق و افضلهم..
الاول: Santa Monica Pico Travelodge في منطقة سانتا مونيكا
الثاني: SpringHill Suites Irvin John Wayne Airport / Orange County في منطقة ارفن
الثالث: Candlewood Suites Orange County/ Irvine East في منطقة ارفن
الفنادق الثلاثه الصراحه عجبوني و الفندق الثالث سعره اقل من الباجين ب300 دولار تقريبا..
انا راح تكون اقامتي لمدة 9 ليالي انشالله و معاي سياره و السكن لشخصين بس مع زوجتي و اهم شي النظافه..
نبي اقتراحاتكم بليز لا تبخلون بالمشاركه لاني انشالله ناوي الليله احجز

التعليقات (8)

aziz20012001

07-07-2022 - 05:48 am

اذا 9 ايام وبس انت وزوجتك ومعاك سيارة نصيحة اسكن في لوس انجلس وليس اورانج كاونتي لان اغلب الاماكن السياحية في لوس انجلس وليس اورانج كاونتي.....ممكن يومين تروح الصبح وترجع بالليل لاورانج كاونتي....يوم لدزني لاند ويوم تمشي بالمولات اللي في اورانج ولزيارة ونيوبورت بيتش....
السكن بلوس انجلس في هوليوود او وستوود او سانتا مونيكا

kaskapajas

07-07-2022 - 06:49 am

مشكور اخوي عزيز عالنصيحه الحلوه..
عندك خبر عن هل الفندق Santa Monica Pico Travelodge..؟ لانه كلام الزوار عنه زين و شكله موقعه زين بالسانتا مونيكا و سعره معقول جدا..؟

aziz20012001

07-07-2022 - 07:50 am

شنو الفترة من..... الي... اي تاريخ؟ وجم السعر المعقول للفندق؟ علشان ادورلك بالانترنت
شفت الريفيو علي فندق اللي لسانتا مونيكا.....نجمتين لاكن الكل يمدح النظافة والغرف مريحة.......اعتقد معقول جدا

kaskapajas

07-07-2022 - 08:51 am

الفتره من 6-9 الى 15-9 و السعر يعني لي 1300 دولار تقريبا..
اهم شي يكون في موقف مجاني للسياره و تلفزون بلازما او فلات سكرين..
ما تقصر اخوي جزاك الله خير

kaskapajas

07-07-2022 - 09:52 am

The Ambrose
Jamaica Bay Inn
ايش رايك في هل الفندقين اخوي..؟!
هل عندك فكره عن موقع lastminute.com لاني اول مره اشوفه و الاسعار فيه وايد حلوه و ارخص من باقي المواقع..؟

aziz20012001

07-07-2022 - 10:53 am

من الصعب جداً بهذا السعر.....حاولت ماكو شي يسوي.......خلك علي Santa Monica pico

taurus1991

07-07-2022 - 11:54 am

انا انصحك بالسكن في لوس انجلوس بما ان الفترة قصيره ماتسوى عليك المشاوير
لكن اذا حاب تسكن في ارفاين فيه فندق حلو وموقعه حلو
فيه فلات سكرين و الباركنق والفطور مجاني
اللسويت غرفتين ب 290 دولار يوميا بدون التاكس مع التاكس ب 320 على ما اظن ناسية . لكن سويت ابو غرفه او ستوديو ما ادري بكم
وقباله محل بوفيه سلطات وشوربات حلو
نظيف و خدمتهم حلوه
http://www.marriott.com/hotels/travel/snaiv-residence-inn-irvine-john-wayne-airport-orange-county/
marriott residence inn
بالتوفيق
شيكت لك على السعر في التواريخ المحدده .. لشخصين استوديو سرير كوين مع صوفا بيد ب 159 دولار
سويت ابو غرفه ب 179

kaskapajas

07-07-2022 - 12:55 pm

يعطيكم العافيه شباب ما تقصرون..
اخوي عزيز ما جاوبتني على موقع lastminute.com لاني قاعد اشوف فيه وايد فنادق حلوه و بمواقع حلوه و بارخص من 1300 دولار بعد,,.؟
The Ambrose هذا الفندق بعد حصلته بالموقع بسعر حلو.. هل تتوقع انه زين..؟

لوس انجلوس المسافرون العرب

سانتا مونيكا vs ايفرن