هلا اختي انا ما عندي خبره عن الحضانات لاكن
عن الحياه في سان فرانسسيكو ممكن اخدمك
اولا العنصريه نسبتها معدومه جدا اهلا البلد متفتحين الى ابعد درجه
ممكن تتصورينها المدينه تعتبر من اهم مدن امريكا الخدمات جميعها
موجوده البقالات العربيه في اكثر من يمكن و اللحم الحلال فيها و المقاضي
العربيه الي متعودين عليها في السعوديه كلها موجوده المدينه مزدحمه جدا
يكثر فيها الصنيين طبعا المولات و الاسواق كل شي موجود طبعا على البحر
السلبيات الي في المدينه انها جدا غاليه من اغلى المدن الي في امريكا خصوصا
في السكن وهذا بسبب انها جبليه الداون تاون حقها في كثير من المتشردين)الهوملس(
وهذا من سلبيات المدن المتفتحه في امريكا
انصح في حال رحتوا الى سان فرانسيسكو ان لا تسكنوا فيها في مدن كثيره حولها ما تبعد
اكثر من دقايق بالسياره هناك مثل
سان متيوو san matio
و رد وود redwood city
يونيون سيتي union city
هذي المدن هاديه مره و نظيفه و ارخص من سان فرانسيسكو
ابتعدوا عن هيورد و اكولند هذي من اخطر المناطق هناك
اما عن السيارات في رجل سعودي ساكن من زمان في سكرمنتوا الي ما تبعد عن سان فرانسسكو الا ساعه تقريبا هو تاجر سيارات يشتري و يبيع رجل في الخير ينادونه ب ابو عبدالله البلوي ممكن اني اجيب لك رقمه
عموما سان فرانسسكو ممكن انها ما تعجبك في البدايه عشان الغربه و عشان الزحمه لاكن انا متاكد ان السكن هناك بيعجبكم بعدين لانها تعتبر مدينه المثقفين في امريكا بتمشين في الشوارع و تشوفين الرسامين
اتمنى اني افدتك و زي ما قلتلك اذا لقيت رقم الرجال حق السيارات جبته لكم هو كل عمله على السيارات المستعمله
بالتوفيق

ايه نقطه مهم لا تجيبين معك خادمه انتبهي هذا اكبر غلط يسونه السعوديين و الخليجيين عموما
لان النظام في امريكا ما يسمح الخادمات الي زي الي في السعوديه لان الخادمه لو ما دفعتيلها اجرتها
كامله ممكن تشتكيكم و اقل اجره في امريكا هي دولار في الساعه انتبهي من هذه النقطه اين كانت الخادمه و تشتغل عندكم من زمان اقل شي بتسويه انها بتهرب في حياتي ما شفت احد جاب خادمه و جلست عنده اكثر من اسبوع صدقيني انتي تحققين حلم لهم انك تجيبنهم الى امريكا فبتكون قلق اكثر من انها خدمه لك غير التامين الطبي و الامور الاخرى الي اصلا مكلفه فالتامين الطبي وحده يكلف دولار على الاقل في السنه

اف اف اف اف اف ,, الله من الغثا !!
كل هذا بسبب خدامات ! والله شكل بريطانيا ارحم !
ع العموم اخوي شكرا على الرد واعتذر عن التأخير ,
لكن تم تغيير الخطة وخلينها ع ساندييقو , لأنها اقرب من لوس انجلوس لوجود خالي هناك
شكرا لك وما تقصر ابد
طيب يا ليت تشوف رقم ابو عبدالله البلوي , وهل فيه امكانيه لو نشتري سيارة من عنده يرسلها ع ساندييقو ؟
وكم بتكلف ؟