نشر في فيينا

سالزبورج او زيلامسي

barho0om

27-06-2022 - 01:23 pm

السلام عليكم
اخواني انا ان شاء الله بسافر النمسا في شهر العسل وخلصت من حجوزات الطيران
والحين في الترتيبات النهائيه لحجوزات الفنادق
واخترت اوربا في فينا
وساخير في سالزبورج
وبا النسبه لزيلامسي انا احترت في موضوعها وش رايكم يا اخوان بما ان زيلامسي قريبه من سالزبورج ( على ماسمعت ساعه با القطار بينها وبين زيلامسي ) وبنفس الوقت زيلامسي مدينه صغيره
اخلي مخططي فينا سالزبورج وكل يومين اروح لزيلامسي عن طريق القطار احسن من اشيل اغراضي من مكان الى مكان واستقر في سالزبورج خصوصاً اني بكون في شهر عسل
وياليت الاخوان يفيدوني با الفكره قبل ما احجز واتوهق
الله يعطيكم العافيه

التعليقات (7)

Unique Man

27-06-2022 - 05:02 pm

مرحبا
كلامك صحيح 100%
زيلامسي في الصيف لاتصلح من وجهه نظري لشهر العسل
السنتر متريين في متريين وفيه اكثر من 10000 خليجي واكثر
انا من رأيي سالزبورج
والراي الاول والخير يعود لك واتمنى لك رحله سعيده

barho0om

27-06-2022 - 06:03 pm

كلامك خلاني أقتنع با الفكره اكثر !!
انا ماهجيت من ماليزيا والدول العربيه الا علشان زحمة الخليجيين
بس المشكله اليوم سألت مكتب سياحي وقالي ان تذكرة القطار من سالزبورج الى زيلامسي ب 50 يورو للشخص !! يعني شخصين ب 200 رايح وجاي وهذي المشكله للأسف الي يمكن تخليني اغير رايي واسكن في زيلامسي

A-Saeed

27-06-2022 - 07:04 pm

اخوي barho0om يعله عرس مبارك
من راي وخص انك ما بتسوق على ما اعتقد انك تسكن في سازبرغ اخيلك وبامكانك تتمشى فيها له السنتر قريب
زلامسي حلوه لكن لازم تكون عندك سياره لنها صعب تحصل تكاسي وايد وانصحك تفكر في موضوع السياره لنها مهمه وانته عريس وتسحب بنت الناس من محطه لمحطه مع عفشك
اتمنالك سفره سعيده

Unique Man

27-06-2022 - 08:05 pm

لا تسأل المكاتب الي عندنا
روح ابنفسك محطه القطار في سالزبورج انا اقولك بتحصلها 25 يورو تقريبا صدقني
ولا تحاتي من ناحيه الحجز متوفر في كل وقت

حدّي مصــر

27-06-2022 - 09:06 pm

اخي الكريم اذا كنت بتستأجر سياره فنصيحتي لك تسكن في الكابرون القريبة جدا من زيلامسي .. انظف وابرد وارخص بمراحل واهدى ومافيها زحمة ,,,, بس لو ماكنت بتستأجر سياره نصيحتي لك تسكن بزيلامسي حتى لو كانت زحمة ومليانه خليجين لانها صعبه انك تروح يوميا من سالزبورج الى زيلامسي با القطار (ساعه و 35 دقيقة) من موقع القطار النمساوي https://ticket.oebb.at/bin/frame_ticket.pl?ticket=ot_overview.pl?xmlId=23.02325132.1240895102:2:C1-0&LANG=EN ولك حرية الخيار
موفق ان شاءالله

حروف اسمي

27-06-2022 - 10:07 pm

كل يوم رايح جاي لنفس المكان في القطار ومعاك بنت الناس اشوفها بهدله ومالها داعي
من رايي تسكن زلامسي ولا تحاتي كثرة الخليجيين لانهم ماشاء الله في اي بلد بتروح لها بتلقاهم وشوفتهم تونس والله انا عن نفسي استانس يوم اشوف عرب في المكان
والراي في الاول والاخير لك طبعا

barho0om

27-06-2022 - 11:08 pm

مشكورين ع الرد والمساعده
وخصوصاً حدي مصر .. الله يعطيكم العافيه ومجهودك في القسم تُشكر عليه يا الغالي .. الله يوفقك ويسهل امورك مثل ماسهلتها على اخوانك
والظاهر مثل ماقلتو حل المشكله هي تأجير سياره وببدا افكر في موضوع التأجير واقرر
الله يعطيكم العافيه الف الف ششكر لكم

فيينا المسافرون العرب

سالزبورج او زيلامسي