كاكا
18-12-2022 - 05:17 am
يا
اولا / بداية سوف نقوم برحلة بالسيارات الى اوربا الشرقية سابقا وهى رحلة شبابية وسوف يكون انطلاق الرحلة من تركيا اختصارا للوقت دون ان ننوه الى التجهيزات السابقة قبل الرحلة وقد اخترنا بان تكون هذه الرحلة برفقة كل من مجموعتين على سيارتين وهم كاكا وسازنور والوافى وهشام وسوف يتخلل هذه الرحلة حوارات ونقاش وضرب اخوان دون زعل و التعلم من السفر بالسيارة الصبر و مراعات نفسية اخوانك اللى معاك بالسفرة , ودون ان تفقد الرحلة الغرض الاساسي وهو تعليمات ونصائح وارشادات و ابداء الراي لمن يفكر ان يقوم بهذه الرحلات بالمستقبل بالسيارة وهى تختلف نهائيا عن من يقوم بالسفر بالطائرة
كما اننا قد اتبعنا خط معين بتجربه سابقة من رحلة سافر مع كاكا الى تركيا وقد شاهدت بان هناك تجاوب ولو هناك بعض الكلام غير مفهوم ولكن سوف يكون سازنور موجود ويعطي مختصر للرحلة ولو كنت افضل ان يكون هذه المهمة للوافى ليكون له موقع ايضا اسوه بنا .
و احب ان ابين بان الرحلة سوف تنتقل من موقع الى اخر للمتابعين اي بعد تركيا سوف نكون بموقع بلغاريا على حسب طريق الرحلة , و الهدف من الرحلة هو ان نبين لكل من يرغب بالسفر ان الطريق ليس سهل وهناك معوقات كثيرة وبالصبر وطولت البال يستطيع الواحد ان يجتازها ............................. اتبع كاكا .
الحلقة الاولي 1 التجهيزات
اشوف المواتر جديدة يالذيابه , ماشالله من الحفيز مفكوكة , وانت يسازنور ما ودك الا على الفكس ار وبركب معك , ابي اكشخ و شخص , وشوف الذيابه الشباب المزايين , خلونا وحنا العوادة , راكبين النيسان زد اكس , الله يستر عليهم , لا يزعلون بالطريق ويخلونا , وبالزد يشخطوننا , وما فيه ارمال وتغاريز , تقول عليهم بنلحق , قصت الشعر مدرج وحنا نصبغ لحانا , يالله حسن الخاتمة اللى حشرنا معهم نبي نتشبب , يكاكا وانا خيك هونها وتهون المزايين ما يبون ذا الوراعين الملقوفين , يبن الرزه وللا تكيت حنا جاهزين .......... اتبع كاكا .علومك علوم يكاكا بيك , رديت لطبعك و ما تخليت و مثل العجيز مخير تندب حضها يوم شيبت , بقت العرس ولا حصلها , علما بلى بالطريق ناخذه وترك عنك اللى ما يسرك , وش عندك من علوم هاته وعجل ........ اتبع كاكا .
شوف ياديب سازنور جاك مدربي راسه , يالله الخراج هو شنهو حاط علي راسه , يكاكا ياخبل انت ما تدري ان الذيب الوافى , متهيض مستانس , ويبي الممشي اليوم قبل باكر , انت شوف يكاكا يكد الشعر على جنب هشام الذيب , ياولد علينا تغير , لا والله ضعنا مع هذوي المزايين ............ اتبع كاكا .
يكاكا يكاكا ..... قل وش عندك يا ملس راسه , ايه اجل مثلك حات راسه , هذا شعري طبيعي وانا خيك , المهم الفيز وخلصناها , دبل فيزا , اخذنها , وطلبنا ان تكون دبل الفيز ترانزيت لبلغاريا وختمناها يكاكا بيك ... بعدي الذيب هشام بيك حفظت العلم , ومثل ما قلت سويت , وانت يذيبان الوافى وش سويت , ابي اعلمك ان الدراهم صرفت من الدولار و لا كثرت وخليت بالبنك ما يغطي الكرت و حتى بالسحب يكون هناك ما يغطية , لا وزيدك من الشعر بيت تراي للعلوم حفظت , و الجنزات منها كثرت و والملابس الكشخة مع ربطة العنق تركت , فري وشبابية , ومن الملابس الشتوية اخذت .................................................. ............... اتبع كاكا .
وانت يسازنور وش عملت , كل خير ونشالله ما قصر , المواتر شريت القطع الصغيرة وما كثرت , حتى الفيوزات جبت , بتسلسل ارقامها منها اخترات , والجارمن الموديل الجديد بالسيارات ركبت , ومصافي الزيت والبنزين شلقه اخذت , والهواتف عممتها وخليتها جواله للحاجة ان احتجت , و انت يكاكا وش عملت , اعلمك وش عملت ,
الخرايط جبتا وهذا اللى قدرني عليه الله , مع اشويت ادول وادوية بثلاجة صغيرة ركبتها و الرز ما نسيت , ووصيتك يذيب سازنور , ما تركتها القهوة والهيل والتمر حملت , والجدور والملاس و الصواني بعد جبت , يكاكا يكاكا انت وين تبي تروح , اخاف انك بتكشت للصمان وانا ما دريت ................ اتبع كاكا .
يالله الخراج يكاكا انت من وبن تبينا ندخل تركيا , باب الهواء طريقنا والى اضنا نبي نتعشاء فيها , فيها الكباب التركي الحار يمدحونه , وان كان تبونا نمرح ونبيت ما هى شينه , نتفسح عند الترك و نشوف مسجدهم الجديد اللى توهم بانينه , وتراها مدينة ما حد يقعد فيها , حاره و فنادقها كويسه ورخيصة , والجاكوزي فيها حاطينه ................... اتبع كاكا .
شوري عليكم يالذيابه وراي وانا هشام احسلكم خلونا نتعشي ونكمل طريقنا , يالله راي اخوي هشام موافق و خلونا نكمل رحلتنا ........... يالله الخراج وانا سازنور , اي شباب وظهورهم ما توجعهم , وبالزد يبون يطيرون , اقول اقضبو الا رض ازين لكم لا والله المشعاب , على ضهوركم الثنين بعبطكم , وقول من وين تونسون احسلكم ............ اتبع كاكا .
اللى اشوفه يالربع والشور لكم , تصويت خلونا نصوت ونعيش الديموقراطية بسفرتنا , وانا من رايي ان نبات ونستريح ابرك , العجله من الشيطان , وطريقنا ترى يم دنزلي على البحر الابيض , يمر على غابات , وطريق واحد اقشر ومزدحم , نبي نخلي انقره شمال ويم الغرب وجهتنا , ما دام ان بتركيا نبي نتمشي على كيفنا , و كل ما هو غريب وزين من الاماكن نمره , سياحة ولا نبي شي بالطريق نطوفه .......................... ....... اتبع كاكا . 2 فى تركيا